VOV4.M’nông: Ôi lơ 11/2, ta Hà Nội, N’gâng kan tuch tăm ndrel hun hao ƀon lan ƀư rƀŭn nchră lam dak mpeh nau njrăng rdâng srê ji tâm mpa rong ndrel tui ka năm 2022. Năm 2021, rnoh mpa rong geh âk rlau 4% rđil năm 2020, yơn srê ji tât khuchtâm năm rlau aơ ƀư nau khuch mpeh văng sa rlau 2 rbăn 500 rmen prăk. N’gâng kan tuch tăm ndrel hun hao ƀon lan kŏ pă ân ăp nkuăl âk rbăn dĭng vắc xin ndrel ăp ntil dak si mpuh srê ân mpa rong, kik djăr ndrel tui ka. Tĭng nau kơp uănh nsum, năm 2022, srê tâm mpa rong ndrel tui ka geh nau mra ntưp âk. Ndri ma, ăp ntoh măt tâm nchră mpeh nau ntrŭnh ƀư nkân njrăng ăp ntil srê ji tâm mpa rong ndrel tui ka gay ma pơk trong ân ueh tâm nau mât rong tay, n’hao rnoh âk bah mpa rong, đăp mpăn nau pă ndơ sa ndrel tăch luh dak ba dih./.

Nŭih rblang: H’Thi