VOV4.M'nông: Gay đăp mpăn rhŏ dŏng an SEA Games 31 ƀư ntơm bah nar 12/5, Tập đoàn Bưu chính viễn thông VNPT hŏ ntrôl ngăch ntrŭp ăp ndơ dŏng Viễn thông - CNTT ta ăp ntŭk ƀư tâm rlong. Tât rnôk dja, ăp gâl kan n'glĕ dŭt dôl dơi VNPT ƀư lôch jêh n'hanh rlong nchuăt gay nchrăp rhŏ dŏng an Đại hội. Lah ngoăy tâm ăp nar thể thao têh bôk năp bah nkual, tĭng nău uănh năl bah mpôl tơm ƀư, nchroh, nar tâm rlong mbra wăch rgum 1 rmen nuĭh uănh ma trong ƀoh rup n'hanh mạng xã hội đah 1.200 mông pơk sŏng dăng. Nău dja jêng mpet jâk tât nău đăp mpăn tŏng dăng ndơ viễn thông – CNTT rhŏ an Đại hội. Gay dŏng lĕ ndơ viễn thông rhŏ an Đại hội, VNPT hŏ ntrŭp tay âk trong rse ƀoh Internet tốc độ cao n'hanh ăp ndơ ntrŭt ntop ƀoh dăng sóng 3G, 4G ta ăp ntŭk tâm rlong ta Hà Nội n'hanh 10 n'gor/ nkual ƀon têh êng ƀa ƀă. Aơ lah ăp trong ƀoh Internet dơi weh ƀư mha êng an dơi pơk ƀoh nău lư ngăch, hŏ dơi uănh năl n'hanh rlong nchuăt dŏng, đăp mpăn mô geh jâk bêng gay ntop kơl lĕ n'hâm an nău pơk uănh gĭt nău dơi tâm rlong SEA Games 31.

Nuĭh rblang: Điểu Thân