VOV4. M’nông: Puăn n’gor Tây Nguyên lah Gia Lai, Kon Tum, Dak Lak n’hanh Dak Nông dôl an ƀư rơh 2 chuh vaccine njrăng n’gang ji ndâr pưm ko, rnoh âk chuh mhe geh tât rlău 80% n’glai bôk năp n’hanh rlău 50% n’glai tâl 2 dơm, hôm đêt rđĭl đah rnoh ndơ̆ luh.Tĭng Viện Vệ sinh dịch tễ Tây Nguyên, rnôk dja, ăp n’gor Tây Nguyên mhe an chuh vaccine njrăng n’gang ji ndâr pưm ko ta rơh 2 dơm, n’hanh rnoh âk n’glai chuh bôk năp mhe geh rlău 84%, n’glai tâl 2 mhe geh rlău 50%. Gia Lai lah n’gor geh rnoh ngăch chuh vaccine tâl 2 dŭt mbrơi mhe geh 72% n’glai chuh bôk năp n’hanh 5% n’glai chuh tâl 2. Tâm rnôk nê, lah di trong nchrăp, ăp n’gor ân dôl chuh vaccine njrăng n’gang ji ndâr pưm ko rơh 3. Viện Vệ sinh dịch tễ Tây Nguyên mĭn lah, rnoh chuh mbrơi lah tă bah âk nkô̆, kơt du đêt n’gor mô hŏ uănh khlay ngăn, ntrŭt ntrôl; nuh srê hŭch ƀư du đêt nuĭh ƀon lan uănh khlay, mô ŭch tĭng chuh vaccine; du đêt nuĭh êng hăn kan ngai khuch tât rnoh ngăch chuh./.

Nuĭh rblang: Điểu Thân