Lễ hội Sầu riêng Krông Pắc, n’gor Dak Lak tal II, năm 2024 đah nkô̆ “Sầu riêng Krông pắc-Hun hao ndrel tâm rnglăp” mra geh ƀư ntơm lơ 31/8 lôch lơ 2/9. Nŭih ƀon lan tăm sầu riêng Krông Pắc, tơm ƀư lễ hội, dôl geh ăp nau kan ngăn rƀŏng ƀư. Kônh wa mô knŭng mât chăm ueh gay play ueh, kah, ma hôm njêng ăp ntŭk ân ndrih, n’ik, mra jă bu năch tât sa play sầu riêng dơm.

Lễ hội Sầu riêng Krông Pắc geh ăp nau kan tâm n’ur kơt: Nar rgum văn hoá ăp rnoi, Lễ hội trong hăn, Hội chợ play sa, ndơ tuch tăm geh âk, ntŭk tăch ăp ntil ndơ OCOP...Bah nau ƀư lễ hội gay nthoi, mbơh mpeh nau dăng, nau ntuh kơl tâm nau kan tăm, ê nkra ndrel tăch play sầu riêng geh nsum ma hun hao văn hoá, pâl n’aih bah nkuăl./.