Shông 2022 tror uô tsưr ziv shưv đros taz por, sir jos chuôz tsar

6 txos 6,5%

  Tsưr ziv zos: muôx 16 tsưr ziv lok têx vênhv thix kinh têr, xã hôiv, tênhx qơư; hâur co chuôz tsar tas nro xiv huv hâur têz qơưk (GDP) tax tâu 6 txos 6,5%; chuôz tsar sir zôngv (CPI) fênhx pheiz muôx nhos 4%; muôz nhiêx txiêx têz qơưk pir đros GDP muôx nhos 4%.

  12 jênhv vưv, tsưr ziv zov chênhr zos:

  Chêx chôngk uô tâu truôx jông qơư tsov txos, cê phax moz Covid-19, cê huov tsar KTXH.

 Tsov cưv txos côngz xưv cxiv tsa, uô tiêr têx thể chế thiêz tsưr tsix thi hành pháp luật, chêx chôngk car chêx phêv liv, hlôngr yiêz ntâuz ntơưr hành chính, hlôngr yiêz tênhx qơư yưv pênhr kinh doanh.

  Uô tsênhz mênhx đuô hâux lưv hlôngr yiêz kinh têr reik đros hlôngr yiêz luôs hâux lưv chuôz tsar, muôz siêz tsơưr lươngv, huôv tsar kinh têr số, xã hội số.

Cxơưz tiês cxiv tsa, huôv tsar cxix luôk cxuô zav, hlôngr yiêz, tiv zix zos lok zaoz thôngz, năng lượng, cxix luôk kôngz nuv, nôngx cxênhz, shưv đros qênhx shênhx qiv hơưv txơưr txar...

Muôz siêz tsơưr lươngv zaoz zux, cxơưz tiês nhênhz chơưv khoa học, huôv tsar thiêz sir zôngv công nghệ, cxơưz tiês hlôngr yiêz tsưr ziv xar tơưv cxuô zav.

Cxơưz tiês huôv tsar sik côngv thax tsav, qơư kinh têr thiêz huôv tsar niêv đrôngs, kinh têr niêv đrôngs, cxơưz tiês hâux lưv uô thiêz thôngz đhâu têx tsưr ziv njuôs xav.

Sik côngv uô huv đros hâur huôv tsar kinh têr đros vênhx huôv, xã hội; huôv tsar truôx tsiv grê vênhx huôv, lênhx nênhs Việt Nam, tsov cưv uô tsênhv chêi đros nênhs muôx côngz, paz txưv xã hội, taz por nox nhoz xã hội.

Coar lik, sir zôngv muôx chêx cuk ar têz, trôngz jôngr ntông, hâur đêx: chuôz tsar por vêv tênhx qơư; chuv tôngv phax tar ntux nas, nhoz uô nênhx shưv đros qênhx shênhx qiv hơưv txơưr txar.

Gra siêz tsưr ziv, txux chi sêiz car têz qơưs, pênhr xưv huôv tsar cxuô zav; uô jông trơưk têz qơưs têx chêi tso tơưv, hlôngr yiêz uô cxuô luôs hâux lưv đros paz muôx tênhx qơư jông; cxơưz tiês luôs hâux lưv phax tar têx nênhs fêv tsik chiê uô tuôr xuôv txos têz qơưs têx nhiêx txiêx.

Hlôngr yiêz, chuôz tsar côx phax, txiv ngaz; truôx siêz tơưv txênhz por vêv truôx tul độc lập, tsưr qênhx têz qơưk, tuôr truôx tênhx qơư hôx fênhx, ngaz tul trâu huôv tsar têz qơưk.

Krêz uô uô cê, cxuô luôs hâux lưv txuôk đros oz chas têz qơưs, sir jos sik côngv đros ntiêx têz, paz phênhv hlôngr yiêz Việt Nam li qơư sơưr sâuv ntiêx têz.

Cxơưz tiês thôngz xor mông, yax mông, thôngx ziv xã hội, muôz siêz uô truôx jông luôs hâux lưv trâu cxuô tsênhv qơư./.

