VOV4.Mnông – Nar 7/6, ta tach ndeh păr quốc tế Nội Bài, Công ty Cổ phần Pacific Foods lĕ na nê̆ tăch ndơ vải thiều Thanh Hà, Hải Dương bôk năp hăn châu Âu tĭng tâm ton tăch rgâl dah rŏng đah Việt Nam n’hanh EU (EVFTA). Tâm pơh tât mbra lah ndơ vải thiều Lục Ngạn, Bắc Giang hăn trong bônh joi nsum mpôl 27 dak jêr nuih. Ta nar ƀư, wa Vũ Bá Phú, Cục trưởng Cục ntrŭt ngăch tăch rgâl N’gâng kan Công thương an gĭt: bôl geh khuch bah srê Covid-19 yơn n’gâng kan lĕ tâm rgop đah N’gâng kan tuch tăm mât rong n‘hanh hun hao ƀon lan ƀư âk trong tâm ban bah năm 2021 gay joi ntŭk tăch tâm dak n’hanh lơn lah tăch n’gluh. Aƀaơ âk tấn vải thiều bah 2 n’gor Hải Dương n’hanh Bắc Giang lĕ geh măt tâm ndrơng ndơ ta ăp ntŭk siêu thị Nhật Bản, Singapore. N’hanh đêt nar tât mbra ăp dak EU-ntŭk tăch geh nklăp 430 rkeh nuĭh ƀon lan. Săk rnglăy aơ tât bah ăp nău nsrôih boăt nthoi, ntrŭt ngăch tăch rgâl tâm yan vải năm 2021.

Nuĭh rblang: Y Sưng Phê Ja