Yax kriê chêi têz qơưs trâu thax tsav ntus đriv

                Tuz lênhv zênhx Biên phòng Nghĩa Thuận (huyện Quản Bạ- tỉnh Hà Giang) tsưx phưv, sêiz car 20 cxênhz cêik cêr nhoz 2 xã, 18 luz jos thax tsav ntus đriv. Hâur têx shông đhâu, tuz lênhv Zênhx Biên phòng Nghĩa Thuận tưz yax kriê chêi têz qơưs trâu tsôngv px hâur thax tsav pâuz tsênhz lok Đảng têz qơưs têx chêi chox car-txuôk đros tsưx phưv truôx ntus đriv pêz têz qơưs, px muôx luz nênhx truôx tuk, tsâu sor. Zos iz lênhx huôv tsar cêr uô nênhx hloz lox ntơưv qơư, Thượng úy Ly Mý Lùng, tuz lênhv Zênhx biên phòng Nghĩa Thuận tưz yax kriê tsôngv px hâur thax tsav huôv tsar cêr uô nênhx zos đrêiv têz qơưs têx chêi tso tơưv thiêz đros tsưx phưv ntus đriv thax tsav qơư nhoz.  Tuz lênhv Biên phòng Nghĩa Thuận tưz uô tâu tiêr luôs hâux lưv yax kriê têx ntâuz ntơưr hêik lok cêx ciêv ntus đriv VN-Suôr; chêi tuz lênhv Biên phôngx VN, cxuô zav ntâuz ntơưr cik txos chor nênhs fêv uô cxâuv chêi muk  lok đhâu ntus đriv. Lar hêik zos đros hâu nov ntơưv qơư yax kriê Nghị quyết số 27 thiêz tỉnh Chỉ thị 09 tso tsês têx cêr nênhx pôngz kaz, txo grêk yêiz pluôs

           Hâur iz jiês cxuô lênhx tuz lênhv biên phòng Pù Nhi fuô yax kriê chêi têz qơưs trâu tsôngv px hâur thax tsav qơư co, cux huv đros, tsôngv px pâuz tsênhz cxuô njiêz luk fuô yax kriê. Zos huyện Mường Lát iz xã tox siêz, Pù Nhi muôx 15 cêik cêr muk lok hâur thax tsav tsav ntus đriv Lok Tsuôk, muôx chôngz lênhx px hâur oz têz qơưs muk lok đhâu têx cêr mê. Chênhr zos li hêik ntơư, fuô yax kriê chêi têz qơưs trâu tsôngv px nhoz thax tsav qơư co cux zos luôs hâux lưv zov chênhr, chiê px đros tsưx phưv truôx ntus đriv oz têz qơưs. Đại úy Nguyễn Văn Phương, tsar đội tuz lênhv biên phòng Pù Nhi hêik pâuz: Xã Pù Nhi, huyện Mường Lát, zos iz thax tsav qơư muôx yưv ntâu phiv liv, taz sik pêz sir zôngv cxuô faz tsưr ziv cxêik uô luk Hmôngz đros luk choz tsiz fuô yax kriê, iz thênhv jux juk tsôngv px pâuz tsênhz thiêz huôv tsar cêr uô nênhx jông zos đrêiv têz qơưs têx chêi yax kriê.

             Lar hêik, đhâu cxuô jiês muk trâu cxuô luz jêx jos thax tsav ntus đriv chiê fuô yax kriê chêi têz qơưs, tsôngv px pâuz to tâuz thiêz uô tâu trơưk.

          Txix ntơư, chor nênhs uô cxâuv chêi sêiz car thax tsav ntus đriv tưz txo grêk tsơưs jux juk thiêz đros tsưx phưv ntus đriv truôx khor.

