VOV4.M'nông: Bol mâp âk jêr jŏt tă bah nuh srê Covid -19, yơn tăch n'gluh ăp ntil ndơ geh ƀư tuch tăm n'gor Dak Lak tâm n'gul bôk năm 2022 hôm hun hao nkah uĕh đŏng, geh tât bơi 20.000 rmen prăk (tâm ban đah 845 rkeh USD), hao 60 % rđĭl đah ndrel khay dja năm e nơh.

Tâm nê geh ndơ cà phê hôm lah n'gâng kan tơm, âk 70% nsĭt geh; lôch nê lah cao su, tiêu; hôm lah ăp ntil ndơ tuch tăm êng ƀa ƀă kơt dak sŭt, phe, play do, biăp play. Sở Công thương n'gor Dak Lak an gĭt: nău ăp tâm ton dah rŏng tăch rgâl kơt: Tâm ton dah rŏng tăch rgâl Việt Nam-EU, Tâm ton lam lĕ rngôch n'hanh rgâl mhe rloh rlău Thái Bình Dương, Tâm ton dah rŏng tăch rgâl nkual Asean geh nău tam tâm ban kơt pơk luh trong dơh soih an ăp doanh nghiệp tăch n'gluh tâm dak lah nsum n'hanh Dak Lak lah êng mbra tât dơi ntŭk tăch rgâl têh kơt: EU, Nhật Bản, Hàn Quốc, ăp dak Đông Nam Á.

Nuĭh rblang: Điểu Thân