VOV4. M’nông: Măng 16/4, ta Ƀon Văn hóa- Pâl nđaih ăp rnoi nuĭh Việt Nam (Đồng Mô, Sơn Tây, Hà Nội), Bộ Văn hóa, Thể thao n'hanh Pâl nđaih kan nsum đah du đêt n'gâng kan Trung ương n'hanh n'gor hŏ ƀư Bôk nău kan Ntơm pơk Nar văn hoá ăp rnoi nuĭh Việt Nam năm 2021.

Bôk nău kan njroh mprơ mbah rhơn Nar Văn hoá ăp rnoi nuĭh Việt Nam năm 2021 lah 4 gâl: “Tìm về nguồn cội, Vầng dương chiếu rọi, Khát vọng, Chung một mái nhà” dơi rdâk njêng tĭng trong tâm rep đah âk trong ƀư njroh mprơ, ka dŏ, uh goh gay rdâk tay nău way ơm rŏng dak, nuĭh n'hâm n'hao êng săk, uănh khlay êng rnoi nuĭh, mât ndray săk tơm văn hoá tâm ƀon lan 54 rnoi nuĭh. Bôk nău kan dơi nchrăp lor âk mpưm ngăn hŏ mpư rnê nar way ơm văn hoá ăp rnoi nuĭh n'hanh mpư n'hao nău gĭt dơn êng nău kan bah lam rnoi nuĭh tâm nău mât njrăng, mât ndray ăp drăp ndơ ntlơi an văn hóa, săk tơm rnoi nuĭh, nău way ơm văn hóa way ƀon lan; njêng ntŭk nsing rdâk rêh tay, rdâk njêng tâm rnglăp têh lam ƀon lan n'hanh hun hao jâng văn hóa Việt Nam uĕh mhe, săk tơm rnoi nuĭh./.

Nuĭh rblang: Điểu Thân