Cxiv uô cêr tsi tiz jông seiz shuôs, njuôk xav uô yênhx puô thiêr cưx đês đêx liv trâul cxuz, puôk tsuôx

          Lơưr hâu nov Công ty Đại lợi-taz viv seiz car têx côngz trênhx đêx liv hâur thax tsav huyện Văn Yên, Dưv anr cxiv kho txox cêr lox 37 muk trâu txox cêr muk chênhr Nội Bài-Lào Cai (ICI15) ntu muk đhâu xã Xuân Ái-Yên Hợp, huyện Văn yên (zos Ban seiz car dưv anr yưv pênhr cxiv tsa têx cêr muk lol tỉnh Yên Bái uô tsưr yưv pênhr uô) tsênhv cxiv tsa tưz cxuz, uô puôk tsuôx tas 320 ntâu cêik cưx đêx thiêz cưx đês liêx hâur cxix luôs côngz trênhx đêx liv Khe Vải, nhiv no cux tsi tâu cxiv kho, uô têx đêx ntưk tsi tâuk lol phưx vưv uô kôngz. Tsi tas li, dưv anr heik sâuv tsênhv cxiv uô ntâu qơư đêx ntưk đhâu cêr yuôv trâu têx cưx đês heik co thiêz, uô cxuz cưx đês, đêx ntưk tsi tâuk, uô tsi jông côngz trênhx đêx liv.

       Pos Tô Phương Dung, Phưv Giám đốc Công ty Đại Lợi heik pâuz, têx tsi muôx lênhx tưs pâuz zos thâuv cxiv tsa, tsưr yưv pênhr uô dưv anr côngz trênhx kho txox cêr lox 37 trâu txox cêr muk chênhr Nội Bài-Lào Cai, ntu đhâu xã Xuân Ái thiêz Yên Hợp, huyện Văn Yên lơưr tsi heik, lok sik tsi thav li chas đros Công ty Đại Lợi hlo. “Thâuv qênhz yuôx, cxiv tsa tsưr ziv thiêz cxiv uô côngz trênhx, tsưr yưv pênhr uô lơưr tsi heik công ty thiêz cux tsi muôx cêr seiz lax đros công ty li chas lok sâuv sik hux jos uô, cxiv kho têx trâul puôk tsuôx, tsi jông hlo”.

        Uô liêx têz tâu ntêr shông ntơưv đras liêx lox hâur jok Trung Tâm, xã Xuân Ái, huyện Văn Yên, zơưv Nguyễn Văn Tuân seiz pov cưx đês liêx trâul dưv anr côngz trênhx cxiv kho cêr lox 37 uô cxuz tas mak lok six cxơưx, viv tiêk zos tsi tâu khưx phưx, thoz huk zuôr muôx tsi txâuk đêx phưx vưv uô kôngz. “Nhiv no cxiv kho cêr cov đar mak cxuz tas têx cưx đês, liêx txos cheix uô lok tsi muôx đêx lok. Nhiv no heik trâu têx hloz, zos tưz cxuz mak tsuv muôx faz tsưr ziv tưs tok đêx lok chiê phưx vưv uô chiv kôngz tov kaz”.

        Trơưk li mông txix Chi cục đêx liv, Sở Kôngz nuv thiêz huôv tsar tox siêz tỉnh Yên Bái, đhâu qênhz yuôx tso pov, muôx tsênhz tiês li heik sâuv, muôx ntâu qơư, đêx buôk ti ntưk trâu têx cưx đêx mê, cưx đês liêx hâur côngz trênhx đêx liv Khe Vải, uô tsi jông txos têx cưx đêx, uô ruôr hiêv txos 7 ha ntâu blêx.  Iz chas co, iz cxiê cưx đês đêx trâul puôk tsuôx tsi tâu cxiv kho, iz zav li ntu cưx đês hâur xã Xuân Ái trâul tsi jông tas 84 thiêr ntâu. Zơưv Đinh Xuân Trung, Phưv Chủ tịch Ủy ban xã Yên Hợp, thax tsav muôx ntâu liêx têz kôngz trâul ruôr hiêv heik pâuz: “Lơưr ntơưv qơư heik, nhiv no muôx iz cxiê ntu cưx đês taz viv cxiv tsa côngz trênhx tsi tâu cxiv kho mak zuôr zênhx max kho chiê taz por muôx đêx phưx vưv uô kôngz hâur hli 6 no, viv chiv no uô nzor, 30/5 tưz qir zôngv txos đêx, nzênh hli 6 txos cheix uô chiv tov kaz lơưv”.

        Nhiv no, Ngênhx Kôngz nuv thiêz huôv tsar tox siêz tỉnh Yên Bái tsênhv heik taz viv tsưr yưv pênhr uô cov khưx phưx, kho đuô têx cưx đês đêx trâul puôk tsuôx, tsi jông co trâu pêx xênhv. Hok lol sâuv têx qơư, uô chiê đêx ntưk đhâu cêr, mak cov lơưr cxiv uô nzir qơư trâu đêx, trâu ar suôz jêz chiê ar, poz jêz tsi ntưk cxuz cưx đês đêx liv….  Six hơưv thoz huk thiêz cxiv kho tsuv uô cov tiêr hâur hli 5/2023./.

Đinh Tuấn-Riê Lâux cxeik nhênhv

Jiz mur pax txir lưv tsiz mê- xiv huv OCOP nto bê nhoz Sông Mã

          Nhạc nền...

