VOV4.M’nông: Ôi lơ 17/6, N’gâng kan tuch tăm ndrel Hun hao ƀon lan ƀư “Nau ntrŭnh mbơh ntrong nkoch mbơh nau ndrel nau mbơh mrô nau kan mât rong”. Aơ lah ngoai tâm 2 nau kan bah dih nau kan tuch tăm geh N’gâng kan tuch tăm ndrel hun hao ƀon lan săch gay geh rgâl mhe mpeh ntrơn rgâl mrô tâm năm 2022. Rơh rlau aơ, N’gâng kan mât rong, N’gâng kan tuch tăm ndrel Hun hao ƀon lan hŏ tâm rgop nsum đah rmôt kan bưu chính viễn thông Việt Nam ndâk, ntrŭnh rlong ƀư phần mềm ƀư nau dơi gay ma rgum, gĭt, mbơh, nau njêng mrô mpeh ndơ rong mpa rong ndrel nau geh mrô mpeh ăp ntŭk mât rong đah nkăp 60 nau kan. Ntrong kan mrô mât rong mpa lah nau dơi khlay gay n’hao nau dơi mât, rđau kan bah ntŭk kan mât Ngih dak, ƀư hun hao nau kan mât rong tĭng ntrong, nau ueh ndrel nau ŭch bah ntŭk kan tăch rgâl. Nkre, nkân ân nâp nau kan, đăp mpăn ndơ sa tâm nau kan mât rong gay n’hao nau geh, n’hâm ntul rlong bah ntil ndơ mât rong Việt Nam./.

Nŭih rblang: H’Thi