(Chinhphu-B.Thủy- Txâur Vax cxeik nhênhv)

Tây Bắc iz shông đros tas nro têz qơưk sir jos hla đhâu phêv liv

Yên Bái- thax tsav qơư muôx 30 mênhx cxưx sik đros nhoz uô nênhx, muôx huyện xuz thơưx hâur thax tsav Tây Bắc tax ploz tsênhr nôngx cxênhz yiêz. Shông 2021 no, tỉnh tax tsưr ziv muôx cxaz 10 xã uô tiêr tsaz yênhx. Taz sik txos tas shông, tsi taz muôx 10 xã mak tiv phaz no tưz muôx 11 xã uô tiêr tsaz yênhx cxiv tsa nôngx cxênhz yiêz, chuôz ndê chor xã tax ploz tsênhr txos 87, tsav 60% chor xã hâur tỉnh- siêz tiv zix thax tsav Tây Bắc. Yên Bái txos nhiv no cux tưz muôx 3 huyện, thành phố tax ploz tsênhr nôngx cxênhz yiêz, 10 xã tax ploz tsênhr nôngx cxênhz yiêz muôz siêz thiêz 3 xã tax nôngx cxênhz yiêz kiểu mẫu.

          Hâux lưv tsôngv box xav tênhv zuk zos lênhx nênhs tsênhv, tsuv hlôngr yiêz jênhv pâuz, tsi tos njôngr lok têx paz txưv thiêz mak tsuv chuv tôngv sir jos, cxaz chuôz gôngr côngv đros têz qơưk cxiv tsa nôngx cxênhz yiêz chênhr zos kror paz tax tâu chêx cuk no. Pos Nguyễn Thị Nhiên thiêz zơưv Đặng Hữu Tiên, tsôngv box nhoz xã Yên Thành, huyện Yên Bình, tỉnh Yên Bái heik: “Pêz lênhx tưs muôx nhiêx txiêx mak gôngr nhiêx txiêx, tsi muôx nhiêx txiêx mak gôngr côngz lox tôngv, gôngr cxaz ar têz chiê jêx jos, xã krêz cêr muk lok. Muôx cêr bê tông mak zôngx ziv muk lok đuô, mê nhuôs muk cơưv ntơưr cux zôngx ziv đuô”.

          “Gôngr paz uô ntêx, uô tâu cêr muk lok mak zôngx ziv đuô hâur huôv tsar kinh têr”.

          Tâu seiz zos “thax tsav qơư muôx kôngz nuv huôv tsar sâuv tas nro têz qơưk” hâur ntu jê ntơưv no, taz sik txos shông 2021, kinh têr kôngz nuv nhoz Sơn La thiêx tsênhz tsênhz tso pov têx kror jông. Tiv zix zos tas nro xiv huv muôs tơưv trâu têx têz qơưk Trung Quốc, Úc, Hàn Quốc, Nhật Bản, EU, Mỹ, Đài Loan, UAE...zos 22 cxênhz ntâu tênhr, siêz tiv zix txix thâuv ntêx txos nhiv no, tsiv grê muôs tơưv hax huv hâur tỉnh tax 160 tsov ntâu USD, yênhx qơư chi cax luk sâuv tas nro têz qơưk. Lơưr zơưv Nguyễn Thành Công, Phưv Chủ tịch UB tỉnh Sơn La: “Sơn La truôx siêz hâur tsưr tsix yênhx lix têx HTX kôngz nuv uô lơưr Chei. Muôx têx HTX tas nro lênhx nênhs hâur co puôr lênhx zos nênhs mênhx cxưx tsơưs nênhs. Thâuv lơưr chiv chir chuv tôngv hâur tsiv uô mak uô tâu ntâu uô; txix co, pox nhuôs txơưx tsưr tsix uô lơưr tsưr ziv sik côngv. Đhâu co, muôz siêz tâu tsưr ziv uô, tsơưr lươngv xiv huv, zaz zâuv tâu niêv ciêz chiê muôs tơưv”

