VOV4.M’nông – N’gâng kan tuch tăm mât rong n’hanh hun hao ƀon lan mhe tâm rgop đah UBND n’gor Dak Lak ƀư rƀŭn nchră uănh lah săk rnglăy ƀư tĭng bôk nău rgop an tăm tay cà phê. Lvang 2014-2020”, lam dak lĕ ntơm tăm tay geh bơi 150 rbăn ha cà phê, rlău 30 rbăn ha nkôp đah trong nchrăp.

Nuĭh ƀon lan Dak Lak tăm tay cà phê

Săk geh jêh tăm tay hao rlău 3 tạ/ha. Êng ta Dak Lak aƀaơ geh rlău 210.000 ha cà phê, geh du năm rlău 520.000 tấn cà phê rlăi. Ndơ cà phê bah Dak Lak đah ndơ moh êng n’hanh ntĭm ntŭk nkra njêng “cà phê Buôn Ma Thuột” lĕ geh ta 80 dak n’hanh nkual neh. N’gâng kan tuch tăm mât rong n’hanh hun hao ƀon lan uănh an tay bôk nău rgop an tâm nchră tăm tay cà phê lvang 2021-2025 đah nău ŭch n’hao dơi tâm rlong, rnoh khlay, nău geh an nuĭh tăm cà phê. Rnoh neh cà phê an tăm tay, ndôp rgâl lvang aơ geh nklăp 107.000 ha.

Nŭih blang: Y Sưng Phê Ja