Tsưr ziv chos cuô txoz

1. Cheix chos cuôz txoz:

Cuô txoz muôx têx chos tâu 3 chiv hâur iz shông:

-Chiv nzor: Tsêz nôngz uô zuz txix hli 8-9, sâu đê txix luz 12 hlik, iz hlik hli ntiêx têz.

-Chiv Chênhr (Chiv ntux tsâus yiêz): Tsêz nôngz uô zuz hli 10-11, sâu đê txix hli 2-3 hli ntiêx têz.

-Chiv ntux sor lax: Tsêz nôngz uô zuz txix hli 4-5, sâu đê txix hli 8-9 hli ntiêx têz.

2. Nôngz:

Nhiv no, chor nôngz cuô txoz tâu chos ntâu zos: Cuô txoz lox, cuô txoz cxur blêx.....

3. Bax ar chos:

Lêix, ndơưk têx têz jiêz yar ntux tsês, huk uô têx hax siêz xar iz đok, đar iz thiêr. Zuôv hmôngr jêz siz, qir puô: 100 cir hmôngr jêz siz, iz tênhr qir tsiêx cxu, 50 cir qir super lân, 3 cir Kali, 2 cir Calcium nitrat, 10-15 cir qir NPK trâu iz cxênhz xưv phaz. Sir zôngv têx ntâuz tax puô, vor thêir kôngz chiê txo grêk tsơưs caz hmoz tho nox, đêx zưs tsi yuô trâul xâu, uô tuôr xuôv qir....

4. Tsêz chos:

Muôz têx nôngz cuô txoz tsâu đêx cov mê njik sor cuz lus hâur 30 phênhz, đhâu ntơư muôz jiêz yar ntux cov kruôr, tsêz nôngz cuô txoz trâu luz kror tưz khơưk tâu tsês. Thâuv tsoz cuô txoz tuôx, muôx 4-5 đeiv blôngx (30-35 hnuz đhâu tsêz tas), txơưv ro, gra chor zuz chox muk chos, iz tsoz kuôk đêz iz tsoz xar 2 đok, iz hax kuôk iz hax iz đok.

5. Tu tsưx phưv

-Zưs đêx: Cheix ntux nas tsuv taz por đêx ntưk tâuk, têx hnuz yar cuz tsuv zưs đêx cxix cxuô trâu. Thoz huk uô caz, zưs đêx trơưk caz cov nzâuv ar zos tsưr ziv jông đuô hur si, cxênhx txuôs tâu đêx, tsi uô ar za lo têx blôngx cuô txoz, nông ntêr. Cheix ntux nas đêx tsuv ntưk tâuk, tsi ngaz têx cuô txoz.

-Yiz txiêr, nyuô têx chês: Yiz txiêr, nyuô têx chês, blôngx hâur kaz chês cuô txoz por tsês chiê tsoz cuô txoz nthuôr thiêz hâur pâuk tsi nzôngr.

-Cxok pak, chaz hluô thêir cov têx tsoz cuô txoz tsi vâu, tsi kâus, zôngx đê têx cuô txoz thâuv siêr jông đê, tsơưs trâul caz tho nox. Iz hax cuô txoz cxok 2 tus pak lox, khor trâu 2 tos, zôngv hluô chaz trơưk hax khi trâu 2 tus pak ntơư, thâuv cuô txoz lox siêz txos tưs chaz hluô thêir txos co, têx cuô txoz thiêx tsi vâu kâus.

Zuôv qir: Thâuv fmông qir tsuv pheiz uô 4 jiês:

Jiês 1: Fmông thâuv đhâu chos tas muôx 20-25 hnuz ntơư, 4 cir qir urê, 3 cir Kali, 10 cir NPK, 2 cir Calciumnitrat.

Jiês 2: Thâuv chor cuô txoz tưz tơưs pax, txi txir jov jơưk: Fmông 6 cir qir urê, 5 cir Kali, 10-15 cir qir NPK, 2 cir Calciumnitrat.

Jiês 3: Thâuv zuôr qir sâu đê chor cuô txoz: Fmông 6 cir qir urê, 5 cir Kali, 10-15 cir qir NPK, 3 cir Calciumnitrat.

Jiês 4: Thâuv têx cuô txoz siêr cxix, jông đê ntơư: Fmông 4 cir qir urê, 4 cir Kali, 10-15 cir NPK, 3 cir Calciumnitrat.

6. Sâu đê:

Sâu đê têx cuô txoz thâuv tưz siêr jông, liêz ntơư. Đê mak đê hur si tus co, tsi cxoz uô têx chas lor. Cuô txoz njiv, mak sđ sâu đê trâu thâuv đhâu tơưs pax tas muôx 35-40 hnuz ntơư. Fênhx yax kuôk 1-2 hnuz sâu đê iz jiês. Zos sđ tu jông muôx têx tâu sâu đê ntêr đuô 2 luz hlik, iz ha đê tâu 20-30 tênhr têx txir cuô txoz./.

(Báo nông nghiệp-Riê Lâux cxeik, nhênhv)