Phênhv thưr 6, hnuz xiêz 2/12/2016  (Phênhv 1)

Phax tar zax zênhz

Uô tâu đêx anr xã, phường, thị trấn tsi muôx zax zênhz nhoz Lai Châu

     Xã Nậm Loỏng, TP Lai Châu muôx 470 ntâu chuôz zis, 2 cxênhz ntâu lênhx nênhs zos tsôngv box heir nênhs Hmôngz uô nênhx nhoz hâur 6 jok, thiêz tưz muôx jiês zos thax tsav phiv liv lok zax zênhz. Đhâu ntâu shông cấp ủy, hâu nov ntơưv qơư thiêz têx cơ quan muôx vax huôv sik đros phax tir thêir, ruôr por tsês têx tsoz zênhz, vênhv tôngv tsôngv box sđ nox nhoz truôx têz qơưs, txos shông 2012 Nậm Loỏng tưz yênhx iz hâur têx thax tsav xuz thơưx hâur tỉnh tso tsês jux juk zax zênhz. Zơưb Tuôv Xênhv Zax, Chủ tịch UBND xã Nậm Loỏng heik pâuz: Têx liêx têz tsôngv box uô zênhz đrav ntêx tâu xã tsov cưv paz têx zuz nôngz kôngz yiêz chos hlôngr trâu txix têz qơưs tsaz yênhx, dự án. Têx lênhx nênhs muôx zênhk zax zênhz đhâu thâuv muk chiv zênhk zax zênhz tror lok đros côngv thôngx nhoz uô cê, tâu hâu nov ntơưv qơư paz txix muôz six hơưv, hnuz nhôngs chiê lơưr tâu buôk ti têx pênhr nhiêx txeik, paz zuz nôngz kôngz, tsiêx tu zus chiê trâu huôv tsar uô nox, txix ntơư tsôngv box luz nênhx iz hnuz tsar ndê jux juk:

      “ Đảng ủy, hâu nov tưz tso tơưv Nghị quyết chox kriê lok sâuv tuôr truôx xã tsi muôx zax zênhz. Têx ban, ngênhx, đoàn thể cux li cán bộ buôk ti muk têx jêx jok chiê yax kriê, vênhv tôngv tsôngv box sđ sik đros yơưz vơưz têx nênhs nhiês zuôr muôs, uô luôv zax zênhz. Xã, phường, tsôngv box sđ đros têx lưv lươngv muôx vax huôv uô hâux lưv taz por txiv ngaz thax tsav, tsi chiê muôx lênhx tiz nênhs tưs uô têx nuv tsi trơưk chei li heik sâuv saz đrâuv luôs 2 chas thax tsav tuôx hâur qơư nhoz thiêz zênhx max xưv bluô ntov jông têx nênhs uô cxâuv. Iz kro thiêz zos hu zâuv têx lênhx txir ndâux txir luk, tsar jok sik đros yax kriê, vênhv tônhv chiê tsôngv box tsi mnôngs, tsi uô têx nuv tsi trơưk chei”.

      Đros trâu Nậm Loỏng, nhiv no đêx anr “ cxiv tsa xã, phường, thị trấn tsi muôx zax zênhz” tưz uô tâu jông nhoz ntâu suôv qơư hâur tỉnh Lai Châu. Chiê jux juk txo grêk tsơưs têx lênhx nênhs nhiês zuôr muôs, uô luôv zax zênhz hâur thax tsav, txix shông 2013 txos nhiv no, têx cơ quan muôx vax huôv hâur tỉnh tưz qênhz yuôx, ntêk tâu 850 ntâu txuz zuôr muôs, thâux gra, uô luôv zax zênhz, sâu tsês tâu 20 ntâu cir zênhz đơưz thiêz zuôr xar 40 cir zênhz đuz. Iz chas ntơư, têx lưv lươngv muôx vax huôv tưz qênhz pov, ruôr por tsês tâu 60 qơư nhiês zuôr muôs tsơưs iz kro mê njik têx zênhz, yênhx châuv qơư nhiês zuôr muôs zax zênhz tsi trơưk chei thiêz tsưr tsix sir zôngv tsi trơưk chei têx zax zênhz, chox muk chiv zênhk zênhz thiêz seiz car đhâu chiv zênhk zênhz tror lok trâu zuôr xar 2.300 lênhx; tsênhv tror kho, chiv zênhk zax zênhz txix yuôx Methadone trâu 1.500 ntâu lênhx nênhs hâur thax tsav. Đại tá Bùi Xuân Phong, Phưv Giám đốc Công an Lai Châu heik:

       “ Công an tỉnh tưz nhênhz chơưv trâu UBND tỉnh thiêz têx Sở, ban, ngênhx, đoàn thể thiêz UBND têx huyện, TP cxơưz tiês luôs hâux lưv sơưr tơưv txênhz tir thêir têx nênhs nhiês zuôr muôs, uô luôv zax zênhz, sir jos uô jông đuô phôngz yaox tas nro tsôngv box sđ sik đros phax tar zax zênhz. Hux jos đros têx cơ quan xa mông cxơưz tiês uô hâux lưv yax kriê, sir jos cxiv tsa têx xor xưv, jax sâu heik lok sâuv phax tar zax zênhz,…. Đêx anr xã, phường tsi muôx zax zênhz, pêz cux tưz fuô uô txos trâu hur si têx xã, phường”.

