Jax sâu hnuz 21/7/2015
Điện Biên: Bax tsưr ziv tir thêir đêx nas chuô
========
Nhoz đrav kaz vuôk har
Điện Biên, muôx 2 tuk đêx Nậm Rốm thiêz Nậm Núa ntưk đhâu, viv li phênhv ntâu
shông tưs thax tsav xã Pom Lót, huyện Điện Biên cux trâus đêx nas ngaz. Tsôngv
box nhoz no heik pâuz, thâuv tưs muôx iz coz nas lox lok ntêr hnuz mak lơưr têx
liêx têz trâus đêx ngaz tas. Têx, muôx kênh shông đêx ngaz lox, cuôr yôngz tas
tsôngv box têx vax tsêr.
Txix pâuz tâu trâus uô
ruôr hiêv tiv đêx nas chuô, lar heik zos qir txix tsôngv box sđ têx tsưr ziv
jênhv pâuz, cấp ủy, hâu nov xã
Băng: “phênhv ntâu tsôngv box lơưr phax
tir thêir xưz, fênhx yax chiv tsâux nzor mak uô thâuv tưs cux tâu grê, lêik sâu
tas, seiz ntux li chas txos trâu thâuv hli 7, hli 8 tsôngv box mav qir tsêz
chos chiv jâuz xuz thơưx chiê nzor tâu sâu đê, muôs tâu grê”.
Ntơưv huyện Tuần Giáo,
kror cxơưx yax zos tsôngv box tsi bax tsưr ziv phax tir thêir txix muôx ntux yar
ntux nas txơưr txar phiv liv. 2 shông lok no, shông tưs hâur thax tsav huyện
cux muôx lênhx nênhs trâus tuôs tiv đêx nas ruôr hiêv. Hâur ntơư, ciês hli 7
shông uô ntêx, hâur huyện muôx txos 3 lênhx nênhs trâus đêx nas cuôr yôngz.
Bax tsưr ziv phax tir thêir đêx nas chuô shông no, huyện
Tuần Giáo tsênhv sir jos cxơưz tiês luôs hâux lưv yax kriê txos trâu tsôngv box
sđ, txưr tsi khênhr tsôngv box pư pêv têx têz; tsi mul ndis seiz têx liêx, têx
pak njêk; tsi mul ntâuk njêl, bo tơưk
hâur têx đêx thâuv muôx đêx nas huôv lox. Pos Phạm Thị Tuyên, Tsar phongx kôngz
nuv huyện Tuần Giáo, tỉnh Điện Biên heik pâuz:
Băng:“ Luôs hâux lưv yax kriê tâu kriê
txos trâu cxuô cấp ủy hâu nov ntơưv qơư, cxuô jêx jok tsưr tsix buôk ti yax
kriê jông trâu tsôngv px hâur têx jiês cơưv jêx jok chiê tsôngv px, cưr tix
nênhx tsa sđ pâuz to tâuz, muôx tsưr ziv phax txar jav. Cxuô ban nganhx, đoanx
thêv cux sik đros uô chiê siz chos yax kriê trâu tsôngv px sđ tsi ntâuk muôz
njêl, bo tơư lok sik hla đhâu têx đêx thâuv đêx nas tsênhv huôv hloz”.
Chênhr li heik ntơư, tỉnh
Điện Biên tưz chox kriê ngênhx muôx vax huôv đros bax tsưr ziv phax tir thêir
thiêz canhv pov nzor têx riêz nênhs muôx têx muôx tox poz ar lơưk, đêx nas cuôr
yôngz trâu tsôngv box pâuz. Zơưv
Băng:“ Ban seiz car phax tar đêx nas chuô
cxuô thax tsav thiêz têx ngênhx muôx vax huôv tsuv uô jông kriê tsênhz mênhx txos cxuô jêx jok thiêz
tsôngv box sđ pâuz to tâuz têx xor mông lok đêx nas lox thiêz tox poz, ar lơưk
chiê tsôngv box bax tsưr ziv phax tir thêir. Tiv 2 bax jông têx tsưr ziv yeik
txar tsôngv box nhoz têx thax tsav riêz nênhs: Zôngx ziv trâus đêx nas cuôr
yôngz, tox poz ar lơưk, têx thax tsav nhoz jê ntus đêx, cưx đês cưx ha……chiê
taz por ngaz tuk trâu tsôngv box luz nênhx thiêz têx chuôz zênhx chuôz tas”.
