Pox niêv Điện Biên uô ntêx nyuôs hâur huôv tsar kinh tế

            Khov Hội Liên hiệp pox niêv huyện Mường Ảng paz max, pos Trần Thị Nhất, nhoz jok 4, thị trấn Mường Ảng, huyện Mường Ảng, tỉnh Điện Biên tâu kêr txêik 100 tsov đeiv txix tsêr nhiêx tsênhv chei XH huyện. Đros thiêz tsưr ziv xar, tsuv uô ntêx nyuôs hâur huôv tsar uô nox, viv li 2 ha ntâu têz cà phê, pos Nhất tưz chos shơư 400 tsoz txir lưk pax, 100 tsoz txir thênhx caz thiêz tuôz thox trâu.

           Tsưr ziv uô no tsi tiêk muôx têx tsoz chos pur liêx têz, tsênhv paz huôv tsar uô tâu ntâu zav, txix ntơư muôx phênhv sâu tâu nzir. Khov sir jos khưr, gruôs huôv tsar uô nox, pos Nhất chuôz zis tưz sâu tâu 200 tsov đeiv hâur shông nhiv kruôr đhâu, paz cxơưz chuôz zis luz nênhx hlôngr yiêz. “Khov Hội liên hiệp pox niêv moz siêz, paz max, cur chuôz zis cux tâu kêr txeik tsêr nhiêx tsênhv chei pênhr huôv tsar uô nox. Chuôz zis  chos cà phê, thiêz chos shơư têx tsoz chos nox txir, tu zus nzir tsiêx cxu viv li chuôz zis luz nênhx cux truôx tuk đuô”.  

           Pos Trần Thị Nhất chuôz zis tsưr ziv huôv tsar uô nox co zos iz kro uô trâu sơưr đơưk seiz njiê pov njôngr pox niêv Điện Biên heik cxuô, tsôngv pox niêv vir ndâuk huyện Mường Ảng heik taz, tsênhv jux juk khav tinhv suôz bê, tsưr ziv huôv tsar kinh tế hâur thax tsav qơư.

            Xav tinhv huôv tsar kinh tế zos iz hâur têx zov chênhr, niêx shông cxuô cấp hội pox niêv nhoz Mường Ảng tưz cxơưz tiês phôngz yaox pox niêv siz paz huôv tsar uô nox uô hnar. Hâur co sir jos uô jông hâux lưv yax kriê, vênhv tôngv chor pox niêv, vir ndâuk hlôngr yiêz zuz nôngz tsoz chos, tsiêx tu zus, uô lơưr têx tsưr ziv uô nox yiêz...chiê gra siêz phênhv sâu tâu. Pos Nguyễn Thúy Hà, Chủ tịch Hội Liên hiệp pox niêv huyện Mường Ảng heik pâuz: Nthuôr uô đêz đar phôngz yaox pox niêv siz paz huôv tsar uô nox uô hnar tưz thiêz tsênhv paz 8 cxênhz ntâu lênhx pox niêv, vir ndâuk, xênhz huôx nhoz 118 chi hội luz nênhx ziv hnuz ziv hlôngr yiêz, tsâu sor đuô. Iz chas uô tâu jông têx luôs hâux lưv siz paz li: Sik đros txuôs nhiêx txiêx chiê paz trâu têx lênhx pox niêv vir ndâuk muôx luz nênhx txov nhêv huôv tsar uô nox, Hội Liên hiệp pox niêv huyện Mường Ảng tsênhv đros tsêr nhiêx tsênhv chei xã hội huyện tso 300 ntâu lênhx pox niêv vir ndâuk kêr txeik zuôr xar 90 tyv đeiv chiê huôv tsar uô nox. “Pêz sir jos uô jông hâux lưv cxơưz cxiz chor pox niêv vir ndâuk gra siêz txux chi tsưr ziv jênhv pâuz lok cxiv tsa têx cêr huôv tsar uô nox. Phênhv ntâu zos lok sâuv cxiv tsa têx lênhx uô ntêx nyuôs hâur cxuô luôs hâux lưv huôv tsar uô nox uô hnar, gra siêz txux chi trâu tsôngv pox niêv vir ndâuk cov sơưr đơưk huôv tsar uô nox tâu trơưk têk. Chiê uô tâu têx li heik co, pêz hux jos truôx đros cxuô cơ quan, ban, ngênhx cik txos chiê chor pox niêv tâu cơưv shâuv têx tsưr ziv cxiv tsa, seiz car, lês uô cxuô cêr nuv”.

