Jax sâu thưr 5, hnuz 23.7.2015

Yên Bái: Phax tar pôngz đês trâu nhuôs zâu-ntâu lênhx uô niêv uô txir tsik tâu siêz txos

=====

Yax kriê cxuô lênhx uô niêv uô txir tir thêir tsik chiê nhuôv zâu pôngz đês, tưz tâu cxuô cấp, ngênhx nhoz Yên Bái cxơưz tiês uô hâur ntu đhâu đros ntâu tsưr ziv tsênhv tsênhz, thôngz đhâu tsêr cơưv, đhâu cxuô jiês cơưv jêx jok…. Iz chas ntơư, têx huyện, thị xã, thành phố hâur thax tsav tỉnh cux fuô uô ntâu faz tsưr ziv tsênhv tsênhz xưk li: tsưr tsix xênhz huôx cheix so sor trâu nhuôs shux xênhz, kriê uô luôv đêx trâu chor tuz nxeik nhuôs zâu, cxok fiêx heik kriê tsi khênhr cxuô lênhx nhuôv zâu muk trâu têx pak đêx riêz nênhs….. Zơưv Trần Tiến Hưng, Tsar phongx Lox tôngv, xaz pênhz thiêz XH huyện Lục Yên heik pâuz:

Băng:“ Luôs hâux lưv por hưv, choz kriê têx nhuôs zâu tưz muôx cấp ủy hâu nov ntơưv qơư têx sir jos sik đros uô cux li Mặt trận Tổ quốc thiêz cxuô đoàn thể cêr hux jos truôx, lar heik zos hâux lưv phax tar pôngz đês trâu têx nhuôs zâu. Hâur six hơưv zuôr txos, chiê uô tâu jông tsênhv njiêz no, huyện shâuv cơưv cxaz nzir tsưr ziv chiê gra siêz txux chi, tsưr ziv tsưx hưv, choz kriê têx nhuôs zâu muôx têx lênhx cán bộ thiêz côngv tác viên cxuô cấp, iz chas ntơư fuô uô jông têz qơưk têx tsaz yênhx lok tsưx hưv, kruôz kriê têx nhuôs zâu, lar heik zos fuô kriê trâu côngv thôngx ngaz tuk phax tar têx tsi jông trâu nhuôs zâu”.

Cxuô ngênhx muôx vax huôv moz siêz fuô kriê zos li ntơư, taz sik luôs hâux lưv no uô tâu thiêz tsi tâu cux zos cxuô lênhx uô niêv uô txir tsưr ziv jênhv pâuz thiêz uô trơưk luôs hâux lưv heik kriê. Tsênhz tiês tso pov, cux tsênhv muôx lok six ntâu lênhx uô niêv uô txir tsi moz siêz txos luôs hâux lưv no. Hâur cheix ntux sor, ntơưv têx tuk đêx thiêz njưs tar đêx hâur thax tsav thị xã Nghĩa Lộ thâuv tưs cux muôx lok six chôngz lênhx nhuôs zâu siz zâuv mul đa đêx, txơưv đêx toz thiêz riêz nênhs cux tsi pâuz nyei. Zênhx pâuz tiêk, muôx kênh shông hâur thị xã tưz muôx mê nhuôv trâus pôngz đês tuôs, ciês hâur chei ntux sor shông no tưz muôx 2 txuz, uô 2 lênhx nhuôs zâu trâus pôngz đêx tuôs, taz sik chor uô niêv uô txir cux tsik cxươx txos, tsi  seiz shuôs têx mê nhuôv. Iz cxiê lênhx uô niêv uô txir heik, zuk têx mê nhuôv muk đa đêx ntơưv têx qơư muôx chôngz lênhx tuôx đa đêx, viv li cux tsi ndo cxơưx. Muôx kênh lênhx viv lơưr njênhs têx mê tuz mê nhuôv tsi sox seiz, qênhz shuôs. Lar heik, têx thâuv muôx hur si niêv thiêz txir chox mê nhuôv mul uô luôv đêx trâu têx qơư riêz nênhs. Tix lâus Hoàng Văn Thắng, iz lênhx txir nhoz no heik:

Băng:“ Cur pov thax qơư no muôx lok six chôngz nênhs tuôx uô si thiêz đa đêx, đêx ntơưv no cux tsi uô chas viv li niêx hnuz đhâu thâuv mul uô têz lok cur ho chox chor mê nhuôv tuôx đa đêx ntơưv no”.

