Lơ 22/8, UBND nkuăl Krông Pắc, n’gor Dak Lak ƀư rƀŭn mbơh mpeh Lễ hội Sầu riêng rơh tal 2 đah bôk nău “Sầu riêng Krông Pắc-Hun hao n’hanh rgum lăp”. Lễ hội mbra ƀư bah lơ 31/8 tât 2/9, geh 12 nău ƀư khlay. Đah nău nchrăp uĕh, ndăn bah ăp ntŭk kan geh tât, tât aƀaơ, ăp nău ƀư an lễ hội ƀư di ngăch. Ngoăy tâm âk nău ƀư khlay lah Ntơm ƀư (tâm măng 31/8) dôl rhoăt ndăn jêh ăp nău n’glêh dŭt. Jêh ntơm ƀư lah bôk nău ƀư njroh mprơ đah tât râng njroh mprơ rlău 400 nghệ sĩ.

Tă bah trong ƀư sân khấu way ơm tâm rgop đah mhe mbra nkoch nău mbơh mpeh nkual neh Krông Pắc ndrŏng âk ndơ geh. Tâm lễ hội Sầu rieng Krông Pắc rơh aơ, âk nău ƀư ngăn an nuĭh ƀon lan n’hanh năch pâl nđaih dơi pơk hvi mpeh ntrong ƀư têh kơt: Lễ hội trong nkual ƀon têh, giải việt dã yor săk soan nsum mpôl, nar rgum văn hóa ndơ ngêt sa ăp rnoi nuĭh... Tâm nĕ, nău ƀư mbơh nhạc dak nghệ thuật dơi âk nuĭh kâp, đah jŏ 60 mnĭt, rup gui ntơr ang.