BHXH sik côngv đros doanh nghiệp, paz nênhs lox tôngv

          Ntu đhâu, BHXH tỉnh Sơn La tưz chuv tôngv sik côngv đros thanh tra tỉnh, Sở lox tôngv thương binh thiêz xã hội, Sở y tế....hâur huôx tôngv qênhz yuôx, seiz car liên nganhx. Thôngx cxix, cxơưz tiês seiz car chuyên nganhx, qênhz yuôx têx taz viv tsi tâu gôngr BHXH, BHYT, BH tsi muôx hâux lưv uô. Shông 2022, BHXH tỉnh Sơn La tưz qênhz yuôx 220 taz viv sir zôngv lox tôngv. Hâur co qênhz yuôx chuyên nganhx lơưr tsưr ziv 135 taz viv; đhâu qênhz yuôx ntâuk grê sâu trâu Cuiv BHXH, BHYT 1,7 tỷ đeiv ntâu; cuiz tênhv xưv phuôv uô cxâuv hành chính hâur vênhv thix BHXH, BH tsi muôx hâux lưv uô 1 taz viv sir zôngv lox tôngv.

          Uô hâux lưv gôngr BHXH trâu nênhs lox tôngv hâur 10 shông ntâu no, pos Vũ Thị Yến, Phưv giám đốc công ty TNHH Yến Minh, huyện Yên Châu, tỉnh Sơn La pheiz kênh: “Hâur tsaz yênhx cxaz chuôz gôngr BH, công ty muôx 2 lênhx lox tôngv zos pox niêv xênhz zus mê nhuôk. Thâuv pêz uô têx ntâuz ntơưr chiê tâu sơưv BHXH tưz jênhv tâu BHXH li paz txưv jông, nênhs lox tôngv tâu thêv BHXH xênhz zus mê nhuôk trơưk six hơưv”.

          Tỉnh Sơn La nhiv no muôx 3 cxênhz 200 ntâu taz viv cxaz chuôz BHXH zuôr trâus, đros 60 cxênhz 500 ntâu nênhs lox tôngv cxaz chuôz. Zos tỉnh tox siêz muôx phênhv ntâu zos nênhs lox tôngv tsôngv box mênhx cxưx tsơưs nênhs, nganhx BHXH tưz chuôz tsar yax mông, muôz siêz jênhv pâuz trâu nênhs lox tôngv, chiê lơưr tâu sơưv cxix cxuô têx qênhx liv txix BHXH. Zơưv Phạm Đình Đạt, Phưv giám đốc BHXH huyện Yên Châu, tỉnh Sơn La puz pâuz: “Pêz tưz krêz uô hâux lưv cài phần mềm VssID trâu nênhs lox tôngv chiê lơưr seiz shuôk tâu sâuv co, pâuz tâu zuk li hâux lưv gôngr nhiêx BHXH; zos taz viv tsi tâu gôngr mak muôx ziv chênhv đros taz viv cux xưk li thôngz pov trâu chiz coaz muôx qênhx chiê taz por zuk li qênhx liv”.

          Hâux lưv cxaz chuôz BHXH li zos chiê nênhs lox tôngv tâu sơưv têx qênhx liv huv đros, taz por luz nênhx, tso siêz uô hâux lưv. Đros hâux lưv uô uô cê têx tsưr ziv, nganhx BHXH tỉnh Sơn La tưz gôngr phênhv tsi mê trâu hâux lưv car chêx cxix cxuô têx chế độ, chính sách trâu nênhs lox tôngv.

          Shông 2022, BHXH Sơn La tưz car chêx têx chế độ BHXH, BH tsi muôx hâux lưv uô trâu zuôr xar 25 cxênhz lênhx nênhs. 15 cxênhz 700 ntâu jiês tsôngv box tâu sơưv chế độ moz gênhs, xênhz zus nhuôk, tsoz phưz đas jos. Yênhx hli, 23 cxênhz ntâu lênhx nênhs tâu thêv nhiêx shar so lâuk thiêz paz txưv BHXH, đros tas nro chor nhiêx txiêx muôx 143 tỷ đeiv.

          Đros hâux lưv tror huiz tôngv tas nro cxix luôk chính trị sik đros uô hâux lưv sâu grê nux grê tsênhv yuôr gôngr BHXH, BHYT, BH tsi muôx hâux lưv uô, têx cấp, têx nganhx thiêz tsôngv box Sơn La cux njênhs njôngr jiês kho đuô BHXH zuôr txos zuôr khưx phưx tâu têx tsi tâu uô tâu, tsi tâu huv đros hâur BHXH./.