          Txơưv yuôr lok six ntâu phêv liv, tiv zix zos moz Covid-19 tsênhv huôv xênhz sâuv thax tsav, taz sik shông 2021, zaz zâuv yưv pênhr nhoz tỉnh ntus đriv Điện Biên muôx têx hlôngr yiêz jông. Jiês xuz thơưx tiv phaz tâu cungz ntơưr côngz jênhv đăng cir yưv pênhr thiêz cuiz tênhv yưv pênhr trâu 17 dự án, đros tas nro pênhr yưv uô zos 6 cxênhz 200 tỷ đeiv ntâu. Hâur shông, Điện Biên cux jênhv tâu ntâu tsưr yưv pênhr li tsov cưv li tập đoàn lox Sun Group, FLC, Vingroup, Hải Phát, Flamingo...Zơưv Lê Thành Đô, Chủ tịch UB tỉnh Điện Biên puz pâuz: “Kror zov chênhr zos tỉnh Điện Biên tưz sik côngv đros hãng yêz za Bamboo Aiways krêz tâu cêr yêz za muôv muôs txix zav yêz za yiêz muk txix Hà Nội trâu Điện Biên thiêz Điên Biên muk Hà Nội, cux xưk li txix TPHCM muk Điện Biên thiêz Điện Biên muk TPHCM, paz cxơưz cxiz huôv tsar ju lix, zaz zâuv yưv pênhr lok tỉnh Điện Biên. Đros co, têx tsưr yưv pênhr txơưr cux tror tuôx Điện Biên chiê nhênhz chơưv, xưk li têx dự án lok huôv tsar tsoz Mắc ca...”

          Shông 2021 zos shông Lào Cai chiv nhênhv 30 shông tror yênhx lix tỉnh. Hâur ntu co, txix iz têz qơưk trâus ruôr hiêv ntâu hâur ntu tsav txênhz tir ntâus tros châuz, Lào Cai tưz yưv pênhr muôx 25 cxênhz tỷ đeiv chiê huôv tsar cxix luôk zaoz thôngz, kho đuô zuôr xar 1 cxênhz cei cêr muk lok cxuô qơư, 800 cei cêr muk lok hâur tỉnh. Khov co, txos nhiv no 100% chor xã sâuv thax tsav tưz muôx cêr muk txos ciês tsênhv qơư; cêr muk lok hâur jêx jos phênhv ntâu tâu luôv bê tông. Lơưr zơưv Trịnh Xuân Trường, Chủ tịch UB tỉnh Lào Cai, ntu zuôr txos, têx dự án lox tror tâu krêz uô, uô tiêr li cêr txuôk Ga Lào Cai đros huyện Văn Yên (Yên Bái); cêr hlâu txix Ga Lào Cai muk Hà Khẩu (Trung Quốc); qox Bản Vược- Bá Sái muk đhâu đêx thax tsav ntus đriv; cêr kror ar đhâu đơưv Hoàng Liên txuôk Lào Cai đros Lai Châu; qox Làng Giàng....zuôr paz Lào Cai khav tênhv tâu pưs txux zos tsênhv qơư sik côngv thax tsav, zos thax tsav tox siêz faz Bắc li tỉnh huôv tsar tiv zix: “Lào Cai lok six tsov cưv lok cơ sở cxuô zav, tiv zix zos zaoz thôngz muk lok. Lơưr pêz li njuôs xav, nhiv no, zos têz qơưk muôz 1 hox nhiêx mak zuôr sâu tâu 5 hox nhiêx; taz sik zos muôz 1 hox trâu zaoz thôngz mak zuôr sâu tâu 20-30 hox txix têx phênhv nhoz saz đrâuv. Hâur ntu zuôr txos, Lào Cai zuôr chêx chôngk krêz côngz uô qar yêz za, no zos hâux lưv zov chênhr chiê uô têx cêr zaoz thôngz muk lok”.

          Txơưv moz tsênhv huôv xênhz phêv liv, têx phêv liv txix thax tsav qơư tsênhv yuôr. Taz sik đros tas nro cxix luôk chính trị li siêz sir jos; tâu tsôngv box sik côngv đas jos uô, njênhs njôngr têx phêv liv zuôr hlôngr yiêz têx njuôs xav uô tsi tâu yênhx têx hâux lưv uô tâu, chiê tsôngv box Tây Bắc li siêz xar njôngr hla đhâu cêr pluôs tâu yênhx trus uô jông thiêz luz nênhx tsâu sor, jông đuô zuôr nzor pov muôx nhoz cxuô qơư sâuv thax tsav tox siêz..../.

