Nênhs gruôs, uô tâu hâux lưv jông hnuz xiêz 6/10/2022
Thứ năm, 11:05, 06/10/2022

Kuz bôv đôiv lâul tox siêz uô bluô nux txix hax huv OCOP

Zơưv Triệu Văn Đàm nhoz jok Khuổi Luồm, xar Yến Dương, huyện Ba Bể tưz zênhx cxaz chuôz ntâuk tros châuz Mỹ nhoz qơư ntâuk tros châuz faz Nam thiêz đhâu co zos qơư ntâuk tros châuz por vêv ntus đriv Tây Nam. Zơưv tror lok tsêr thâuv tưz trâus saz pôngz tas lơưv 60% đas jos thiêz têx phiv liv txix trâus tsơưr tưx da cam.

Shông 2016, zơưv Triệu Văn Đàm zos lênhx nênhs xuz thơưx ciês nhoz jok Khuổi Luồm muôz nôngz chor tâuz tưs njuôz tsư ha lok chos. Thâuv co, zav tsoz chos no tsik tâu pêx xênhv tsov cưv txos thiêz sơưr đơưk cux tsik tâu njênhs trâu zav tsoz chos no. Đros têx uô siv xuz thơưx tâu yênhx côngz, thax tsav chos chor tâuz tưs njuôz no paz muôx tâu phênhv sâu siêz đuô 3 jiês pir li chos blêx paz trâu pox nhuôs tso siêz chiê kriz đar thax tsav chos. Tâuz tưs njuôz tsư ha thiêz cuô đêx hâuk tâuz tưs njuôz tsư ha tưz tâu côngz jênhv zos hax huv OCOP nhoz tỉnh Bắc Kạn. Zơưv Đàm luz tsêr lox jông nhoz iz saz ntus cêr 258 nhiv kruôr tâu uô tiêr cux iz phênhv zos muôx phênhv sâu txix 2.500 ntâu thiêr ndis ar têz chos chor tâuz tưs njuôz no. zơưv Đàm hêik:“Hâux lưv cxiv tsa côngz bê OCOP co zos kror tso siêz cux zos yênhx lênhx nênhs nhoz xar Yến Dương li txơưx jênhv, co zos đros ban Giám đốc Hợp tác xã cxiv tsa cov tâu chor hax huv jông ntơưv thax tsav qơư”.

Saz pênhz Trương Văn Phấn nhoz jok Thôm Mòn, xar Quân Hà, huyện Bạch Thông, tỉnh Bắc Kạn cux zos yênhx lênhx nênhs uô ntêx hlo thâuv hnuz nhôngs tưz siêz. Zơưv đros pox niêv cxiv tsa tâu hợp tác xã kôngz nuv Đức Mai thiêz hla đhâu ntâu kror phiv liv đros uô ntâu kror hâux lưv, txix tu zus buô, muôs zav nox trâu tsiêx cxu, cungz chuôz lov cxiv tsa… Shông 2019, lênhx saz pênhz no tưz tsiv uô tâu hax huv coz Gắm muôx bê Bảo An thiêz tâu côngz jênhv zos tỉnh Bắc Kạn li hax huv OCOP. Iz shông, yênhx puô cir coz Gắm tâu ntiv hâur têik, lo ntơưr muôs muk trâu cxuô tỉnh thành hâur tas nro têz qơưk. Txơưv tiêk trâus tsơưr tưx da cam đros trâus pôngz đas jos muôx 76% taz sik saz pênhz Trương Văn Phấn tưz zos yênhx iz lênhx nênhs txơưx uô nox nhoz ntơưv tỉnh:“Cur siêz xar zos tsênhv muôx đas jos mak tsuv sir jos khưr uô nox chiê muôx tâu kinh têr truôx tuk, têx tuz nhuôs tâu cơưv ntơưr cov yênhx nênhs. Nhiv no cur tsênhv zuôr sir jos uô nzir 2-3 jiês thiêz chiê muôx txâuk hax huv muôs trâu sâuv ciêz đrôngs”.

10 ntâu shông đrav ntêx, thâuv thav txos Phia Khao zos thav txos iz hâur chor jêx jok txov nhêv tiv zix nhoz xar Bản Thi thiêz huyện Chợ Đồn tỉnh Bắc Kạn. Phia Khao tsik muôx liêx, taz sik ho muôx kror liv zos muôx ntâu qơư chiê tu zus chor tsiêx cxu, qiv hơưv cux huv đros thiêz muôx tsoz tâuz zax (lok zos điz phaz cir luk tsoz tsiz hu uô su su) huôv tsar lok six jông. Kuz bôv lâul Phạm Hữu Nghiệp, Bí thư Chi bộ Phia Khao tưz đros chor đảng viên hâur chi bộ sir jos huôv tsar chos muôx yênhx cxênhz tsoz, kriz uô lơưr tsưr ziv jâuz ngaz tuk sinh học. Zơưv tsênhv đros chor đảng viên nhoz ntơưv no muôx iz cuêz tênhv zos yênhx lix hợp tác xã trâu shông 2018. Chor tâuz zax Phia Khao tưz zos yênhx iz hâur chor hax huv OCOP xuz thơưx ciês nhoz tỉnh Bắc Kạn. Khov chos kôngz lôngk, tu zus, chor chuôz zis pluôs nhoz Phia Khao tưz tâu txo grêk tsơưs 50%. Zơưv Phạm Hữu Nghiệp hêik:“Cuêz tênhv yênhx lix hợp tác xã chiê kror tiz iz zos paz muôx tâu tập thể zaz zâuv nzir tâu pox nhuôs đros cxaz chuôz. Muôx HTX mak paz trâu qơư muôs tâu truôx tuk, thâuv ntêx mak lok six lax nriêr nênhs zuôr, pox nhuôs muôs tsơưs mak trâus chor nênhs zuôr nhov gri”.

Bắc Kạn zos iz hâur chor thax tsav qơư uô ntêx hlo tas nro têz qơưk hâur cxiv tsa, huôv tsar chor hax huv OCOP. Huôv tsar chor hax huv kôngz, jôngr nuv kaz jông ntơưv thax tsav qơư tsênhv zos iz hâur têx tsưr ziv uô jông paz trâu tỉnh Bắc Kạn gra siêz đuô luz nênhs kinh têr trâu pêx xênhv. Lok six ntâu tsưr ziv hợp tác xã tưz tâu yênhx lix thiêz kinh doanh truôx jông zos chor bôv đôiv lâul, saz pênhz uô tsưr paz trâu 1.100 ntâu chuôz zis hôiv viên hla đhâu cêr pluôs.

Txơưv gôngr côngv iz phênhv đas jos chiê cxiv tsa chor hax huv muôx tâu côngz bê OCOP, chor bôv đôiv lâul thiêz saz pênhz nhoz tỉnh Bắc Kạn tưz hêik tơưv tâu lênhx tuz lênhv li têx sir jos uô tâu jông, txơưx xar tơưv chiê hla đhâu cêr pluôs thiêz sir jos uô bluô nux ciês sâuv zuk thax tsav qơư nhoz./.

(TTĐB-Lik Thox cxêik nhênhv)

 

Tags:

Viết bình luận

TIN CÙNG CHUYÊN MỤC