Lôch geh uănh nđôi nău ngăn pah kan mbơh tơih njrăng rdâng nuh srê bâh mpôl kan mât săm ndrôk n’hanh n’gâng kan ta ntŭk, du đê̆ ndrung n’gar geh ndrôk sŏk dak toh geh nău ji ndul djroh n’hanh khĭt ta 2 nkuăl Đơn Dương n’hanh Đức Trọng, mpôl pah kan lĕ geh rơh pah kan đah nuĭh leo kan n’gor Lâm Đồng. Ta aơ, Groi kruanh Phùng Đức Tiến đă ăp ntŭk kan trung ương ndrel đah ntŭk kan ta ntŭk an geh ngăch mbơh tơih ăp trong kan gay ma mât săm ndrôk geh ji ndul djroh, bah ir geh nău khuch khat n’hanh mât đăp mpăn ueh ntŭk gŭ rêh. Cục thú ý ăp ntŭk kan ndrel tât râng ngăch ndăn mât săm ngăn an ndrôk sok dak toh geh ji ndul djroh gay ma ngăch mbơh tơih tât ƀon lan, tâm rgop đah ƀon lan mât săm ndrôk geh nău ji. N’gâng kan tuch tăm mât rong n’hanh hun hao ƀon lan ăp ntŭk kan trung ương, doanh nghiệp bôk năp mpeh mât rong mbra kơl ndơ dŏng dak si an n’gor Lâm Đồng.