VOV4.M'nông: Tĭng nău mbơh bah Chi cục Tuch tăm n'hanh Mât njrăng si tăm n'gor Gia Lai, kơp tât bôk khay 6/2021 bu tuh n'glang lha tao hŏ ntoh luh lơh khuch tay ta nkuâl Ia Pa đah rnoh hvi ntưp 393 ha. Nchroh tâm let năp tay, bu tuh n'glang lha tao lơh khuch tay ta ăp neh tăm dôl geh ntưp bu tuh hŏ ơm geh rŭ hôch ta mir bah năp nê nơh, n'hanh rnôk mâp trôk nar duh r'ôl nkre đah mih suh prăng sơh ri aơ lah rnôk dơh an bu tuh n'glang lha tao ntoh luh khuch tay. Gay bah ir bu tuh n'glang lha tao ntưp rêng lam hvi, lơh khuch tât nkual tăm tao bah ăp nhih máy đường tâm n'gor. Sở Nông nghiệp n'hanh Phát triển nông thôn dăn đă UBND n'gor tăm tao n'hanh ăp nhih pah kan geh tât ndăn ƀư nkoch trêng, mbơh njrăng, ntĭm nti, kơi năp nti an nuĭh ƀon lan tăm tao gĭt kloh nău klach rvê, tât khuch bah bu tuh n'glang lha tao n'hanh an tĭng ƀư ăp kôp ăp trong njrăng n'gang tă bah nhih pah kan way kan ntĭm nti./.

Nuĭh rblang: Điểu Thân