VOV4.M’nông: Rơh moh rlơ̆ yan mhe rlau tâm nkuăl miền Trung-Tây Nguyên hŏ lơh âk nau khuch. Yơn lah tâm n’gor Kon Tum rnơm geh rnoh dak ntop ân rơh mih aơ hŏ kơl an nau kan tuch tăm bah nkuăl rlet bah rnoh khuch hô ngăn bah yan vai Tây Nguyên. Nau mbơh bah ntŭk chroh lor mih nar n’gor Kon Tum ân saơ, tâm rơh mih rlơ̆ yan ntơm lơ 31/3 tât ¼, tâm n’gor Kon Tum hŏ geh mih bah găp, mih têh, geh ntŭk mih dŭt têh.

Rnoh dak mih kơl an tŏng bĕ ân du tơ̆ tŏ ân tâm tơm tâm yan vai, mih aơ hôm hao nklăp 25% rnoh dak ân 80 nglau, ma rhiăng trong hoch ndrle thuỷ điện. Aơ lah rơh mih rlơ̆ yan mhe rlau nkre ntop dak ueh ngăn ân tuch tăm bah n’gor ndrel đah rnoh mhe mhe dôl tŏng dak tŏ ân tơm tăm tât yan mih 2022 ntơm tât./.

Nŭih rblang: H’Thi