Pêx xênhv Lai Châu sir jos uô bluô nux txix chos yuôx đrox njuôz hâur har jôngr

             Sì Lở Lầu tsênhv tâu pâuz txos muôx bê hu zos 12 thênhv cêr ndê tox, zos xar nhoz ntux đriv faz Bắc, kuôk tsênhv qơư huyện Phong Thổ, tỉnh Lai Châu 80 ntâu cêik cêr, đros muôx ntâu ntu cêr nkhâuk lêv ndê tox. Phiv liv li co, taz sik thav txos tix lâus Phàn Phủ Liêu nhoz jok Thà Giàng lok sik tsênhv hu uô Liêu tam thất mak lênhx tưs cux pâuz, viv tix lâus zos iz lênhx hâur chor nênhs uô ntêx hlo chos yuôx đrox njuôz, mak tsiv gri đuô hur si zos chor tam thất nhoz thax tsav tox siêz ntus đriv đêz đrôngs no.

           Pov tâu têx kror liv txix chor yuôx đrox njuôz muôx txix hâur har jôngr, đhâu têx jiês muk ndis shuôk, nriiêr pâuz pox nhuôs nhoz chor huyện iz ndis li têx tsưr ziv uô tâu jông, shông 2018, tix lâus Liêu tưz cuêz tênhv chos siv 4000 ntâu tsoz tam thất, nhiêx txiêx yưv pênhr chos xuz thơưx xar muôx 600 triệu đêiv txix piz bax qơư uô zuz, cxiv tsa faz nja xor thêir, vor, nriêr nôngz: “Tsuv sir jos kriz uô têx tsưr ziv uô nox chiê paz tuôr tsês chiê Việt Nam li chor zav yuôx đrox njuôz. Tiv oz zos kriê trâu iz cxiê pox nhuôs đros uô chiê paz muôx nzir phênhv sâu trâu chuôz zis. Chor yuôx đrox njuôz no mak huôv tsar thiêz hloz lox kênhz. Thâuv tưs cux tsuv tu cov jông, têx thâuv mak txix 6-7 shông thiêx li tâu muôx iz las ntâu, six hơưv tu mak lok six ntêr”.

         Pov tâu têx kror liv txix chos chor yuôx đrox njuôz thiêz muôx tix lâus Liêu phêiz kênh thiêz paz, ntâu ziv chuôz zis nhoz xar tox siêz Sì Lở Lầu cux tưz hlôngr đuô chor vax ar têz chiê chos yuôx đrox njuôz. Chor zav yuôx đrox njuôz, hâur co muôx tam thất hloz lox lok six kênhz, ntông cux tsik lox, chor kok lok cux hloz lox kênhz lơưr yênhx shông viv li hax zav uô trâu zav tsoz chos no muôx tsiv gri kinh têr đuô. Zơưv Tẩn Lao San, Phưv Chủ tịch Ủy ban xar Sì Lở Lầu, huyện Phong Thổ puz pâuz: “Xar cux tưz kriz 2 lớp kriê trâu 60 lênhx nênhs cxaz chuôz chos tam thất thiêz thất diệp nhất chi hoa. Chinhr quyền cux tưz paz trâu pox nhuôs zok nriêr doanh nghiệp sâu zuôr têx hax huv, zuôr chor yuôx đrox njuôz nôngz paz trâu chor tsưr ziv sik côngv hợp tác xar chiê pox nhuôs sik đros huôv tsar uô nox”.

