Sir jos hlôngr yiêz siêz xar, tsưr ziv uô nox paz hluôk nênhs Hmôngz hla đhâu cêr pluôs

Têx shông thâuv ntêx, cux xưk iz zav li ntâu ziv chuôz zis nênhs Hmôngz nhoz jok Co Mon, xã Phiêng Khoài, huyện Yên Châu, tỉnh Sơn La, Đuz Xênhv Thox chuôz zis lok six txov nhêv viv tsi tâu muôx tsưr ziv huôv tsar uô nox. Kinh tế phênhv ntâu zos chos poz cưk, uô blêx viv li sâu tâu lok six tsơưs. Xar njôngr zuôr uô li chas chiê hla đhâu cêr pluôs, Đuz tưz seiz pov ntơưv zuk qơư nhoz muôx ntâu kror li: Đêx ar txiêk, tsi sor li luôs 2 chas thax tsav, jông huôv tsar chos têx txir khơưz thiêz iz cxiê zav tsoz chos ntông nox txir txơưr đuô li, txir lưv tsiz sôngz, txir hồng…. Uô lơưr Đảng ủy xã Phiêng Khoài tsưr ziv kriê lok hlôngr yiêz zuz nôngz tsoz chos, tsiêx tu zus, shông 2013, Đuz Xênhv Thox chuôz zis quyết tinhv muôz têx ar têz tsuôs uô tsi jông blêx, poz cưk ntơư hlôngr chos txir khơưz. Đhâu 05 shông chos thiêz tu, tix lâus Đuz seiz pov chor txir khơưz huôv tsar, hloz lox jông, txi txir njư, sâu đê tâu ntâu, tsi tas li têx txir cux lox, jông gâux đuô luôs 2 chas thax tsav thiêz tsi tas ntâu côngz đas jos tsoz phưz, nthuô uô đrox li poz cưk, blêx, taz sik thâuv tưs cux tsuv moz siêz qênhz shuôs thiêz uô lơưr têx tsưr ziv yiêz li đrav kaz:

Txix 300 tsoz txir khơưz têx shông chos xuz thơưx, txos nhiv no Đuz Xênhv Thox chuôz zis tưz muôx nhos 450 tsoz txi txir tâu sâu đê, xav kror đruôz iz shông sâu đê tâu nhos 20 tênhr txir. Chiê têx txir khơưz jông gâux, sâu đê tâu ntâu, muôs tâu gri, Đuz đros tsông cưr tix nênhx tsa sơưr đơưk uô lơưr têx tsưr ziv yiêz, tsuôs yuôx cxiz têx txir khơưz cov tơưs pax, txi txir nzor đuô, viv no nưk tsi zos cheix txir khơưz tơưs pax, txi txir. Đros thiêz tsưr ziv uô li heik co, shông nhiv kruôr đhâu, Đuz tưz đê sâu tâu 03 tênhr txir mok, chor txir siêr tsi trơưk cheix ntơư, gri muôs xav kror đruôz đraz 50 cxênhz đeiv iz cir. Pir li shông uô ntêx mak tâu gri đuô, muôx qơư sâu zuôr truôx tuk viv shông no phax tir thêir tâu caz moz, tsi yuô muôx moz Covid-19 huôv xênhz:

Iz chas têx txir khơưz, Đuz Xênhv Thox tsênhv đros chuôz zis chos poz cưk, uô mê njik têx blêx hâur xuz ntông nox txir, iz chiv chos tas 30 ntâu cir nôngz cưk, ntêik sâu tâu muôx 10 tênhr. Đros trâu co tsênhv tu zus hur si têx keiz buô, tưv, cxiv uô qơư cơư chiê muôx qir fmông trâu chor ntông nox txir, li tsi tas ntâu nhiêx txiêx zuôr qir têz qơưk lol trâu. Uô li co, xav kror đruôz đraz iz shông đhâu yưx tas têx nhiêx txiêx zuôr qir zuôv, ntiêr nênhs đros tsuôs, tu têx txir Đuz chuôz zis muôx phênhv sâu tâu 400 tsov đeiv.

Seiz pov Đuz Xênhv Thox chuôz zis tsưr ziv huôv tsar uô nox tâu trơưk têk, muôx nhiêx txiêx zôngv, ntâu lênhx pêx xênhv, hâur co muôx chor hluôk đros Đuz iz fâuv hâur jok tưz tuôx cơưv shâuv, uô trơưk thiêz nhiv no lơưr cux muôx phênhv sâu siêz chiê txoz cxơưx trâu luz nênhx, hla đhâu cêr pluôs. Suôr Xênhv Shôngx, iz hâur têx lênhx hluôk nênhs nhoz jok Co Mon tâu tix lâus Đuz kriê tsưr ziv chos thiêz tu têx txir khơưz heik pâuz:

(Lầu Chia-Riê Lâux cxeik, nhênhv)