            Hâur têx shông jê lok no, phôngz yaox pox niêv huôv tsar uô nox nhoz Điện Biên ziv hnuz ziv uô tâu truôx jông, lar heik zos lok sâuv huôv tsar kinh tế hâur thax tsav qơư. Đảng, têz qơưk, têx tsưr tsix xã hội chor tsaz yênhx, tsênhv chei cux cxơưz paz lok six ntâu trâu tsôngv pox niêv vir ndâuk cêr huôv tsar uô nox uô hnar. Pos Đỗ Thị Thu Thủy, Chủ tịch Hội Liên hiệp pox niêv tỉnh Điện Biên heik pâuz: Hội Liên hiệp pox niêv tỉnh Điện Biên tưz fuô uô ntâu tsaz yênhx paz max chor pox niêv vir ndâuk tâu kêr txeik pênhr, lar heik zos hux jos đros Tsêr nhiêx Tsênhv chei xã hội chiê uô tâu jông tsaz yênhx paz têx lênhx pox niêv vir ndâuk kêr txeik pênhr nhiêx huôv tsar uô nox.

          Xav hur si têx pênhr nhiêx sơưr đơưk kêr txeik uô nox zos Hội Liên hiệp pox niêv tỉnh seiz car xav txos nhiv no zos 1.220 tyv đeiv ntâu, chor tổ cxaz chuôz xa nhiêx txuôs tsês zos 526 tổ, tax 100%, tâu muôx 19 tyv đeiv ntâu nhiêx. Thôngz đhâu têx hâux lưv uô li heik sâuv, paz chor pox niêv vir ndâuk muôx pênhr uô nox, huôv tsar kinh tế, pox niêv txir nênhx muôx vax huôv siz luôs, sik đros tsưx phưv, cxiv tsa tsưr tsix Hội ziv hnuz ziv truôx jông. Pos Đỗ Thị Thu Thủy, Chủ tịch Hội Liên hiệp pox niêv tỉnh Điện Biên heik: “Txix têx luôs hâux lưv uô tâu tso pov, phôngz yaox sik tưr “cxiv tsa pox niêv Việt Nam hâur ntu hlôngr yiêz tưz tâu fuô uô jông nhoz cxuô thax tsav txix T.Ư txos ntơưv qơư, hu zâuv chôngz lênhx ntâu tus canr bôv hội viên pox niêv cxaz chuôz. Txix ntơư, cxơưz cxuô cấp hội sik tưr uô hâux lưv jông, huôv tsar uô nox uô hnar, hlôngr yiêz chor canr bôv hội viên pox niêv nhoz cxuô cấp hâur tas nro tỉnh tsưr ziv, siêz xar. Têx lênhx pox niêv vir ndâuk ziv hnuz ziv truôx siêz huôv tsar uô nox, sir jos hla đhâu phiv liv, cêr txov hâur luz nênhx, lar heik zos pox niêv nhoz tox siêz đêz đrôngs, txov nhêv”./.

Vũ Lợi-Riê Lâux cxeik, nhênhv

Chor nhiêx shar so lâuk siêz đuô 4 jiês pir đros muôz BHXH iz jiês

              BHXH Việt Nam nhiv kuôr muôx thôngz yax xa txos nênhs lox tôngv, hu lơưs cxuô lênhx nênhs tror gôngr BHXH lêx ntêr, txu grês hâux lưv muôz BHXH iz jiês, viv cxaz chuôz BHXH, gôngr txix nhiv no zos tsês chiê trâu tov kaz no.