Iz chas têx lênhx uô niêv uô txir tsik txoz cxươx li tưz heik sâuv, cux muôx iz cxiê thax tsav qươ cux uô trâu têx nhuôs zâu trâus pôngz đêx zos tiv niêv thiêz txir tsi seiz jor têx mê nhuôv jông. Têx txuz trâus pôngz đêx tuôs hâur ntu đhâu ntơưv pak đêx Thác Bà tso pov, ntâu txuz muôx yưv thâuv têx lâuk tsi nhoz tsêr, muk uô liêx têz tas, tsi muôx six hơưv seiz shuôs têx mê nhuôv. Niêv lâul Hoàng Thị N, muôx iz lênhx nhuôs trâus pôngz đêx tuôs heik:

Băng:“ Viv cur 2 niêv txir tso siêz, mê nhuôv thiêx uô li ntơư. Cur cux xar tsi tâu tiêk zuôr jông li no. Cur heik trâu tsôngv cưr tix nênhx tsa sđ, hâur cheix ntux sor mak tsuv seiz shuôs njôngr zuk têx mê nhuôv, tsi cxoz chiê mul trâu têx qơư riêz nênhs, uô têx tsi jông”.

Shông 2014 tưz muôx 21 lênhx nhuôs hâur thax tsav tỉnh Yên Bái trâus tuôs tiv pôngz đêx. Hâur shông no tưz muôx 11 lênhx. Chiê txo grêk tsơưs têx tsi jông tiv pôngz đêx, iz chas cxuô cấp, ngênhx têx sir jos sik côngv tês mak tsi yuôr faz tsưr ziv tưs txơưr, cxuô ziv chuôz zis, chor uô niêv uô txir tsuv moz siêz, seiz shuôs njôngr zuk têx mê tuz mê nhuôv tsi chiê muôx yưv têx tsi jông li hêik sau./.

( Đinh Tuấn-Chia dịch đọc)

Phênhv “nênhs jông uô hâux lưv jông” thưr 5 hnuz 23/7/2015:

 LÊNHX BỘ ĐỘI LÂUK NHOZ TỈNH ĐẮC LẮC UÔ LƠƯR ZƠƯV HLOZ HÔX LUK KRIÊ

***&***

          Zơưv Lê Khắc Hợp, shông no tưz muôx 65 shông hnuz nhôngs, nhoz jos Tân Hiệp, xã Dliê Ya, huyện Krông Năng, tỉnh Đắc Lắc, njiê  tsi muôx lênhx tưs xar tiêk zos iz lênhx nênhs bluô nux, uô tâu 2,3 tỷ đeiv iz shôngk. Thâuv ntêx cxaz chuôz mul uô bộ đội hâur cxiv tơưv txênhz ntus đriv faz Bắc hâur shông 1980-1984, zơưv tror lol kuz têz qơưk nhoz Thạch Văn, Thạch Hà, Hà Tĩnh. Luz nênhx txov nhêv cxuô zav, khưr yênhx shông tsi txâuk nox, viv li zơưv cuiz tênhv mul Tây Nguyên nriêr tsưr ziv uô nox; thâuv co, zươv txuôs tâu mê njik pênhr nhiêx txâuk zuôr 1 hecta ar. Pov ar têz jông, qiv hơưv jông, zơưv trâu siêz tsêz chos cxuô zav kôngz lôngk thiêz chos cà phê, cê chos kôngz lôngk, taz sik 1 hecta ar li ntơưv mak tsi txâuk. Uô kôngz nuv tsuv muôx ar, xar li ntơưv zơưv cuiz tênhv ndeiv chuôz zis, iz lênhx mul Sài Gòn chiê uô jos chuôz cxaz phênhv sâu trâu chuôz zis. Đhâu 10 shông sir jos cxênhx txuôk, zơưv muôx tâu 100 tsov đeiv thiêz zôngv tas nro chor nhiêx txiêx no zuôr cxaz 4 hecta ar.