(VOVTB-Txâur Vax cxeik nhênhv)

Chêix ntux yiêz đhiê pax vuôs thôngx siêz

          Nhạc xoè……

          Hâur ntâu hnuz đhâu lok no, txos trâu thâuv 8 six tsâuk ntux, ntơưv qơư nthuôr uô cêr lov jêv, Phươngx Tô Hiệu, đrôngl Sơn La tưz hnor têx suôz trax đror lov jêv lul đros trâu tsôngv pox niêv vir ndâuk uô têx txưv njêx muôs luôs nxi sênhr chêx muôx njiêz luk “Chêix ntux yiêz đhiê pax vuôs thôngx siêz”. Pos Lê Thị Hương Liên, phưv sêiz car qơư nthuôr uô cêr lov jêv đhiê pax vuôs shir phaz lul hêik: “Cxuô lênhx pox niêv vir ndâuk hâur qơư no tsênhv taz tov cơưv shâuv “Chêix ntux yiêz đhiê pax vuôs thôngx siêz” bax chiê nthuôr uô cêr lov jêv hơưv tok shông yiêz 2022”

          Nthuôr uô cêr lov jêv “Đhiê pax vuôs thôngx siêz”, muôx chôngz lênhx ntâu tus tuôx sêiz. Pos Nguyễn Thị Hoa, iz lênhx nênhs lâuk hnuz nhôngs siêz nhoz hâur qơư nthuôr uô cêr lov jêv đhiê pax vuôs thôngx siêz shir phaz lul hêik pâuz:“Cur zos iz lênhx hội viên muôx 70 ntâu shông hnuz nhôngs, taz sik tâu cơưv shâuv đhiê jax pax vuôs thôngx siêz no cux zôngx ziv cơưv thiêz uô tâu trơưk, tsôngv pox niêv vir ndâuk sđ puôr lênhx shir phaz lul cơưv shâuv thiêz cur cux nhiêv jax sênhr chêr đhiê pax vuôs no, viv jax pax vuôs co muôx njiêz luk hêik txos lênhx nênhs Sơn La”

          Tsênhz tiês, chôngz lênhx ntâu tus cux xar li ntơư đhâu jax “Đhiê pax vuôs thôngx siêz”, zos Pos Tòng Thị Phóng xar tơưv, hêik txos cxuô lênhx nênhs Sơn La muôx cêr thôngx siêz. Lênhx Nghệ sỹ đros cxiv kho jax pax vuôs no zos Phạm Hồng Thu, Giám đốc sêiz car tsêr cơưv kriê hêik gâux, nthuôr uô cêr lov jêv, đhiê pax vuôs tỉnh Sơn La. Lar hêik zos jax pax vuôs no muôx njiêz luk hêik txos 12 hêir nênhs nhoz tỉnh Sơn La đros trâu cxuô heir nênhs VN têx txux chi, vênhx huôv jông. “Jax gâux đhiê pax vuôs ntêr xar zuôr muôx iz phênhv, taz sik muôx ntâu njiêz luk tsiv grê lox lok cxuô heir nênhs têx txux chi, vênhx huôv jông. Pir li heir nênhs poz thơưx sênhr char zox tsas; heir nênhs Tày đhiê pax vuôs đê pax….”

          Hâur têx hnuz nhiv kruôr đhâu tsik ntêr no “Jax gâux đhiê pax vuôs thôngx siêz”, tưz tâu Bộ vênhx huôv-du lix muôz ntơưr côngk nhav por hưv ntiês tus, muôx chôngz lênhx ntâu tus pâuz txos. Zơưv Trần Tân Phong, phưv Giám đốc sở vênhx huôv tỉnh Sơn La hêik pâuz nzir: “Pêz tsênhv taz tov siz chos cxiv kho jax gâux, đhiê pax vuôs cov huv đros thiêz kriz lớp kriê trâu tsôngv  pox niêv, vir ndâuk sđ cơưv shâuv. Nhiv no, cxuô huyện, thành phố kriê cơưv trâu ntơưv têx xã, phươngx, muôx chôngz lênhx pox niêv, vir ndâuk đros cơưv “Đhiê pax vuôs thôngx siêz”

          Nhạc xoè………….

          Tưz zuôr txos chêix ntux yiêz, sênhr chêr đhiê pax vuôs thôngx siêz txuôk đros côngv thôngx cxuô heir nênhs sđ hâur thax tsav tox siêz Sơn La chiê cxuô lênhx hâur hur si têz qơưs pâuz txos./.

Tsu cxêik nhênhv-Lê Hạnh VOV Tây Bắc