VOV4.M’nông: Măng 17/12, ta ntŭk ntoh nau ngơi neh dak (58 Quán Sứ, Hà Nội), Radio Việt Nam (VOV) ƀư măng mprơ ăp nau mprơ ueh ngăn geh dơi săch tâm nau tâm rlong tâm ndrĭng nau mprơ “Nau mprơ Việt Nam- Let’s sing Vietnam”. Aơ lah nau rgŏ jă ndrĭng nau mprơ âk ngăn, ăp ntil ngăn ân ăp nŭih ndring nau mprơ tă geh blau ndrel ê geh blau tâm dak ndrel nŭih Việt Nam tâm dak ba dih, ăp nau mprơ dak ba dih ŭch nkoch tât nau ŭch rŏng đah Việt Nam. Tâm măng mprơ, 12 nau mprơ geh mprơ lah ăp nau ueh, geh săch tă bah 45 nau mprơ tâm rnôk săch lăp dăch dŭt, geh nau ueh năn, m’ak ân năch djăt, nŭih uănh ndrel rmôt nŭih uănh săch. Tâm rnôk 8h măng aơ 18/12, Nau pă nkhôm nau rlong ndring ăp nau mprơ “Nau mprơ Việt Nam-Let’s sing Vietnam” mra geh ƀư ta Ngih mprơ Radio Việt Nam (58 Quán sứ, Hà Nội). Bôk nau aơ geh ntoh rŏng tâm ăp kêng VOVTV, VTC1, ntoh sŏng tâm hệ VOV1, VOV3; trực tuyến tâm VOV.VN, VTC Now, VTC News ndrel ăp trong pơk nau ngơi bah Radio Việt Nam./.

Nŭih rblang: H’Thi