Thủy Hạnh- Txâur Vax cxeik nhênhv

Ntux kruôr phiv liv ntơưv Lào Cai, pêx xênhv tsuv sir zôngv đêx cxênhx txuôs

        Ntâu hnuz no, ntux kruôr gis phiv ntơưv xar Lùng Vai, huyện Mường Khương, tỉnh Lào Cai. No zos kror uô trâu pox nhuôs sơưr đơưk lok six cxơưx. Niêv tix Đặng Thị Thảo, nhoz jok Tảo Giàng hêik pâuz: “Pox nhuôs cux cxơưx hênhr taz sik tsik pâuz uô li chak hlo, ntux kruôr truz ntêr hnuz uô trâu chor blêx huôv tsar tsik tâu, blêx lok cux tưz zuôr uô plaz hnaz lơưv”.

        Pak đêx liv cungz đêx trâu Tảo Giàng thiêz 4 luz jok txơưr đuô hâur thax tsav uô kôngz nuv chênhr nhoz Lùng Vai tsênhv kruôr jux juk, muôx têx qơư đêx tưz kruôr tas. Lơưr zơưv Vàng Việt Trung, Phưv Chủ tịch Ủy ban xar, uô ntêx mak cxênhx txuôs cux zos kror tsưr ziv tsuv uô xuz thơưx hlo: “Xar tsưr tsix cơưv pêx xênhv thiêz chox kriê tôv sêiz car đêx liv tso đêx, tsik tso đêx chuôs tsi, tuôr xuôv; tsưr ziv zos phêiz trâu chor chuôz zis zuôr đêx trơưk six hơưv chiê phưx vưv trâu têx kôngz lôngk”.

        Nhiv no, chuôs li chor pak đêx liv nhoz Lào Cai puôr lênhx muôs đêx tsơưs; muôx 8 luz pak đêx mak đêx tưz tsơưs đuô kror tsuv muôx. Lơưr zơưv Nguyễn Quang Ngọc, Chi cục trưởng Chi cục Đêx liv tỉnh Lào Cai, shông no chor đêx hâur têx pak đêx liv ntơưv Lào Cai thâuv hla trâu chêix ntux kruôr tsuôk muôx 50-60%: “Tsôngv box li jênhv pâuz cux tsênhv tsik tâu cxix cxuô. Zos tso đêx huv li tsưr ziv mak txos kaz chêix ntux nas chor pak đêx tsuv pur đêx cov muôx txâuk đêx trâu chor hli hâur chêux ntux kruôr. Pêz cux tưz sir jos uô cônzg xưv yax kriê, hêik pâuz lok qênhx shênhx sir zôngv đêx trâu pêx xênhv”.

         Thôngz sâu txix cơ quan njuôk ntux yar ntux nas ntơưv thax tsav qơư puz pâuz, pir li six chênhz shông uô ntêx, tas nro chor nas lok hâur hli 4 shông no nhoz Lào Cai tsơưs đuô 20-30%. Ntux kruôr gis tưz uô zuôr xar 1.900 héc ta poz cưk, blêx, jâuz  tâuv trâus hiêv, tsêx trung ntơưv têx huyện Mường Khương, Bảo Thắng, Bát Xát thiêz thành phố Lào Cai.

        Chiê khưx phưx qênhx shênhx muôx tsik txâuk đêx trâu uô nox, tiv zix zos hâur ntu zuôr đêx phưx vưv trâu blêx chiv tsâus yiêz, nganhx kôngz nuv tỉnh Lào Cai tưz muôx ntâuz ntơưr chox kriê, hêik kriê têx tsưr ziv uô huv đros. Hâur co, đros trâu chuôz cxaz, tsês chiê, cxênhx txuôs đêx phưx vưv trâu uô nox. Đros chor thax tsav trâus kruôr khưx phưx tsik tâu, nganhx hêik pox nhuôs hlôngr đuô chiê chos têx zav tsoz chos lur hnuz, cê taz por huv chêix chiv, cê paz khưx phưx tâu têx phiv liv trâus ntux têz ruôr hiêv txos./.

An Kiên-Lik Thox cxêik nhênhv