           Têx chế độ BHXH tâu xar tơưv đros tsưr ziv taz por nhiêx txiêx trâu nênhs lox tôngv thâuv txos ntu lâuk đros têx chế độ tsênhv tsênhz zos nhiêx shar yênhx hli, BHYT tsi zuôr nhiêx txiêx đros phênhv sơưv ndê txos 95% nhiêx thêv seiz njuôs thiêz kho moz, uô đaz uô kruô thiêz paz txưv thâuv tâu tas siv nênhx trâu nênhs cxênhz jê thâuv nênhs lox tôngv tâu tas siv nênhx.

          Viv li, nênhs lox tôngv muôz BHXH iz jiês zos tsi muôx phênhv nhiêx txiêx tsês trâu ntu lâuk. Zos tsuôk xav lok nhiêx txiêx, tsi tâu heik txos têx chế độ txơưr mak nênhs lox tôngv xeir muôz BHXH iz jiês zuôr tsi tâu sơưv têx chế độ jông li nênhs xeir sơưv chế độ so lâuk.

          Tsênhz mênhx li đrav kaz:

          */ Lox tôngv txir nênhx hnuz nhôngs so lâuk hâur shông 2024 zos 61 shông. Nhiv no txir nênhx li hov hnuz nhôngs chungz fênhx zos 71 shông ntâu. Li ntơưv, lox tôngv zos txir nênhx muôx six hơưv sơưv nhiêx so lâuk chungz fênhx zos 10 shông ntâu, bâuv 121 luz hli.

          Đros 20 shông gôngr BHXH, lox tôngv txir nênhx tâu sơưv nhiêx so lâuk zos 45% phênhv chungz fênhx hâur hli gôngr BHXH.

          Viv li, phênhv nhiêx so lâuk zuôr zos 6.000.000 x 45% = 2.700.000 đeiv iz luz hlik. Tas nro nhiêx so lâuk tâu jênhv zos 121x2.700.000= 326.700 cxênhz đeiv. Chor nhiêx txiêx no siêz đuô muôz BHXH iz jiês zos 160 tsov đeiv.

          */ Đros lox tôngv zos pox niêv mak shông 2024, hnuz nhôngs so lâuk zos 56 shông 4 luz hlik. Nhiv no pox niêv li hov hnuz nhôngs chungz fênhx zos 76 shông ntâu. Viv li, lox tôngv pox niêv muôx six hơưv sơưv nhiêx so lâuk chungz fênhx zos 20 shông 2 luz hlik, bâuv 242 luz hlik.

          Đros 20 shông gôngr BHXH, lox tôngv pox niêv tâu sơưv nhiêx so lâuk zos 55% phênhv chungz fênhx gôngr BHXH.

          Viv li, phênhv nhiêx so lâuk zuôr zos 6.000.000x 55%= 3.300 cxênhz đeiv iz luz hlik. Tas nro nhiêx so lâuk jênhv tâu zos 242 x 3.300.000= 798 tsov 600 cxênhz đeiv. Siêz đuô phênhv muôz BHXH iz jiês txos 650 tsov đeiv.

          Đrâuv co, tas nro nênhs lox tôngv zos txir nênhx thiêz pox niêv thâuv xeir sơưv nhiêx so lâuk tsênhv tâu BHXH zuôr ntơưr BHYT hâur ntu so lâuk đros 4,5% nhiêx so lâuk yênhx hli; thâuv nênhs lox tôngv tâu tas siv nênhx, lơưr li nênhs cxênhz jê tsênhv jênhv tâu nhiêx txiêx uô đaz kruô zos 10 luz hlik nhiêx shar cơ sở thiêz phênhv paz tâu tas siv nênhx iz jiês zos 3 luz hlik nhiêx so lâuk uô ntêx thâuv tâu tas siv nênhx.

Nhạc cắt

          Txix têx liv zix heik sâuv, BHXH Việt Nam hu lơưs cxuô lênhx nênhs txu grês hâux lưv muk muôz BHXH iz jiês, mak tsuv xeir sơưv nhiêx so lâuk chiê tâu sơưv ntâu liv zix đuô./.

Thu Thùy- Txâur Vax cxeik nhênhv