VOV4.M’nông: Wa Hoàng Châu Hồng. tâm xã Nhân Cơ, nkuăl Dak rlâp, n’gor Dak Nông lah nu\ih geh giải nhất rơh tâm rlong Cà phê kah Việt Nam tal 2 năm 2020 geh [ư ta Nkuăl [on têh Buôn Ma Thuột, n’gor Dak Lak. Ntil cà phê kah bah wa Hồng geh giải nhất tâm rơh tâm rlong geh ntơ “Coffe Speccialty” geh [ư ti\ng trong tăm hữu cơ, hôm ntơm lah “cà phê kloh” yor ri ma rnoh tăch khlay rlau 2-3 tơ\ rđil đah rnoh cà phê êng.

Rơh tâm rlong Cà phê kah Việt Nam năm 2020 geh [ư ta nkuăl [on têh Buôn Ma Thuột khay 3 năm 2020, geh di\ng le\ 36 rmôt kan đăng ký râng tâm rlong tât tă bah Nkuăl [on têh Hồ Chí Minh, Hà Nội, Sơn La, Dak Nông, Gia Lai, Dak Lak…đah 33 ntil cà phê Robusta ndrel 23 ntil cà phê Arabia. Ăp rmôt tâm rlong ân rlet rlau ăp nau tâm rlong đah nau kan nêp, ti\ng nau kan nchâp bah ăp nau tâm rlong cà phê kah bôk năp lam ntur neh.

Jêh nê, Rnâng kan ho\ pă cúp ân 3 ntil cà phê Arabia ndrel 3 ntil cà phê Robusta geh điểm prêh ngăn. Tâm nê, ntil cà phê Cofre Specialty bah wa Hoàng Châu Hồng tâm xã Nhân Cơ, nkuăl Dak Rlâp, n’gor Dak Nông geh chấm điểm prêh ngăn đah rnoh 84,63 điểm (kơp ti\ng điểm 100) tâm nau kan tăm cà phê Rubusta.

Gay dơi geh kơt nau aơ, wa Hồng ho\ rlet rlau âk năm khay tăm cà phê ti\ng trong hữu cơ, ân to\ng geh kơt dak ba dih. Đah 4 ha cà phê geh bah rnăk vâl wa tăm ti\ng trong do\ng phân, dak si njrăng tu ndru\ng lơh đah dak si nơm nkra êng. Mir cà phê bah wa geh nku\m n’hâm, tâm nâm tơm mro geh ndâm ma pih kro  gay ma [ư ueh ân mir tơm tăm.

Ti\ng wa Hồng, gay ma dơi geh ntil cà phê geh nau kah ueh êng, êng nau [ư tăm ti\ng trong hữu cơ ri ăp ntil nau kan kơt lah pe\ klih ndrel ê nkra ko\ rgop nau kơl an nau geh tât nau geh jêng tâm nau kan ntơm tăm cà phê kah. Ti\ng nê, grăp cà phê rnôk jêh klih ri ân đăp mpăn geh du\m 100%, pe\ lih ân tâm di rnôk grăp cà phê du\m tâm ban.

Jêh rnôk klih, grăp cà phê mra geh trăm tâm dak gay rao kloh, kloh lơi grăp mô ueh. Gay grăp cà phê tâm ban jêng cà phê kah, wa Hồng ntơm ndum nklăp 4-6 nar gay ma nkra ân jêng grăp cà phê jêh ri leo ih kro tâm mong ndrel lo\ rklet âk nau kan êng êng.

Yan cà phê năm 2019-2020, wa Hoàng Châu Hồng geh 800 kg cà phê kah Coffee Specialty. Rnôk wa râng nau tâm rlong Cà phê kah Việt Nam năm 2020, ntil cà phê bah rnăk wa geh [ư ndrel ăp nu\ih dak ba dih rnê pêh ngăn. Bu năl lah ntil Coffee Specialty lah ntil ueh, [ô kah ueh, lo\ tăng kah, jo\ jong, rnôk lai ma dak n’ik hôm tăng [ô kah ơm.

Jêh rnôk  geh giải nhất, 800 kg cà phê Coffee Specialty bah rnăk wa Hồng geh ăp rmôt êng bu rvăt le\. Aơaow hôm âk ntu\k pâl, ki\n cà phê tâm Nkuăl [on têh Hồ Chí Minh ho\ ntơm dăn rvăt cà Coffee Specialty. Rnoh tăch a[aơ nklăp ntơm 200 rbăn ân tât 300 rbăn/kg, khlay rlau 2-3 tơ\ rđil đah  rnoh cà phê êng tâm ntu\k tăch. Lah nchâp do\ng ntil cà phê kah, du ha cà phê aơ knu\ng geh tăch tâm ban ma 10 ha cà phê êng.

Wa Nguyễn Ngọc Hiệp, Kruanh UBND xã Nhân Cơ, nau kan Wa Hồng geh giải prêh tâm rơh tâm rlong Cà phê kah Việt Nam ho\ kơl an ân nu\ih [on lan tâm nkuăl geh pơk hvi lơn nau gi\t, nau blau, knu\ng gơih kơt ti\ng nti, janh mi\n, janh kan ri nau dơi mra geh tât ty bah nu\ih [on lan. Dăch tât nkuăl mra tâm rgop nsum đah wa Hồng pơk hvi nau kan, n’hao nau săk geh cà phê tâm nkuăl./.

Nu\ih rblang: H’Thi