Poz cưk zos tsoz chos coaz tsôngv taz por txiv ngaz kôngz krâur sâuv tas nro ntiêx têz, tâu chos chiê uô zav nox trâu lênhx nênhs thiêz tsiêx cxu. Nhoz pêz têz qơưk, lơưr kaz blêx zos poz cưk, poz cưk tâu seiz zos uô kôngz krâur tsênhv trâu iz cxiê pưv phênhv tsôngv box mênhx cxưx nhoz uô nênhx pêv tox siêz thiêz zos xiv huv tsênhv chiê tsiv uô zav nox trâu tsiêx cxu, keiz ok.

TSƯR ZIV CHOS POZ CƯK

   1. Chiv cheix:

   Chiv cheix zos lok six coaz tsôngv muôx lênhx coaz txos yar lengx xiv huv sâu tâu, tsov lơưr qiv hơưv, ar têz thiêz jêx tưv yênhx thax tsav qơư mak muôx tsưr ziv tsêz chos huv đros (chos lơưr têx chiz coaz ban nganhx tiv phaz li heik kriê chiê huv đros chiv cheix hâur thax tsav).

   2. Uô ar:

   Poz cưk zos zav tsoz chos huôv tsar sei, muôx jos, viv li chiê jav tâu qênhx shênhx poz cưk trâus kâuk, uô ruôr hiêv txos yar lengx, ar chos tsuv tâu leix toz xar muôx 1 đok, uô ar mos cov chas poz cưk zôngx ziv huôv lox, tsi uô poz cưk trâus kâuk. Zos tsoz chos tir tsi tâu đêx ngaz, viv li hâur chiv cheix, ntux lok nas ntâu mak tsuv khơưz cưx đês tso đêx, lok sik chos sâuv hax siêz chiê poz cưk tsi trâus đêx ngaz      

          3. Xeir nôngz:

          Tsov lơưr chiv cheix, zav ar chos thiêz phênhv yưv pênhr chiê xeir nôngz poz cưk huv đros lơưr tsưr ziv: Chiv cheix ntux sor đuô mak xeir nôngz poz cuk ntêr hnuz, chiv cheix ntux no đuô mak xeir nôngz poz cưk lur hnuz; ar jông, chuôz cxaz chiv chos tâu mak xeir nôngz poz cưk tso lok yar lengx siêz...

          4. Tsêz chos poz cưk:

          Tsuv chos tuôz. Têx nôngz poz cưk siêz, blôngx tik tâu mak chos 2 cxênhz 200-2 cxênhz 500 tsoz iz sào Bắc Bộ zos 360 yiv ndis. Iz tsoz kuôk iz tsoz zos 1 đok x 3 đok. Têx nôngz poz cưk blôngx lox, tik tsi tâu chos cxôngx 1 cxênhz 800- 2 cxênhz tsoz iz sào. Iz tsoz kuôk iz tsoz 1 đok x 3 đok.

          5. Zuôv qir

          - Qir zuôv nzor, taz por muôx txâuk têx tsơưr trâu poz cưk ntu poz cưk hlar tâu 5-7 blôngx. Zuôv uô ntêx thâuv chos 3-4 tạ qir guôx đros 20, 25 cir qir supe lân đros 3,4 cir đạm urê thiêz 1,2 cir qir kali clorua. Zuôv đêz njiêr poz cưk xar muôx iz đok.

          - Zuôv jiês 1 thâuv poz cưk muôx 5-6 blôngx, zuôv 5-6 cir đạm côngv đros 2-3 cir kali clorua. Zuôv kuôk hâur pâus poz cưk xar muôx 2 đok, nthuô đrox poz cưk, vôngz ar siêz xar muôx 1 đok chiê poz cưk tsi kâuk.

          - Zuôv jiês 2 thâuv poz cưk hlar tâu 11-12 blôngx, qir cxơưr uô bâuk. Zuôv 3-4 cir đạm urê côngv đros 4-5 cir kali clorua, tsưr ziv zuôv zos kuôk hâur pâus poz cưk xar muôx 2 đok, nthuô poz cưk paz chas poz cưk huôv zôngx ziv đuô.

          Tsuôk iz hâur têx zav qir trâu blôngx poz cưk li: K-Humate; Atonic; K-H 701/701....1-2 jiês, iz jiês kuôk 5-7 hnuz ntu poz cưk hlar tâu 3-5 blôngx chiê poz cưk muôx txâuk tsơưr huôv jông đuô.

          6. Tsoz phưz:

          Zưs txâuk đêx trâu poz cưk cxôngx thâuv chos txos thâuv kruôr poz. Yiz poz cưk thâuv hlar tâu 3-5 blôngx. Zos ntux lok nas lox ar nông, đêx ngzz mak tsuv khơưz cưx đês chiê đêx tsi ngaz poz cưk, tiv zix zos thâuv poz cưk tsênhv zâu.

          7. Phax tuô iz cxiê zav caz khênhr njiz:

          Caz uô hiêv poz cưk mak muôx cxuô zav tsuv zôngv yuôx Vibasu 10H, Diazan 10H mfông hâur hâur pâus poz cưk, 1 cir iz sào. Đros caz tho nox kuôr poz cưk mak zôngv yuôx Vibasu 10H lok sik Diazan 10H thâuv chos tâu 20,30 txos 40 hnuz (zôngv lơưr tsưr ziv sâu sâuv hnaz tax).

          8. Sâu poz cưk

          Xav tênhv six hơưv sâu poz cưk cxôngx seiz njiêr poz cưk thiêz luz poz. Thâuv poz kruôr, njiêr tơưr zos tưz siêr tsuv đeik poz cưk lok khơưk tsês.

Phênhv “nôngx mênhx zuôr tsuv pâuz” hnuz no tsuôk muôx xâuk li no xưz. Phênhv no zos Chiz coaz Đeix nta suôz VN iz suôv Tây Bắc uô. Muôx tsênhv qơư cxuêz kôngz têz qơưk paz txưv./.

(Txâur Vax- Txâur Vax cxeik nhênhv)