Ntâu lênhx canr bôv nhoz Lào Cai txưv zênhv thor muk uô têx hâux lưv mê đuô, so hâux lưv uô ntêx

            Zos ủy viên Ban Thường vụ, Tsar ban Jênh vênhv Thị ủy Sa Pa, hâur ntu muôz Ban Tuyên Giáo thiêz Ban Jênh vênhv lok uô cê, pos Bích Liên Xênhv Vax, xênhz shông 1981 tưz jông siêz, thôngx ziv đros têx li heik sâuv thiêz bax tok yêik muk uô lưv zav hâux lưv yiêz, txơưv zuôr muk hâur têx xã, phường lok pos cux muk. “Cur zos iz lênhs hloz lox tiêr siêz, qir lês uô têx hâux lưv đoanx hluôk nênhs tuôx, viv li hâux lưv đaz tsi cur cux tsi shênhx, txơưv phênhz thiêz tso nhoz kror tưs, uô zav hâux lưv tưs cur cux jông siêz, shir phaz lênhk txeik hâux lưv zok muôz xưz”.

             Iz lênhx nênhs txơưr đuô zos zơưv Trần Văn Hùng, Phưv Tsar phongx tênhx qơư thị xã Sa Pa. Hâur ntu muôz 2 phongx Tênhx qơư thiêz Kôngz nuv lok uô cê, txơưv tsênhv yuôr 8 shông ntâu uô hâux lưv thiêz thiêx tâu so, taz sik zơưv Hùng tưz bax uô ntơưr thor so hâux lưv uô ntêx. “Cur cux tưz uô ntơưr thor so hâux lưv uô ntêx, no zos cur tus khênhx jông siêz, txâuk siêz uô ntơưr thor, thiêz cux ndax trâu ntu Đảng fuô uô luôs hâux lưv muôz iz cxiê qơư uô hâux lưv lok uô cê, txo grêk tsơưs nênhs uô nuv. Iz kro thiêz, cur so uô ntêx li no cux zos chiê trâu chor canr bôv hluôk, têx lênhx muôx txux chi muôx qơư uô hâux lưv, paz đas jos, tsưr ziv jông lês uô tiêr cxuô cêr nuv lưv zok muôz”.

             Iz chas pos Liên, zơưv Hùng, ntơưv thị xã Sa Pa txos nhiv no tsênhv muôx 04 lênhx canr bôv txơưr đuô thor so hâux lưv uô ntêx thiêz, co zos zơưv Nguyễn Hữu Quang, Tsar phongx mênhx cxưx; zơưv Nguyễn Xuân Cường, Phưv Tsar ban seiz car thiêz huôv tsar ju lix; zơưv Lý Châunr Tiến, Phưv Tsar ban seiz car thax tsav ju lix chiv xênhz đrox tsuôs Hàm Rồng; zơưv Đặng Đình Dũng, Giám đốc Tsênhv qơư Dịch vụ kôngz nuv.

           Iz chas ntơư, zơưv Nguyễn Phước Toàn, Tsar phongx Tênhx qơư thị xã Sa Pa cux tưz muôx ntơưr thor grêk muk uô Phưv Tsar phongx đhâu thâuv muôz 2 phongx Tênhx qơư thiêz kôngz nuv lok uô cê chiê muôx six hơưv, hnuz nhôngs lês uô tâu jông đuô luôs hâux lưv zok muôz.

             Nhiv no, thị xã Sa Pa tsênhv bax uô tiêr têx ntâuz ntơưr chiê fuô uô tâu truôx jông têx hâux lưv heik sâuv. Iz chas ntơư, sir jos uô trơưk chor tsênhv chei paz max trâu canr bôv, công chức so hâux lưv uô ntêx lơưr Chính phủ Nghị định 178.

              Tsi tiêk sa Pa, cxuô thax tsav qơư txơưr đuô hâur Lào Cai cux muôx ntâu lênhx canr bôv, công chức thor so hâux lưv uô ntêx lok sik grêk muk uô têx hâux lưv mê đuô. Yuôr đros thiêz chor canr bôv hâu nov lox hâur Ban Thường vụ Tỉnh Ủy seiz car, xuz thơưx tưz pov muôx 10 tơưv lênhx uô ntơưr thor so hâux lưv uô ntêx. Hâur co muôx zơưv Đỗ Văn Bình, Phưv Bí thư Đảng ủy Khối Cơ quan-Doanh nghiệp tỉnh Lào Cai: “Cur jông siêz, thôngx ziv đros Đảng tsưr ziv. Txix co, cur tưz zos lênhx xuz thơưx hâur cơ quan uô ntơưr thor so hâux lưv uô ntêx. Cur cux seiz hâur ntu zuôr txos no, thâuv tỉnh muôz iz cxiê phongx, ban lok uô cê mak zuôr sênhv lok six ntâu canr bôv. Zos zuk so hâux lưv hâur ntu no cux zuôr zôngx ziv trâu tỉnh phênhz lênhx nênhs lês uô têx hâux lưv”.

              Heik chox kriê cik txos tsênhv njiêz sâuv, zơưv Trịnh Xuân Trường, Bí thư Tỉnh ủy, Chủ tịch Ủy ban tỉnh Lào Cai heik cxuô ngênhx, cơ quan zênhx max uô tiêr têx ntâuz ntơưr thiêz cxuô luôs hâux lưv cik txos chiê uô ntêx hnuz 15/2 no yênhx lix 2 Đảng bộ yiêz nhoz hâur tỉnh; uô ntêx hnuz xiêz 01/3, tas nro cxuô sở, ban, ngênhx, taz viv lês uô hâux lưv têz qơưk tsuv truôx tuk hâux lưv uô, qơư nhoz lês uô nuv, tsi trâus uô tuôr thênhv đhâu fuô uô têx hâux lưv heik ntơư. “Pêz uô luôs hâux lưv no zos iz hâux lưv zov chênhr. Cux cik txos canr bôv, đảng viên luz nênhx, tsưr ziv siêz xar. Taz sik Lào Cai cux tưz yax kriê lok six ntâu, tiv zix, Tỉnh ủy tưz muôx iz jiês chuôs njiz 48 lênhx canr bôv hâu nov, hâur co muôx 12 sở têx lênhx Giám đốc, Phưv Giám đốc tsuv tâu muôz iz cxiê sở lok uô cê yênhx iz sở ntơư”./.

An Kiên-Riê Lâux cxeik, nhênhv