VOV4.M’nông – Jêh Kon Tum n’hanh Gia Lai, ta n’gor Dak Lak mhe ntoh nuh srê pŭn ntô ta ndrôk. Ndrôk bôk năp ntưp srê pŭn ntô dơi saơ ta Dak Lak, lah bah rnăk wa Nguyễn Khắc Dự, thôn 5, xă Cuôr Knia, nkuăl Buôn Đôn. Tĭng uănh nđôi nuh srê, nar 3/6, wa Dự rwăt ndrôk bah du rnăk ta xă kiău ma. Rnôk rwăt, mpa rong mô saơ geh srê. Tât ôi 4/6, ndrôk aơ geh ăp nău saơ duh săk, ntoh ăp rplăy môr ta ntŭk ntô n’hơ. Jêh nĕ, ngih pah kan Thú y lĕ sŏk mham uănh năl n’hanh n’glôn jêh ndrôk lĕ ntưp pŭn ntô. Ndrel đah tâp bôr ndrôk ntưp srê, nău kan dơi kan nkuăl lĕ puh dak si kaman nkual srê. Chi cục Chăn nuôi n’hanh Thú y n’gor Dak Lak lĕ geh sam ƀŭt đă ăp ntŭk n’hao trong kan uănh nđôi gay saơ ơm ntŭk srê gay tâm ôp tâm nchră, mkra nu nău.

          Nŭih rblang: Y Sưng Phê Ja