          Hâur ntu co, Krông Năng zos iz thax tsav ar chos cà phê. Thâuv cà phê muôs tsi tâu grê, zơưv jênhv pov ntâu ziv chuôz zis li têx phêv liv thâuv tsuôk pâuz chos iz zav tsoz chos; viv li zơưv cuiz tênhv chos cà phê, chos hưx txoz, chos cxuô zav tsoz chos thiêz krêz đar tu zus tsiêx cxu. Cxôngx tu zus tsiêx cxu tưz muôx phênhv sâu tâu cxaz nhiêx txiêx zuôr qir zuôv chiê zuôv trâu cà phê, hưx txoz, cê cơưv shâuv, cê uô, cê chiv chir zuôr chênhz zênhv trâu zuk, nhiv no zơưv Hợp tưz yênhx iz lênhx pâuz tsưr ziv tu zus, tsêz chos kôngz nuv. Thax ar chos hưx txoz thâuv tưs cux njuôz jông, tsi muôx caz hmoz ruôr hiêv, fênhx pheiz iz tsoz hưx txoz sâu lol tâu 7 txos 8 cir hưx txoz. 2 hecta cà phê yar lengx fênhx pheiz zos 6 tênhr/hecta. Zơưv Hợp heik:

Băng: “ Hâur six hơưv uô cur cê zuôr tâu chênhz zênhv, cê cơưv shâuv têx lênhx nênhs txơưx uô kôngz nuv thiêz cxaz chuôz iz cxiê trâur nuv jux jus cur cux pâuz tâu ntâu, txos nhiv no têx trâur nuv cxôngx cà phê, hưx txoz tưz phuôv tsar lok six jông. Cur cê chos cê tu zus chiê muôx qir zuôv trâu tsoz chos lơưr phongx kôngz nuv li heik kriê, viv li siv huv uô  kôngz nuv uô tâu jông”.

          Txos nhiv no, zơưv muôx 2 hecta cà phê muôv muôs, 1800 tsoz chos hưx txoz thiêz paz buô cxôngx 40 txos 50 tul. 3 shôngk đhau lok no, iz shôngk phênhv sâu tâu nhiêx txiêx hâur ziv chuôz zis 1 tỷ đeiv ntâu. Tsêr nhoz tâu cxiv uô jông đuô, taz sik zơưv ho yax six nhoz pêv luz tsêr jê vax têz. Ntơưr kruôk zơưv đei pur pêk ntiê hâur tsêr. Zơưv heik, thâuv mul uô hâux lưv lol, njiê têx ntơưr kruôk co zuk ho ziv sir jos đuô. Gruôs khưr thiêz sir jos cơưv shâuv têx tsưr ziv uô jông zos lênhx bộ đội lâuk no li yênhx côngz:

Băng: “ Yênhx côngz tâu, uô ntêx zuk tsuv gruôs, cơưv shâuv hâur uô lox tôngv, xênhz yar thiêz tror cxaz chuôz uô têx trâur nuv phuôv tsar kinh tế nhoz tiv phaz, nhoz huyện, chiê cơưv shâuv chênhz zênhv tsuv moz siêz uô côngz xưv thix li chox lol yênhx côngz trâu zuk”.