          Pâuz txos hâux lưv tu zus mur txix shông 2002, tix lâuk Hà Văn Thành, nhoz Mường La, Sơn La tưz uô hâux lưv tu zus mur hâur 20 shông đhâu. Txos cheix pax txir lưv tsiz mê tix lâuk Thành ho gra zuk xuz mur muk thax tsav chos txir lưv tsiz mê huyện Sông Mã chiê zuôr jiz mur yiêz. Đros 400 xuz mur, tix lâuk Thành njuôs xav zuôr sâu tâu muôx nhos 10 tênhr jiz hâur chiv pax txir lưv tsiz mê shông no: “Hâux lưv zus mur mak khênhr sâu tâu jiz hâur têx chiv pax li pax txir lưv tsiz mê, pax cà phê, kaz shông zos pax pêv har jôngr, cxuô zav pax đrox...”

          Tiếng quay mật ong...

          Hli 3, hli 4 zos ntu pax txir lưv tsiz mê tơưs ntâu cux zos ntu têx qơư tu zus mur muôx ntâu hâux lưv tsuv uô. Muôx pax ntơưv qơư, 5-7 hnuz nênhs tu zus mur uô muôz jiz mur iz jiês, hâur chiv pax txir lưv tsiz, nênhs tu zus mur muôz jiz 3-4 jiês. Đrâuv tsiv grê kinh tế trâu nênhs tu zus mur, hâux lưv muôz jiz mur cux paz ntâu lênhx tsôngv box tiv phaz muôx hâux lưv uô truôx. Pos Nguyễn Thị Nền, nhoz jos Thắng Lợi, xã Chiềng Sơ, huyện Sông Mã puz pâuz: “Cur muk uô hâux lưv no cux tâu 10 shông ntâu lơưv, lơưr thêv nhiêx côngz zos 250 cxênhz đeiv iz hnuz, cux khưr taz sik cux tax hnuz côngz. Muôx 15-16 lênhx nênhs uô, taz sik zos 2 xuz mur muôz jiz mak tsuv muôx zuôr xar 30 lênhx”.

          Hâux lưv tu zus mur zuôr jiz muôx txix ntâu shông no nhoz Sông Mã, taz sik thâuv ntêx, têx ziv chuôz zis chiv chir tu zus, zus tsi ntâu, phênhv ntâu zos mur muôx hâur tiv phaz. Txix têx shông 2000, iz cxiê ziv chuôz zis tu zus mur nhoz tỉnh txơưr gra mur tuôx Sông Mã tu zus chiê zuôr jiz, ntâu lênhx tsôngv box hâur tiv phaz tưz uô lơưr. Txos nhiv no, tas nro huyện muôx muôx nhos 60 ziv tu zus mur zuôr jiz đros tas nro zuôr xar 15 cxênhz xuz. Đros chênhz zênhv 20 shông uô hâux lưv, zơưv Lê Văn Kính, nhoz jos Quyết Thắng, xã Nà Nghịu, huyện Sông Mã puz pâuz: Iz xuz mur jông sâu tâu 2-3 châuv cir jiz mur iz shông. Đros 130 xuz mur, chiv pax txir lưv tsiz no, chuôz zis njuôs xav sâu tâu muôx nhos 3 tênhr jiz: “Iz shông uô hâux lưv tu zus mur chox lok phênhv sâu trâu cur chuôz zis, xav fênhx pheiz txix 1 txos 1,2 tsov đeiv”.

          Đros mênhv chêx ntông nox txir lox, jiz mur nhoz Sông Mã tso lok phênhv sâu ntâu jiês hâur shông, ntâu tiv zix zos jiz mur pax txir lưv tsiz, lơưr co zos têx zav pax har jôngr...Đros têx nto bê sâuv niêv ciêz đros nênhs tu zus mur li têx sir jos, shông 2020 jiz mur pax txir lưv tsiz tưz tâu côngz jênhv zos xiv huv OCOP cấp tỉnh, paz jông trâu hâux lưv heik kriê xiv huv jiz mur Sông Mã trâu niêv ciêz. Zơưv Hoàng Mạnh Đoàn, Giám đốc HTX tu zus mur Sông Mã, tỉnh Sơn La heik: “Pax txir lưv tsiz tơưs jông đuô niêx shông, jiz mur shông no sâu tâu ntâu đuô. Chiê nriêr qơư sâu zuôr xiv huv, HTX tưz cxơưz tiês yax mông, heik kriê xiv huv jiz mur txos têx tỉnh txơưr. Niêv ciêz sâu zuôr phênhv ntâu zos Hà Nội, Hải Phòng, Quảng Ninh, Hưng Yên thiêz iz cxiê tỉnh nhoz faz Nam”

          Nhạc nhẹ...

          Cheix sâu jiz mur Sông Mã truz ntêr txix hli 3 txos tas hli 4 niêx shông. Đros 15 cxênhz xuz mur...iz shông Sông Mã cungz trâu niêv ciêz 1 cxênhz ntâu tênhr jiz mur cxuô zav. Đros têx niêv ciêz cxôngx nzor, jiz mur Sông Mã nhiv no tưz tâu muôs sâuv têx kênh muôv muôs online, têx qơư muôv muôs điện tử thiêz ntơưv têx niêv ciêz muôv muôs....paz heik kriê, cxơưz tiês muôv muôs jiz mur Sông Mã trâu niêv ciêz ntiêx têz, gôngr phênhv muôz siêz phênhv sâu trâu tsôngv box tu zus jiz mur nhoz tox siêz ntus đriv no./.

(Thanh Thủy-Txâur Vax cxeik nhênhv)