Lênhx nênhs uô bluô nux txix tu zus gruôz

Tsôngv pox nhuôs sơưr đơưk hmor yuô! Tuôx txos xar Thái An (Quản Bạ, Hà Giang), nus zuôr gruôz mak sơưr đơưk puôr lênhx kriê muk trâu zơưv Ma Xín  Hầu nhoz jok Cán Hồ ziv chuôz zis. Viv zơưv zos iz hâur chor nênhs uô ntêx hlo hâur huôv tsar kinh têr chuôz zis đros uô tsưr ziv tu zus gruôz. Chiê pâuz tsênhz lok zơưv Ma Xín Hồ li tsưr ziv uô nox zos li chak, zâuv pox nhuôs sơưr đơưk đros mnôngs jax sâu đrav kaz.

Xênhz zus thiêz hloz lox ntơưv xar Thái An, zos mênhx cxưx Hmôngz, txix thâuv zâu tưz zênhx pâuz txos luz nênhx txov nhêv, tsuôk tok khov trâu chor têz poz cưk, muôx shông mak cux txâuk nox, muôx têx shông ntux kruôr mak uô tâu lok cux tsik txâuk nox. Viv li, đros sir jos txo grêk cêr yêiz pluôs, shông 2018, thâuv Hôiv Nôngx mênhx huyện muôx tsaz yênhx puz txêik pênhr tsik zuôr nhiêx liv lơưr “tsưr ziv 100 đêiv”, zơưv Ma Xín Hầu ziv chuôz zis kir txêik 15 triệu đêiv. Đros chor nhiêx co, zơưv Hầu tưz muôz yưv pênhr chiê tu zus gruôz, xuz thơưx zơưv tu zus muôx 100 gơưv gruôz. Đhâu 2 shông txos nhiv no, khov uô lơưr tsưr ziv tu zus trơưk yênhx paz thiêz zuôr mêir puôs kê chiê muôx tâu chor gruôz nôngz, zơưv Hầu tsưr ziv tu zus gruôz tưz ndê txos muôx 200 gơưv, ntu muôx ntâu tiv zix mak ndê txos 400 gơưv, iz shông paz sâu tâu muôx 100 triệu đêiv ntâu.

Muk sêiz shuôk ciês zơưv Hầu chuôz zis li tsưr ziv tu zus gruôz, pêz njiê pov tâu kror qơư tu zus tâu cxiv uô truôx jông, tâu thêir uô yênhx qar qơư tu zus. Iz qơư  tu zus txix 6-8 tuk thiêz puôr lênhx muôx têx têik chiê trâu zav nox trâu chor gruôz nox, đêx hâuk hur jông. Yênhx hnuz, zơưv chuôz zis tsik so uô vêv xênhz tsêr guôx, paz trâu tsêr guôx hur đu lus, lax nziês paz trâu chor gruôz hloz lox thiêz huôv tsar jông. Zơưv Ma Xín Hầu hêik pâuz lok tsưr ziv tu zus nôngs gruôz li no: Tu zus gruôz mak cux lok six zôngx ziv taz sik tsuv tsik so sêiz shuôk, tsoz phưz. Chiê chor gruôz hloz lox, huôv tsar jông, hâur ntu tu zus tsuv nxaz nzir vitamin chiê paz trâu chor gruôz muôx đas jos viv gruôz tsik so ntês kê, tsơưs trâus muôx moz, nox tsơưs thiêz tsik xêir zav nox. Taz sik, cux tsik cxoz tso siêz thiêz tsuv tsês six hơưv sêiz shuôk, qênhz yuôx yênhx hnuz, zos pov chor gruôz muôx yưv têx phiv liv mak tsuv muôz chêik trâu iz kror qơư txơưr chiê tsoz phưz.

Zơưv Hạng Văn Minh, Chủ tịch Hôiv Nôngx mênhx xar Thái An, puz pâuz: Hôiv Nôngx mênhx xar tưz phuôx huiz jông pênhr nhiêx hâur “tsưr ziv 100 đêiv” trâu chor hôiv viên kir txêik chiê huôv tsar kinh têr. Hâur co, ntơưv jok Cán Hồ muôx zơưv Ma Xín Hầu li tsưr ziv tu zus gruôz muôs grêix tưz paz muôx tâu kinh têr siêz. Pêz tsênhv cxơưz cxiz cov zơưv Hầu tror kriz đar thax tsav qơư tu zus chor gruôz thiêz sêiz no zos tsưr ziv uô kinh têr jông hâur xar chiê chor hôiv viên txơưr cơưv shâuv thiêz uô trơưk.

Đros tsưr ziv tu zus gruôz muôs grêix txix 200-300 gơưv nhoz thax tsav qơư kik zos kror zênhx muôx viv pêx xênhv zuôr buôs ti tâu cxix cxuô têx chuôz zênhx tu zus jông. Taz sik, zos thax tsav nhoz đêz, tox siêz thiêz zos mênhx cxưx tsơưs nênhs li zơưv Ma Xín Hầu tưz sir jos huôv tsar uô kinh têr chiê paz hla đhâu yêiz pluôs mak zos iz kror lok six jông sâuv thax tsav xar Thái An hêik taz thiêz chor xar, huyện nhoz iz ndis hêik cxuô chiê sơưr đơưk cơưv shâuv thiêz uô trơưk.

Phênhv “Nôngx mênhx zuôr tsuv pâuz” ciêz no tsuôk xâuk li no xưz. Phênhv no zos Đaix nta suôz Việt Nam nhoz thax tsav faz Bắc uô đros muôx Tsênhv qơư cxơưz cxiz uô kôngz Têz qơưk đros uô./.

Thào Ly BT-Lik Thox cxêik nhênhv)