      Chiê uô tâu jông đêx anr “ xã, phường tsi muôx zax zênhz” hâur thax tsav, nhiv no têx cơ quan muôx vax huôv thiêz cấp ủy, hâu nov cxuô thax tsav qơư tỉnh Lai Châu tsênhv tror sir jos tso nzir lưv lươngv đros uô luôs hâux lưv no thiêz sđ sik đros phax tir thêir têx txuz nhiês zuôr muôs, tsưr tsix  chôngz lênhx đros uô luôv, zuôr muôs zax zênhz tsi trơưk chei hâur thax tsav./. 

                                        (Khắc Kiên-Riê Lâux cxêik nhênhv)

Nhạc cắt

Yông I-Luật phax tar zax zênhz

Grê 3: Chor nênhs trâus txưr

Txưr têx kror li đrav  kaz no:

1.Chos têx tsoz chos muôx tsơưr zax zênhz.

2.Tsiv uô, zuôr muôs, fax thâux, khơưk tsês, hux jos paz chor nênhs uô luôv zax zênhz, xưv lik, sik pâur, muôs trâu luôs 2 chas têz qơưk đrâuv thiêz zuôr saz đrâuv  lok hâur thax tsav lok sik txênhz têx tsơưr zax zênhz, tsơưx shơư zax zênhz….

3.Sir zôngv, tsưr tsix sir zôngv têx zax zênhz tsi trơưk chei; siz zâuv, hâuz nziêk, jêik tsês têx zax zênhz, paz luôs chor nênhs sir zôngv zax zênhz;

4.Tsiv uô, muôs zuôr, uô lax luôv, fax thâux têx chuôz zênhx zôngv trâu tsiv uô, sir zôngv zax zênhz tsi trơưk chei.

5. Tuôr tsês têx nhiêx, chuôz zênhx tiv uô cxâuv lok zax zênhz muôx.

6.Tir thêir lok sik uô tuôr thênhv txos hâux lưv chiv zênhk zax zênhz.

7.Pâux cêr cuz nxor lok sik uô tuôr thênhv chor nênhs tsênhv taz tov uô hâux  lưv têz qơưk lok sik nênhs cxaz chuôz phax tar zax zênhz.

8.Liv zôngv zuk vax huôv, hâux lưv uô chiê uô cxâuv chei pháp luật lok phax tar zax zênhz.

9.Têx kror uô cxâuv txơưr đuô lok zax zênhz.

Grê 4:

1.Phax tar zax zênhz zos xiz nênhs, chuôz zis, cơ quan, tsưr tsix thiêz tas nro XH hâux lưv.

2.Têz qơưk muôx chei cxơưz cxiz, por hưv xiz nênhs, chuôz zis, cơ quan, tsưr tsix đros uô hâux lưv phax tar zax zênhz; tsưr tsix tsav txênhz, tir thêir têx nênhs nhiês uô luôv zax zênhz thiêz sir zôngv cxuô faz tsưr ziv kinh tế, pháp luật, vênhx huôv, XH, jênhv vưv chiê yax kriê, vênhv tôngv tsôngv px, cán bộ, công chức, cán bộ chiến sĩ hâur lưv lươngv vũ trang đros phax tar zax zênhz.

Grê 8:

1.Xiz nênhs, chuôz zis, cơ quan, tsưr tsix muôx vax huôv qênhz pov, pov cov zênhx max trâu cơ quan uô hâux lưv têz qơưk muôx vax huôv lok sâuv chos têx tsoz chos muôx tsơưr zax zênhz; sik đros ro, ruôr por tsês têx tsoz chos muôx tsơưr zax zênhz tiv chính quyền ntơưv qơư tsưr tsix.

2.ntơưv chor thax tsav tsuv ro por tsês têx tsoz chos muôx tsơưr zax zênhz, têx cơ quan uô hâux lưv têz qơưk muôx txơưx jênhv tsưr tsix uô lơưr tsưr ziv, tsênhv chei têz qơưk lok huôv tsar uô kôngz-jôngr nuv chiê hlôngr trâu chos têx tsoz chos muôx tsơưr zax zênhz; njuôk hov thax tsav uô kôngz-jôngr nuv, công nghiệp, dịch vụ thiêz tênhx qơư fiv đros chiê tsôngv box hlôngr yiêz tsưr ziv huôv tsar uô nox uô hnar./.

              (Bích Thủy biên tập-Riê Lâux cxeik, nhênhv)