Sơn La sir jos sêiz car têx luôs hâux lưv zuôr, muôs, sir zôngv, phâuk por tsês yuôx por vêv đrox tsuôs

Lơưr Sở Kôngz nuv-huôv tsar jêx jok, tox siêz tỉnh Sơn La, xav kror đruôz đraz iz shông, tas nro tỉnh sir zôngv xar muôx 500 tấn yuôx por vêv đrox tsuôs thiêz 300 tấn qir zuôv cxuô zav, hâur co, yuôx tuô đrox tsav muôx 72%. Đros chor yuôx sir zôngv bâuv li co, chor hnaz, hưx trâu yuôx por vêv đrox tsuôs đhâu sir zôngv tas muôx nhos 15-20 tấn; lar hêik zos chor hưx trox ntông trâu yuôx por vêv đrox tsuôs tsav muôx 50-60%. Zơưv Nguyễn Thành Công, Giám đốc Sở Kôngz nuv thiêz huôv tsar jêx jok, tox siêz tỉnh Sơn La hêik, hâur luôs hâux lưv uô kôngz nuv ngaz tuk chiê phưx vưv trâu lênhx nênhs sir zôngv hâur têz qơưk thiêz muôs tơưv saz đrâuv têz qơưk, tỉnh Sơn La li uô kôngz nuv cux muôx  yưv ntâu kror phiv liv. Sir zôngv qir zuôv, yuôx por vêv đrox tsuôs nhiv no tsênhv zos iz kror phiv liv lox trâu tỉnh li têx hax huv, tsơưr lươngv hax huv kôngz nuv.

Uô lơưr luôs hâux lưv sêiz car, sâu tsês, phâuk por tsês chor hnaz, hưx trâu yuôx por vêv đrox tsuôs đhâu sir zôngv tas ntu 2018-2020, xav txos tas shông 2019, tas nro tỉnh muôx 2.292 kror qơư trâu tsês têx vuôz tsuôz kiêk nênhs ntơưv tas nro thax tsav 80 xar; muôz phâuk por tsês muôx 27.000 cir têx hnaz hưx trâu yuôx por vêv đrox tsuôs lơưr cui tênhv, tax tâu zoz qơưx sir zôngv xar muôx 25% thax tsav uô kôngz nuv. Hnuz 8/1/2020, UBND tỉnh Sơn La tror tso tơưv số 06/KH-UBND lok uô lơưr tsưr ziv sêiz car, sâu, hlơưr phâuk por tsês chor hnaz, hưx trâu yuôx por vêv đrox tsuôs sâuv thax tsav tỉnh shông 2020, đros co zos muôz muôx 6,6 tiv đêiv nhiêx txiêx chiê uô nzir 1.000 qơư trâu, paz hlơưr phâuk por tsês 20.000 cir hnaz, hưx trâu yuôx por vêv đrox tsuôs đhâu sir zôngv tas; tsưr tsix kruôz kriê trâu xar muôx 5.000 lênhx nênhs lok sir zôngv, sâu tsês chor hnaz, hưx trâu yuôx por vêv đrox tsuôs cov ngaz tuk, muôx chêx cur.

Đros co, Sơn La kriz uô lơưr cui tênhv sêiz car, sir zôngv, sâu tsês chor hnaz, hưx trâu yuôx por vêv đrox tsuôs tso trâu hâur chêi jêx jok ntơưv têx xar muôx qơư trâu, chiê yax kriê, hêik pêx xênhv sir zôngv yuôx por vêv đrox tsuôs cov huv đros li tsưr ziv tso tơưv, tiv zix zos thax tsav jê hâur đêx. Kror no mak tâu pêx xênhv uô jông trơưk, tiv zix zos chor xar jêx jok yiêz nhoz tỉnh, hâur co tsuv hêik txos chor thax tsav uô kôngz nuv ngaz tuk lơưr ploz tsênhr VietGAP, GloboGAP xưk li txir thênhx caz Phù Yên, txir lưv tsiz zâu Sông Mã, txir mo môngk Yên Châu, yuôx zêx Shan tuyết Mộc Châu, jâuz ngaz tuk Mộc Châu, yuôx zêx Ô Long Mộc Châu.

Nhạc cắt

Tiz nênhs, taz viv sir zôngv yuôx por vêv đrox tsuôs li txơưx jênhv

Lơưr kruôz kriê, nênhs sir zôngv yuôx por vêv đrox tsuôs muôx txơưx jênhv bax têx trik yuô, cxuô zav chiê por vêv thâuv zuk uô lox tôngv; đhâu thâuv tor yuôx, tsuôs yuôx por vêv đrox tsuôs tas tsuv sâu, khơưk têx hnaz, hưx trâu yuôx por vêv đrox tsuôs thâuv sir zôngv tas co tso trâu ntơưv têx qơư sâu lok tsês chiê.

Nênhs sâu, khơưk chor hnaz, hưx trâu yuôx por vêv đrox tsuôs thâuv sir zôngv tas tsuv muôx txơưx jênhv uô lơưr têx tsưr ziv ngaz tuk lox tôngv thâuv sâu tsês chor hnaz, hưx yuôx por vêv đrox tsuôs đhâu sir zôngv tas; cir hux thôngx thiêz tâu thêv nhiêx côngz lơưr hux thôngx lok sik sik thav đros nênhs sir zôngv lox tôngv hâur hâux lưv sâu, khơưk chor hnaz, hưx trâu yuôx por vêv đrox tsuôs đhâu sir zôngv tas co.

Doanh nghiệp yưv pênhr trâu uô tsoz chos kôngz, jôngr nuv muôx sir zôngv nzir chor hnaz, hưx trâu yuôx por vêv đrox tsuôs thâuv sir zôngv tas mak muôx txơưx jênhv tsưr tsix sâu, khơưk têx hnaz, hưx trâu yuôx co thâuv sir zôngv tas sâuv thax tsav doanh nghiệp sêiz car; cir hux thôngx choz zok chor hnaz, hưx trâu yuôx por vêv đrox tsuôs thâuv sir zôngv tas đros taz viv muôx ntơưr tso chêi xưv lik têx vuôz tsuôz phiv liv chiê lơưr xưv lik.

Taz viv sêiz car têx qơưk trâu mak sâu ciês, lok sik cir hux thôngx lok sik huiz tôngv tsưr tsix, tiz nênhs đros sâu chor yuôx por vêv đrox tsuôs thâuv sir zôngv tas txix têx qơư trâu zâu muk trâu qơư trâu lox thiêz chor hnaz, hưx trâu yuôx por vêv đrox tsuôs thâuv sir zôngv tas tâu por trâu cxiê qơư sâuv thax tsav sêiz car; cir hux thôngx đros têx taz viv muôx txơưx jênhv chiê thâux xa, xưv lik têx hnaz, hưx trâu yuôx por vêv đrox tsuôs đhâu sir zôngv tas…/.

(Bích Thủy BT-Lik Thox cxêik nhênhv)