VOV4.M’nông – Mô hăk bĭch, ji bôk, wăy măt geh đah ăp nuĭh, yơn lah nu nău aơ geh ƀa ƀơ, jŏ ri an mĭn joi nkô| nău n’hanh geh trong mkra dâl gay dêr mô uĕh săk soan dơi geh.                                                                               

Mông bĭch lah rnôk săk mô mpât n’gơ, măt mô saơ, tôr mô tăng, mbung mô ngơi... jêng lah rngok mô kan. Rnôk aơ knŭng geh play nuih kan gay kơl mham hao ăp ntŭk tâm săk gay ndơ̆ oxy n’hanh ăp dưỡng chất kơl tâm rgâl chất gay mât an nău rêh. Du hê nuĭh ngăn an bĭch đêt ngăn 7 mông du nar. Hăk bĭch mbra kơl ăp ntil tâm săk rlu rlău n’hanh rdâk hao tay, tâm nĕ geh soan n’hanh ăp tế bào thần kinh. Ta nuĭh kon se bĭch wăy hăk n’hanh mô geh khuch tât nău nteh bah dih. Hôm đah nuĭh têh, bĭch tăch rngăl. Aơ lah ăp nău saơ bah hăk bĭch uĕh n’hanh uĕh an săk soan.

Nău mô hăk bĭch an njrăng tât mông hăn bĭch mô dơi hăk bĭch, tâm bôk wăy mĭn nău aơ nău ri, đê| đŏng geh rnôk tât n’gul măng mô dơi bĭch, lah geh bĭch ri mô hăk. Tât ôi ơm dâk, săk r’ah. N’hanh lah du hê mô bĭch tŏng 6 mông ri dơi lah dôl roh măt bĭch. Roh măt bĭch dơi lah nău geh êng yơn lŏ dơi tât khuch kơt ji bôk, wăy măt n’hanh rlău ma nĕ ntop đah du đêt nău ji êng.

Geh dŭt âk nkô| nău jêng tât nău aơ, kơt yor rgâl mông bĭch; Roh măt bĭch yor nteh n’gar mô lah yor trôk nar duh ir nđik ir, yor sa ndơ sa geh chất kích thích mô lah yor ngêt dak trà, cafe... Ăp nkô| nău aơ dơi mkra mô lah mbra mbrơi mbrơi bah. Yơn lah roh măt bĭch yor ăp nău kop ji geh kop ji kơt siăk lơh ji bôk mô lah roh măt bĭch yor nău ji jêr bah kơt ji chiăng klôt nko ƀư mpet trong mham ndơ̆ mham hao tâm rnok, rngok mô tŏng oxy n’hanh ăp dưỡng chất mât rong, ăp tế bào rngok luh êng dah rŏng... ri mô knŭng roh măt bĭch ma hôm jêng tât ji bôk, wăy măt. Lah nu nău roh măt bĭch jŏ rlău du khay ma mô dơi bah roh măt bĭch mbra jêng kop ji hao ngăch, ƀư khuch tât nău rêh gŭ âm bah nuĭh ji dŭt âk.

Gay rgâl nău roh măt bĭch, kônh wa n’hanh lĕ băl mpôl an uănh tay mông an bĭch, jrô bĭch an mô nteh n’gôr, mô duh tâm yan mih, nđik tâm yan puh... Njrăng an dêr ndơ sa ƀư kich thích khung, jêr lêk kơt ndơ wâr rănh, âk đạm tâm mông sa măng, mô ngêt dak trà, cà phê, ndơ ngêt geh chất kích thích ƀư jêr bĭch. Lơn lah knŭng an dŏng dak si hăk bĭch mô lah dak si bĭch rnôk geh nău ntĭm bah nai dak si, dŏng âk mô uĕh an klơm, leh, lah ngêt âk mbra ƀư hoơi đê| đŏng khĭt.

Gay dơi rgâl nu nău roh măt bĭch đăp mpăn n’hanh tam, rlău ma nău uănh tât mông n’hanh ntŭk bĭch, kônh wa dơi săch dŏng tay ăp ndơ geh kơl hăk bĭch, hoạt huyết n’hao lăp hao mham, ndơ̆ tŏng mham an rngok, pă an oxy n’hanh dưỡng chất an rngok. Aơ lah trong rgâl nu nău roh măt bĭch đăp mpăn an ăp nuĭh.

Nkô| nău ƀư roh măt bĭch lah ryor mô tŏng mham hao tâm rngok, yor nu nău mpet trong mham ndơ̆ mham hao tâm rngok, yor stress mô lah bih grăy mâp ta ăm nuĭh geh viêm xoang, ăp nuĭh ji nting nko yor ntŭk kô| nting dôn geh mpet ƀư mham hao mô âk... Yor rĭ an n’hao hoạt huyết he săch dŏng ndơ dơi kơl hoạt huyết đah ndơ Ginkgo Biloba... Bah meng Ginkgo Biloba ri ndơ he săch dŏng Cao Bluebery đah tam ntop kơl rgâl săk soan trong thần kinh, nking n’gang ji play nuih... Rlău ma nĕ hôm an geh ăp ndơ lah vitamin B1, B2, B6 mbra kơl kích thích rse thần kinh bah ngăch.... Yor nê gay mkra nău roh măt bĭch, ji bok, wăy măt ngăch n’hanh đăp mpăn, tam he an săch ndơ geh ăp ndơ dak si mhe nkoch.

Bah meng nĕ, ăp nuĭh an nta an he nău gŭ âm tâm di, ngêt sa tŏng chất săch ndơ kơl hăk bĭch kơt ndơ sa geh grăp sen, bum sen, ndơ geh omega 3, prit. Ndrel đah nău jêng hăk bĭch ri ăp nuĭh an hăn jâng thể dục thể thao ăp nar, săch ƀư trăm jâng, ngêt dak duh, dak toh duh lor rnôk hăn bĭch... gay ntop kơl an hăk bĭch uĕh.

Nuĭh rblang: Y Sưng Phê Ja