          Iz chas cơưv đros cxuô jêx jos, cxuô lênhx tuz lênhv biên phòng Pù Nhi cux tsênhv đros chor lâuk nênhs muôx côngz, nto bê hâur côngv thôngx muk trâu cxuô chuôz zis yax kriê tsôngv px sđ huôv tsar cêr uô nênhx zos đrêiv têz qơưs têx chêi kriê thiêz đros tsưx phưv huôv tsar har jôngr ntông-tsưx phưv truôx ntus đriv pêz têz qơưs. Pos Sung Thị Xi, nhoz xã Pù Nhi hêik pâuz nzir: Cur jông siêz, tâu cxuô lênhx tuz lênhv biên phòng fuô yax kriê trâu px huôv tsar cêr uô nênhx jông zos đrêiv chêi têz qơưs.  Chêi têz qơưs chênhr zos muôx liv trâu px luz nênhx nox nhoz muk lok hâur niêx hnuz thax tsav ntus đriv; zos lênhx nênhs tưs, chuôz zis tưs uô cxâuv chêi têz qơưs tsuv trâus bluô nhiêx thiêz trâus tik cêr cxâuv zos đrêiv chêi sêiz car thax tsav ntus đriv   

                    VOV4 -Tsu cxêik nhênhv

Sir jos paz tsôngv box Làng Nủ uô tsêr nhoz

            10 ntâu hnuz lok no, txix thâuv taz viv khơưz uô tâu kuô tsêr, tưz siz paz sir jos đros đhok uô têx tsêr tsar lơưx xuz thơưx nhoz Làng Nủ. Trung úy Nguyễn Đình Nam, Binh đoanx 12-Bộ côx phax heik pâuz: “Xav tinhv tuôx no zuôr sir jos uô têx hâux lưv zok muôz, muôx têx đruôz hnuz, hmo ntux lok sik tas cik tov kaz cux li ntơư. Thâuv uô tsêr, muôx tas nro tsôngv cưr tix nênhx tsa thiêz hâu nov ntơưv qơư lơưr cux tuôx paz hur si, co zos đas jos cxơưz paz trâu pêz uô tiêr hâux lưv zok muôz”.

              Trơưk li Thượng tá Vũ Đình Dũng, Binh đoanx 12-Bộ Côx phax, thơưx seiz car  côngz trênhx cxiv tsa qơư nhoz yiêz Làng Nủ, iz luz tsêr tsar lơưx tsuv đhok uô tas nhos 20-30 hnuz thiêx tiêr. Viv têx shôngz ntông tsuv txâus thiêz max mav đhok uô iz kro jux juk, chênhr zos li heik co, têx kror tưs phiv liv mak đhok uô đruôz hnuz, yuôr đuô li zos huôk uô thâuv hmo ntux xưz. “Têx luôs hâux lưv li: Khơưz kror ndêx uz no mak pêz huôk hmo ntux. Pêz cux av tinhv uô ntêx, zuôr njiz trâus phiv liv viv li tưz bax tsưr ziv tso nzir lênhx nênhs đros paz uô hâux lưv, huôk njôngr têx hnuz ntux yar kruôr krơưr chiê sir jos uô cov tiêr tâu sei chor tsêr heik sâuv”.

             Nhiv kruôr hla đhâu têx cêr pôngz siêz viv trâus đêx nas ruôr hiêv uô chor nênhs cxênhz jê trâus tuôs, trâus moz, chuôz zênhx chuôz tav ar poz jêz cxuz tas, taz sik tix lâus Sầm Văn Bóng đros ntâu lênhx pêx xênhv jok Làng Nủ tsi so tuôx paz hnuz côngz, đas jos cxiv uô tsêr. “Têz qơưk paz uô tsêr lok six khor truôx, chiê tsôngv box sơưr đơưk tso siêz yêik lol nhoz, txix co sir jos huôv tsar uô nox chiê jux juk muôx luz nênhx truôx tuk, vav mênhx, tsâu sor”.

          Hâur ntu đhâu, txơưv tsi so lok nas, taz sik luôs hâux lưv khơưz kuô tsêr tưz uô tâu tiêr chiê choz trâu têx taz viv cxiv uô tâu trơưk hâux lưv tso tơưv. Njuôk xav, txix nhiv no txos kaz hli 11, têx jiês zuôr uô cov tiêr 40 luz tsêr choz trâu tsôngv pêx xênhv jos Nủ lok nhoz trâu thax tsav qơư yiêz no./.

An Kiên-Riê Lâux cxeik, nhênhv