          Nhoz Krông Năng  hâur ntu co, ziv chuôz zis tưs cux xar chos hưx txoz, taz sik zơưv Hợp heik “tsi zos tiêk chos hưx txoz mak txơưv uô bluô nux tâu”. Zơưv cux xav tênhv tror phuôv tsar chos hưx txoz. Taz sik chiê krêz đar mênhv chêx thiêz zuk tsuv nriêr pâuz lok ar têz; nôngz zuz chox lok chos, taz por chos mak tsuv tax tâu tsơưr lươngv, tsi zos lav chos lơưr phongz yaox niêv ciêz. Nhiv no thax tsav Krông Năng, ntâu chuôz zis chos hưx txoz tưz tuôx seiz shuôk, cơưv shâuv zơưv li chênhz zênhv. Hâur Hội bộ đội lâuk nhoz thax tsav Krông Năng, zơưv luz bê mak lênhx tưs cux pâuz txos. Nôngz hưx txoz zơưv chuôz zis chos tưz tâu ntâu chuôz zis txơưr đuô chos lơưr. Zơưv Nguyễn Tiến Chất, chủ tịch Hội bộ đội lâuk huyện Krông Năng puz pâuz:

Băng: “ Zơưv Hợp hâur têx shôngk đhâu zos iz chi hội trưởng, muôx ntâu gôngr côngv trâu côngz xưv Hội, tsi taz trâu zuk tiz nênhs mak tsênhv paz max cxuô lênhx hội viên txov nhêv, zơưv Hợp truôx siêz heik kriê, paz nôngz zuz, tsưr ziv tsoz phưz chiê hội viên phuôv tsar kinh têr; paz têx hội viên hla đhâu cêr pluôs. Co zos hâux lưv lok six jông, tsi taz zơưv Hợp mak ntâu hội viên txơưr đuô cux uô li ntơưv”.

          Kror tsiv grê tsi zos paz max lok chuôz zênhx, nôngz zuz, lênhx bộ đội lâuk Lê Khắc Hợp tsênhv truôx siêz heik kriê chênhz zênhv tsiv uô xênhz yar, tu zus tsiêx cxu, paz têx hội viên huôv tsar cêr uô nox. Chi hội bộ đội lâuk jos Tân Hiệp zos zơưv uô chi hội trưởng muôx 38 lênhx hội viên, txos nhiv no tsi yuôr ziv chuôz zis tưs yêiz pluôs. Hội bộ đội lâuk Krông Năng muôx 4 cxênhz lênhx hội viên mak muôx zuôr xar 900 lênhx hội viên zos chuôz zis bluô nux, phênhv sâu fênhx pheiz tax 100 tsov đeiv iz shôngk tror sau, hâur co muôx 9 lênhx hội viên uô tâu jông li zơưv Hợp, muôx phênhv sâu tâu 1 tỷ đeiv ntâu iz shôngk, ziv chuôz zis pluôs tsuôk yuôr 3%. Phongz yaox tưr thik sik paz max uô kinh têr cux phuôv tsar jông. Zơưv Chất heik:

Băng: “ Kror jông zos lơưr tưz sik đros paz max uô li chas chiê cxuô lênhx nênhs pâuz thiêz chox lol chêx cuk siêz tiv zix hâur vênhv thix mak lơưr pâuz co, chiê sik paz max hâur luz nênhx. Co zos lênhx bộ đội zơưv Côngz Hôx li siêz jông, zos lênhx nênhs siêz đơưz muôx tul tsi heik kriê cov tas tas. Kror co lok six tsiv grê”.

          Yênhx côngz tsi taz zos zuk iz nênhs li, lênhx bộ đội lâuk Lê Khắc Hợp cux xưk li cxuô lênhx bộ đội txơưr đuô, hnuz tưs cux iz siêz uô lơưr zơưv côngz Hôx li cêr uô nênhx jông, truôx siêz sik pheiz kênh, gôngr côngv đas jos đros côngv thôngx cxiv tsa luz nênhx ziv hnuz ziv jông đuô./.

( TTTN- Txâur Vax cxeik-nhênhv)