VOV4.Mnông-“Rgum mât njrăng răng dăng n’hanh tâm ban ăp ntrong kan njrăng rdâng nuh srê ta ndơ mât rong ngăn lah tui kan bâh bôk năm” lah nău đă kan bâh groi kruanh n’gâng kan tuch tăm n’hanh hun hao ƀon lan Phùng Đức Tiến ta rơh rƀŭn nchră trực tuyến lam dak mpeh njrăng rdâng nuh srê ta ndơ rong n’hanh tui ka geh ƀư ta ôi nar 11/2 ta Hà Nội. Tĭng nĕ, ăp ntŭk an geh pă ăp rnoh nuĭh kan gay ma leo ƀư an geh săk rnglăy bâh ăp bôk nău kan, nău nchrăp kan ngih dak mpeh njrăng rdâng nuh srê lĕ geh Thủ tướng chính phủ an dŏng. Nkre lah ntrôl dăng nău kan rdâk njêng ndơ dŏng, nkual mât đăp mpăn njrăng rdâng nuh srê ƀư ntŭk gay ma mât đăp mpăn  rnoh ndơ sa n’hanh tăch an dak bah dih, ntop ta nkô̆ ŭch hun hao bâh n’gâng kan tuch tăm tâm năm aơ. Ta rơh rƀŭn nchră, du đê̆ nău tâm rgop dăn đă an geh doh rklaih nău jêr mpeh nău kơl kan an cán bộ thú y gâl ntŭk kan ba dâng.

Nuĭh rblang: Thị Đoắt