VOV4.M’nông: Bah năp nau tât jêr bah nau leo tăch ndơ tuch tăm tâm nkuăl geh srê Covid-19, khay 6 năm aơ, N’gâng kan tuch tăm ndrel hun hao ƀon lan mra tâm rgop nsum đah Trung ương rmôt kan bu ur Việt Nam, Trung ương Đoàn druh ndăm Cộng sản Hồ Chí Minh ndâk ăp nau kan leo tăch ndơ tuch tăm ân ƀon lan nkuăl geh srê, nkre đăp mpăn nau nâp kloh mpeh ndơ, nkre đăp mpăn bah srê. Ăp nau kan tâm rgop tăch geh tă bah Trung ương jur ăp xã, phường. Râng ăp nau kan tâm nthoi tăch rgâl geh ăp rmôt kan tăch rgâl bôk năp ndrel ntŭk tăch rai bah Việt Nam. Ntŭk kan tuch tăm mra ndâk ntŭk mbơh geh ndrel nkoch nau bah ăp trong tăch rgâl bah ăp n’gor geh tât nau kan klih, pĕ, kăch rek ndrel nau leo tăch rgâl. Ăp ntrong pă bah nê mra nchră nau kan gay ma leo rdeng, rgum, ƀư ăp nau kan mât đăp mpăn ndrel ký ton nau kan đah ntŭk nơm kan nsum./.

Nŭih rblang: H’Thi