Nău nchrăp kan ƀư dak bât pă điện Ia Mơr, geh lĕ rnoh ntuh kơl an rlău 2.600 rmen prăk, đah nău kan pă dak an rlău1 4.300ha neh tuch tăm ta ăp n’gor Gia Lai n’hanh Đăk Lăk. Yơn lah, lôch rdâk ƀư, lĕ rnoh neh tăm tơm geh tŏ kanŭng lah 3.600ha, mô tŏng bơi tât 5 rbăn ha đah nău nchrăp ƀư. Ta rơh pah kan, UBND n’gor Gia Lai lĕ đă n’gâng kan tuch tăm mât rong n’hanh hun hao ƀon lan an dŏng nău kan ndơ̆ dak sĭt ta ăp nkual geh rgâl mhe bâh neh tăm tơm cao su mô jêng. Kruanh n’gâng kan tuch tăm mât rong n’hanh hun hao ƀon lan Lê Minh Hoan dơn ngoăy tâm ban ŭch đah nău dăn đă bâh n’gor Gia Lai, mât đăp mpăn hun hao bri, mât n’har bri n’hanh nsĭt tay săk rnglăy an nău pah kan tuch tăm.