Jax sâu thưr 7 hnuz 25/7/2015:

TSƠƯZ NXƯ- ZOS TSÔNGV BOX THÊIR YÊN CHÂU IZ ZAV NOX

***&***

          Lơưr têx lênhx lâuk nênhs nhoz têx jêx jos nênhs Thái Yên Châu: Cxôngx thâuv nzor lol muôx iz zav tsơưz nhoz têz qơưk Yên Châu. Pox nhuôs hu uô tsơưz nxư viv, zav tsơưz no tsi xưk li têx tsơưz khênhr muôx, tsơưz no muôz nôngz chos, tsuôk tuôx iz tsoz, tsi hlar tuôx câuk nzir. Pax tsơưz, thâuv txir tsơưz siêr, tsơưz txơưv kruôr jux jus thiêz tuôs. Thâuv co, nôngz txir tsơưz jênhs lol hâur ar tror tuôx câus thiêz phuôv yênhx tsoz tsơưz yiêz. Zơưv Lừ văn Bánh, nênhs Thái nhoz jos Nà Và, xã Viêng Lán, huyện Yên Châu heik:

Băng: “ Yên Châu hu zos tsoz nguôn. Muôx pêv har jôngr. Tov kaz no iz cxiê chuôz zis gra lol chos hâur vax tsêr, liêx têz. Thiêz txos nhiv no chuôz zis tưs cux muôx tsoz nguôn no chiê phưx vưv luz nênhx, ntênhs yôngz... Iz chuôz zis tsơưs tsơưs mak cux muôx 5 txos 10 tsoz, chuôz zis muôx ntâu mak 40 txos 50 tsoz, yuôr chuôz zis tưs tsi muôx mak tsuv mul nriêr chiê zuôr”.

          Cux cxôngx tsôngv box tox siêz li cêr cor cav mul nriêr têx jâuz ntông pêv har jôngr lol uô nox, viv li cxôngx nzor lol, tsôngv box têx mênhx cxưx Yên Châu tưz pâuz mul har jôngr nriêr jâuz, lor njuôs; hâur co muôx tsoz tsơưz nxư no chiê gra chox lol uô nox hâur niêx hnuz. Jux jus zav tsơưz no yênhx tsôngv box Yên Châu li iz zav nox, lênhx tưs cux nhiêv txos, tiv zix zos hâur têx hnuz ntênhs coaz tsôngv. Zơưv Lừ Văn Bánh puz pâuz cxaz:

Băng: “ Ntênhs yôngz, txênhv tsêr yiêz...tas nro têx zav nox muôx greix, jâuz cxuô zav, taz sik cuô tsơưz mak thâuv tưs cux zuôr tsuv muôx. Txos têx qơư muôs zav nox, cuô tsơưz cux zos zav nox nto bê, lênhx tưs cux nhiêv nox”.

          Zav tsơưz nxư no siêz txos 3 yiv, lox 0,6 yiv. Viv zos pox nhuôs li zav nox chax chês, viv li tsôngv box lênhx tưs cux pâuz mul har jôngr chiê nriêr khơưz lol chos hâur zuk chuôz zis li vax, lok sik tsêz nôngz tsơưz txos thâuv tưs tsơưz tuôx lox mak zôngv nox hâur niêx hnuz. Taz sik chiê muôx tâu cuô tsơưz kaz li siêz xar tsuv pâuz uô thiêx li jông nox. Thâuv txiêr tsơưz lol, muôz têr tơưr tsơưz lâul por tsês, zuôr luz plơưr mok chiê uô nox. Đhâu co, chox mul cxôngr uô shơư cuô hâu greix lok sik poz cxa buô, nhux tưv nhux đas thiêz trâu njêr, mix chênhr thiêz iz zav blôngx kâuz tso shươ trâu. Zơưv Lừ Văn Bánh heik pâuz:

Băng: “ Uô cuô tsơưz nox, uô ntêx tsuv chox mul cxôngr. Thâuv txos hnuz ntênhs nox yôngz, lok sik ntênhs phêv tul tsi muôx greix nhux, greix buô mak uô đros thiêx li kaz. Tsưr ziv uô cov kaz zos tsuv râuz cov ntêr. Tiv 2 zos muôx iz zav blôngx kâuz lul Thái hu uô xổm pon, lok sik txir kâuz hmaz....Thâuv uô tsuv đo cov cxuô. Tsuv uô sâuv kror chuz trâur tơưs thiêx li muôk thiêz kaz”.

          Tsi taz tsôngv box mênhx cxưx Thái nhoz têx jêx jos Yên Châu thiêx li nhiêv txos zav nox no mak phênhv ntâu nênhs lâuk, nênhs hluôk, lênhx tưs tâu xênhz zus, hloz lox sâuv thax tsav co, cux nhiêv txos zav nox chax chês no. Hâur cxuô zav nox kaz thiêz nto bê nhiv no, zav nox no tsi taz tâu zôngv hâur têx hnuz ntênhs mak tsênhv tâu uô hâur têx qơư muôv muôs zav nox chiê heik kriê trâu tsôngv kruô tuôx ndis shuôk nox. Pos Lò Thị Môn, tsôngv box nhoz jos Tủm, xã Chiềng Khoi, huyện Yên Châu puz pâuz:

Băng: “ heik txos tsơưz nxư lênhx nênhs Thái Yên Châu lênhx tưs cux pâuz, hâur têx hnuz ntênhs zos tsi muôx tsơưz nxư mak tsi yênhx hnuz ntênhs lơưv. Tsuv muôx cuô tsơưz thiêx nox kaz, lênhx tưs cux nhiêv nox, tsi taz zos nênhs Thái mak nênhs Choz Tsiz cux nhiêv txos”.

          Thâuv tsôngv box ndis muôx six hơưv tuôx txos Yên Châu, tsuv nox siv tsơưz nxư zos Yên Châu li iz zav nox nto bê. Li ntơưv, tsôngv kruô zuôr ndo njôngr txos iz zav nox reik đros đreiv tsôngv box nhoz tox siêz ntươv no li luz nênhx./.

( Tòng Anh- Txâur Vax cxeik nhênhv)