VOV4.M’nông: Ôi lơ 3/6, ta Hà Nội, N’gâng kan tuch tăm ndrel hun hao ƀon lan ƀư rƀŭn trựuc tuyến lam dak mpeh nau doh rklaih ăp nau kan mhe tâm nau kan tăch ndoh ndơ tuch tăm tâm rnôk geh srê Covid-19. Rơh rƀŭn nchră mra rgum tâm nchră mpeh ăp nau kan kơt: ndâk njêng nau kan chính quy mpeh nau tăch dnơ tuch tăm tâm nkuăl geh srê, doh rklaih ăp nau kŏ kol mpeh nau kan nchuăn rdeng ndơ tă bah nkuăl geh srê hăn ăp nkuăl êng gay ma tăch tâm dak ndrel dak ba dih. Doh rklaih ăp nau jêr mpeh trong tăch play vải thiều bah 2 n’gor Bắc Giang ndrel Hải Dương, N’gâng kan tuch tăm ndrel hun hao ƀon lan ƀư ăp rmôt kan hăn pah kan đah ăp nkuăl tâm kâng n’har đah dak ba dih ndrel ăp ntŭk kan bah Trung Quốc. Nkre uănh nau kan ê nkra ndrel nau leo tăch ăp ntil ndơ tuch tăm tâm ăp nkuăl ndrel nchră tay nau kan tâm nthoi nau tăch rgâl ndơ tuch tăm đah ăp ntŭk kan tâm trong kan pă tăch tâm ndrel bah dih dak./.

Nŭih rblang: H’Thi