Phênhv “Chêi têz qươs” hnuz 14/8/2015:

Phênhv 2:

Grê 21:

1.Cxuô lênhx sơưr đơưk puôr lênhx muôx vax huôv por hưv zuk luz nênhx nox nhoz, chuôz zis thiêz zuk luz côngz luz bê.

Têx xor mông lok zuk luz nênhx, chuôz zis tâu têz qơưk taz por truôx tuk.

2.Cxuô lênhx sơưr đơưk muôx vax huôv jêik, por hưv zuk têx chuôz zênhx, xor mông, xor tôngx zos zuk thiêz chuôz zis li.

Tsi muôx lênhx nênhs tưs tâu vax huôv krêz, têr, sâu tsês têx lênhx nênhs txơưr đuô têx ntơưr xa mông, xor tôngx….tsi trơưk chei.

Grê 22:

1.Tsôngv box sơưr đơưk tâu vax huôv muôx qơư nox nhoz huv chei têz qơưk.

2.Cxuô lênhx sơưr đơưk muôx vax huôv por hưv zuk qơư nox nhoz. Tsi muôx lênhx tưs tâu chei muk trâu lênhx nênhs txơưr đuô qơư nox nhoz, zos tsi tâu lênhx nênhs ntơư tso chei.

3.Hâux lưv qênhz shuôs qơư nhoz zos têz qơưk têx chei, cui tinhv.

Grê 23:

Tsôngv box sơưr đơưk muôx vax huôv muk lok đhâu thiêz uô hâux lưv, nox nhoz hâur têz qơưk, muôx vax huôv muk đrâuv luôs 2 chas têz qơưk thiêz txix saz têz qơưk đrâuv lok hâur zuk têz qơưk. Uô lơưr têx chei no zos têz qơưk cui tinhv.

Grê 24:

1.Cxuô lênhx sơưr đơưk muôx vax huôv uô cxuô hâux lưv trơưk zuk tsưr ziv, siêz xar. Muôx vax huôv muk lơưr Tôn giáo lok sik tsi uô trơưk Tôn giáo. Têx Tôn giáo puôr lênhx muôx vax huôv siz luôs trươk li chêi têz qươs tso tươv.

2.Têz qơưk muôx vax huôv seiz car thiêz por hưv Tôn giáo.

3.Tsi tâu uô hiêv txos chei Tôn giáo lok sik liv zôngv chei tôn giáo   uô cxâuv chei têz qơưk.

Grê 25:

Cxuô lênhx sơưr đơưk muôx vax huôv uô cxuô luôs hâux lưv lơưr zuk tsưr ziv, siêz xar trơưk chei têz qơưk. Luôs hâux lưv uô lơưr têx chei no zos têz qơưk cui tinhv.

Grê 26:

1.Tsôngv box pox niêv, txir nênhx puôr lênhx muôx vax huôv siz luôs. Têz qơưk muôx chei taz por sơưr đơưk muôx vax huôv siz luôs.

2.Têz qơưk, XH thiêz chuôz zis muôz six hơưv chiê tsôngv pox niêv huôv tsar, sir tas zuk txux chi, tsưr ziv uô hâur XH.

3.Txưr tsi tâu uô têx hâux lưv seiz tsi tâuk pox niêv lok sik txir nênhx.

Grê 27:

Têx lênhx nênhs txưv 18 shông tror zar sâuv muôx vax huôv bo xeir; txưv 21 shông tror sâuv muôx vax huôv nhoz hâur côx hội, Hội đồng. Luôs hâux lưv uô no zos têz qơưk chei cui tinhv.

Grê 28:

1.Tsôngv box muôx vax huôv cxaz chuôz seiz car têz qơưk thiêz XH, cxaz chuôz seiz lax thiêz heik trâu cơ quan uô hâux lưv têz qơưk lok têx vênhv thix ntơưv qơư nhoz, hâur thax tsav thiêz hâur hur si têz qơưk.

2.Têz qơưk muôz six hơưv chiê tsôngv box sơưr đơưk cxaz chuôz đros seiz car têz qơư thiêz XH; uô tsênhz mênhx tsôngv box têx luk heik, luk nus.

Grê 29:

Têx lênhx nênhs txưv 18 shông tror zar sâuv, muôx vax huôv heik, nus cxuô luôs hâux lưv uz no zuôr trâus txos thâuv têz qơưk tsưr tsix zuôr tsôngv box ziv chênhv./.

              ( Tuyết Lan-Riê Lâux cxeik, nhênhv)