             Lơưr chor nênhs nhênhz chơưv, tỉnh Lai Châu nhiv no muôx zuôr xar 900 zav yuôx đrox njuôz, hâur co muôx ntâu zav yuôx đrox njuôz muôx tsiv gri kinh têr siêz. Taz sik cux muôx iz cxiê zav yuôx đrox njuôz tsênhv zuôr trâus pôngz plox. Nhiv no thax tsav chos chor yuôx đrox njuôz tas nro tỉnh zos 17.800 ntâu héc ta, zos chor zav yuôx đrox njuôz muôx tsiv gri li: cuêv fix, txir tuôz ziz, txir suôz câur, txir hơưk, sâm Lai Châu, 7 đêiv blôngx iz luz pax, đương quy…

            Đros chor cuêv fix, txir tuôz ziz, pêx xênhv chos lơưr tỉnh li Đề anr tưz tso tơưv. Chor zav yuôx đrox njuôz txơưr đuô, pêx xênhv nriêr chiê chos lok sik tỉnh paz chos lơưr chor tsaz yênhx, dưv anr chos txir suôz câur, sha đêiv blôngx iz luz pax, sâm Lai Châu, tâu chos ntơưv ntâu thax tsav qơư li: Mường Tè, Sìn Hồ, Phong Thổ, Tam Đường…. thiêz tsênhv tâu cơ quan uô hâux lưv no cxơưz cxiz, paz trâu pêx xênhv sir jos kriz uô lơưr têx tsưr ziv uô nox yiêz, ndar txos muôx tâu têx hax huv tsơưr lươngv jông.

           Đros muôx ntâu đuô 2/3 thax tsav zos har jôngr, ar jôngr nuv, têx đrox tsuôs muôx ntâu zav, thax tsav ar ntux đriv Lai Châu muôx đêx ar, qiv hơưv tâu ntâuk gri tiek huv đros trâu huôv tsar chor yuôx đrox njuôz. Chiê chor yuôx đrox njuôz no zos yênhx têx hax huv muôx tsơưr lươngv siêz, cơ quan muôx vax huôv cxuô thax tsav qơư tsênhv kriê trâu pêx xênhv sir zôngv têx tsưr ziv uô yiêz hâur uô nox, sâu tsês, ntiv hnaz, tsês chiê cov paz gra siêz tsơưr lươngv hâur zuôr muôs. Ntơưv cxuô thax tsav qơư cux uô uô cê chor pênhr txix chor tsaz yênhx 30a, tsaz yênhx cxiv tsa jêx jok yiêz, paz huôv tsar uô nox, sự nghiệp khoa học… chiê paz trâu pox nhuôs huôv tsar chor yuôx đrox njuôz no, cov paz muôx tâu phênhv sâu siêz. Zơưv Đặng Văn Châu, Giám đốc Sở Kôngz nuv thiêz huôv tsar jêx jok, tox siêz tỉnh Lai Châu puz pâuz: “Nhiv no iz cxiê thax tsav huôv tsar chos chor yuôx đrox njuôz li tox siêz Sìn Hồ pox nhuôs cux tưz huôv tsar chor yuôx đrox njuôz thiêz muôx tâu iz cxiê hax huv chiê muôs sâuv ciêz đrôngs thiêz uô cov zos yênhx hax huv OCOP sir jos cov zos yênhx têx hax huv OCOP hov 3. Iz zav li chor Atiso, giảo cổ lam, yuôx zêx hmaz, yuôx kho moz têx poz kix cxa…. Tỉnh tsênhv paz trâu huôv tsar chor hax huv OCOP thiêz paz thơưz zuôr muôs trâu pox nhuôs chiê paz trâu pox nhuôs huôv tsar uô, chos chor yuôx đrox njuôz no”.

            Ntu hlôngr yiêz thiêz huôv tsar, iz chas sir jos kriz uô khov trâu têx hax huv kôngz nuv cxôngx nzor; px hâur thax tsav tỉnh Lai Châu tsênhv khov trâu têx hax huv muôx tsiv gri siêz li chos yuôx đrox njuôz. Nganhx yuôx đrox njuôz tsênhv paz muôx tâu kinh tế truôx đrênhk, paz trâu tỉnh hla đhâu têx phiv liv, gra siêz tsơưr lươngv luz nênhx trâu pêx xênhv thiêz khav tênhv tâu zuk hâur côngz xưv huôv tsar kinh têr./.

Khắc Kiên-Lik Thox cxêik nhênhv