Cheix ntux nas shông uô
ntêx, tỉnh Điện Biên muôx 8 lênhx nênhs trâus tuôs tiv đêx nas cuôr yôngz.
Njuôk xav têx trâus uô tuôr xuôv lok nhiêx txiêx tas muôx 200 tỷ đeiv ntâu.
Txix hâur cheix ntux nas txos nhiv no, hâur thax tsav tỉnh tsi tâu pov muôx têx
tsi jông yưv. Taz sik, têx tsi jông ntơư, shor muôx yuv thâuv tưs cux pâuz tsi
tâu. Hâu nov ntơưv qơư têx tsưr ziv bax đros trâu tsôngv px sđ tsưr ziv jênhv
pâuz, chênhr phax đros phax tir thêir zos tsưr ziv jông tiv zix paz tỉnh Điện
Biên txo grêk tsơưs têx trâus uô ruôr hiêv tiv ntux nas chuô uô./.
( Thu Thùy-Chia dịch đọc)
Phênhv: “ Nôngx mênhx zuôr tsuv pâuz” hnuz 21/7/2015
Luk Hmôngz (Số 15)
Hnuz nta suôz: 21/7/2015
Nhạc hiệu “Nôngx mênhx tsuv pâuz”
Tsôngv pox nhuôs sơưr đơưk hmor yuô. Tu zus gâux buô zos chiê chor gâux
buô muôx jês jiês xuz thơưx huv hnuz nhôngs. Buô sha ntâu mê nhuôs ciês jiês
sha xuz thơưx thiêz zus tâu buô ntêr. Thâuv zus gâux buô, pox nhuôs tsuv tsov
cưv txos iz cxiê kror li đrav kaz.
Chiê chor gâux buô sha tâu mê nhuôs ntâu thiêz sha tâu ntâu jiês?
(Hlôngr suôz)
Muôz trâu buô nox ntâu zav hmôngr
muôx tsơưs đạm lok sik muôz trâu buô nox ntâu uô trâu buô tros muôx yuv têx kror tsik jông:
- Buô tsik muôx jês lok sik muôx jês
tsik ndax chêix, lok sik tso tơư ntâu jiês tus gâux buô ntươ thiêx muôx jês mak
cux tsuôk sha tâu mê nhuôs tsơưs.
- Buô tros maz tsik so trâus môngx
hâur 3-5 ciêz đhâu thâuv tso tơư txos muôx iz cxiê kror phiv liv li đrav kaz:
- Buô zuôs, muôx jiês kênhz uô trâu
hnuz nhôngs chiê tso tơư jiês xuz thơưx truz ntêr.
- Luz chêr muôx tsik txâuk đas jos,
viv ntu tu zus mê nhuôs buô, mik tsik txâuk nox.
- Mâuv buô pôngz đas jos ntâu đhâu
thâuv sha tas mê nhuôs jiês xuz thơưx.
Chor mâuv buô uô ntêx thâuv zuôr tso
tơư tsuv tsik tros hênhr, tsik zuôs hênhr, txix 7 hli ntâu txos 8 hli, tsuv
hnhar txix 48-55 cir, tsuv tâu cxax cxix cxuô zav yuôx vắc xin lơưr cuiz tênhv.
Nhạc ngắn
Zos li, tsoz phưz tu zus chor gâux buô li chak?
Khov trâu chor nôngz buô, buô li
hnhar cir chiê sir zôngv zav nox thiêz muôz trâu buô nox cov huv đros hâur iz
hnuz. Muôz trâu buô nox zav nox hmôngr tor đêx uô ntêx mav li muôz trâu buô nox
têx jâuz (zos chor jâuz chiê nox nhôngk tsik uô siêr).
Zos sir zôngv zav nox sik tor tsik
tâu hâu siêr mak tsuv tor đros iz kror đêx hur cov nhaz tas chor jâuz muôz trâu
buô nox. Muôz đêx hur thiêz lax trâu buô hâuk. Luz tsêr guôx tu zus tsuv lax
nziês, hur si. Tsov cưv txos phax moz trâu buô thiêz cxax txâuk cxuô zav yuôx
vắc xin lơưr cuiz tênhv nhiv no; tsik so huk têx vuôz tsuôz hâur guôx cov hur
si, kruôr krơưr.
Phênhv “Nôngx mênhx zuôr tsuv pâuz” hnuz no tsuôk muôx li no xưz. Phênhv
no zos Đêix VN đros tsênhv qơư cxiz kôngz têz qơưk uô./.
(Ly dịch đọc)
Viết bình luận