VOV4.M’nông - Jêh 3 năm ƀư tĭng bôk nău rgop an tâm nchră boăt nthoi nkra njêng, nkret njêng n’hanh tăch ndơ tĭng Nghị định 98 bah Chính phủ mpeh nău kơl ntrŭt hun hao kan ndrel, tâm rgop nkra njêng n’hanh tăch ndơ, Lâm Đồng lĕ ntơm n’hao nău khlay nkra njêng ndrel du ntŭk tuch tăm.

Ndơ lŏ mir tă bah tâm rgop nkra njêng n’hanh tăch bah Lâm Đồng.

Na nê̆, Lâm Đồng lĕ ndâk ƀư n’hanh hun hao geh 182 trong tâm rgop, đah bơi 16.000 rnăk tuch tăm n’hanh 2.445 rnăk mât rong. Ăp trong tâm rgop nkra njêng aơ dơi ƀư tĭng têh hvi 30.200ha tơm tăm ăp ntil, rnoh ndơ geh bơi 400 rbăn tấn; n’hanh mpôl ndrôk rpu, kik djăr rlău 850.500 mlâm, rnoh ndơ geh 126.560 tấn. Rnoh khlay nkra njêng tă bah trong tâm rgop năm 2021 geh 14 rbăn 378 rmen prăk, geh 20% dĭng lĕ rnoh khlay nkra njêng bah nău kan tuch tăm tâm n’gor. Nchrăp tât năm 2023, Lâm Đồng geh 200 trong tâm rgop nkra njêng n’hanh tăch ndơ lŏ mir, đah 30% rnoh ndơ lŏ mir mbra dơi tăch tă bah tâm ton.

Nuĭh rblang: Y Sưng Phê Ja