Têx uô tâu jông txix luôs hâux lưv yax kriê chei têz qơưk nhoz Lai Châu

           Jok Cô Lô Hồ, xã Tà Tổng, huyện Mường Tè, tỉnh Lai Châu tưz muôx jiês zos qơư cuz nxor siz zâuv uô vax tsưr tsi trơưk chei, siz txênhz ar têz, uô cxâuv têx cui tinhv lok por hưv jôngr, uô cxâuv chei siz zuôr thiêz chuôz zis.....Têx txuz uô cxâuv chei tưz uô tsi truôx tuk xã hội thiêz chính trị hâur iz ntuk ntêr. Zơưv Lình Xênhv Vax, Bí thư Chi bộ, tsar jok Cô Lô Hồ heik: Thax tsav lox đar, tsôngv pêx xênhv nhoz tsi uô cê, tsi tas li iz cxiê lênhx cux tsi yuô tâu muôx txux chi tsưr ziv jênhv pâuz..., co zos qir tiv uô tsôngv lax pêx xênhv hâur jok zôngx ziv trâus nênhs fêv hâuz nziêk uô têx nuv tsi trơưk chei. Txix têx li heik ntơư, canr bôv huyện thiêz xã tưz muk yênhx jok yax mông, piêr kriê têz qơưk têx chei trâu sơưr đơưk. Jux juk tsôngv cưr tix nênhx tsa cux to tâuz, pâuz tsênhz, nhiv no têx txuz uô cxâuv chei têz qơưk hâur jok tưz txo grêk tsơưs lok six ntâu: “Đhâu thâuv tâu yax kriê lok têz qơưk têx chei mak pêz cux pâuz tsênhz đuô lơưv, sơưr đơưk cux uô jông hâux lưv tsưx phưv jôngr ntông, tsi uô cxâuv, tsi ntor luôx têx jôngr ntông tsi trơưk chei. Yax kriê trâu sơưr đơưk pâuz chiê nhiêk por hưv jông nhiêk chuôz zis, huôv tsar uô nox trơưk chei chiê muôx luz nênhx truôx tuk, tsâu sor”.

           Cux xưk li xã Tà Tổng, txơưv zos tsênhv qơư hành chính, chính trị hâur huyện, taz sik thax tsav thị trấn Mường Tè cux muôx jiês zos qơư cuz nxor lok zax zênhz; siz txênhz liêx têz, muôx xei muôx luk siz pênhr ntêr niêx ntâu shông. Chiê pêx xênhv pâuz tsênhz đuô lok Đảng, têz qơưk têx tsưr ziv, chei fuô kriê, zơưv Lỳ Go Ky, Phưv Chủ tịch Ủy ban thị trấn Mường Tè, huyện Mường Tè heik pâuz: Yax mông, fuô kriê chei têz qơưk txos tsôngv pêx xênhv sơưr đơưk tâu uô đhâu têx jiês cơưv jêx jok, jiês sik tưr thik, đhâu loa nta suôz, pheiz ntơưr yax kriê.... Đros trâu têx li heik co, cấp ủy, hâu nov thị trấn tưz chox kriê hlôngr yiêz, uô jông luôs hâux lưv đơưk tu têx cuz nxor, choz kriê cêr uô nênhx jông, têz qơưk têx chei fuô kriê txos trâu tsôngv pêx xênhv: “Niêx shông thị trấn Hội đôngx piêr kriê chei têz qơưk puôr lênhx cxiv tsa tsưr ziv txix thâuv hâur shôngk shông chiê yax mông, fuô kriê tâu jông têz qơưk têx chei txos trâu tsôngv pêx xênhv sơưr đơưk. Pêz tsov cưv, moz siêz txos têx jok 3, jok 11, jok 9, no tâu seiz zos chor jok txov nhêv, cxiv uô jêx jok yiêz. Tiv tsôngv pêx xênhv tsi yuô tâu muôx txux chi tsưr ziv jênhv pâuz, viv li pêz tsov cưv xeir lênhx nênhs, têx thax tsav, suôv qơư thiêz tsênhv njiêz chiê yax kriê huv đros”.

             Chiê gra siêz tsôngv pêx xênhv tsưr ziv jênhv pâuz uô trơưk têz qơưk têx chei fuô kriê, lar heik zos thax tsav tox siêz đêz đrôngs, tsôngv box heir nênhs tsơưs, ntus đriv, niêx shông Phongx tư pháp huyện tưz bax tsưr ziv nhênhv chơưv trâu Ủy ban huyện qênhz shuôs, gra siêz chor nênhs lês uô têx hâux lưv heik sâuv hâur huyện, xã, thị trấn têx nuv uô lok  cxiv tsa tsưr ziv piêr kriê chei têz qơưk, lar heik zos chor ntâuz ntơưr nhiv kruôr tso tơưv, cux li cơưv cxaz txux chi, tsưr ziv lês uô têx hâux lưv heik co. Zơưv Mạ Lý Phạ, heir nênhs Hà Nhì, nhoz jok Mé Gióng, xã Ka Lăng, huyện Mường Tè hei: “Lok sâuv yax kriê chei têz qơưk mak niêx shông, phongx tư pháp huyện, hux jos đros tỉnh tsênhv qơư paz piêr kriê chei têz qơưk, tư pháp xã muk yênhx jêx jok yax kriê trâu pêx xênhv ntơưv têx jiês cơưv. Iz zav li kriê lok chei đriv têz, chei pox niêv txir nênhx vax huôv siz luôs , chei siz zuôr, chei cik txos luz nênhx nox nhoz, uô têx ntâuz ntơưr, cheix yêz muk lol tâus cêr..... Đhâu têx jiês yax kriê, pêz cux pâuz tsênhz thiêz uô jông trơưk têz qơưk têx chei fuô kriê”.

              Pos Lù Phí Pa, Tsar Phongx Tư pháp huyện Mường Tè, tỉnh Lai Châu heik pâuz: Hâur shông, huyện tưz uô truôx jông luôs hâux lưv tok tiêv pêx xênhv, yax mông, piêr kriê chei têz qơưk tâu zuôr xar 300 jiês, muôx 20 cxênhz ntâu lênhx nênhs cxaz chuôz; lênhk txeik thiêz đơưk tu tâu tiêr 68 hâur 81 txuz têx cêr cuz nxor: “Pêz tưz sir jos paz Ủy ban huyện uô têx tsaz yênhx, tsưr ziv piêr kriê chei têz qơưk txos trâu tsôngv pêx xênhv. Thiêz pêz phênhz côngz, choz hâux lưv tsênhv tsênhz trâu têx lênhx hâur Hội đôngx piêr kriê chei têz qơưk, cux li têx lênhx lês uô luôs hâux lưv yax kriê. Hâur shông 2023, pêz sir jos yax kriê lok têx chei siz zuôr thiêz phênhv ntâu zos siz zuôr nzor, siz zuôr cxênhz jê”.

              Uô truôx jông Hội đôngx luôs hâux lưv piêr kriê chei têz qơưk, huyện Mường Tè tưz sir jos piêr kriê têz qơưk têx chei thôngz đhâu muk yax kriê trâu yênhx chuôz zis, ntơưv cxuô jiês xênhz huôx côngv thôngx.... Hâur co, chor lâul jok, tsar jok, txir ndâux txir luk thâuv tưs tưz zos têx lênhx uô ntêx nyuôs hâur yax mông, fuô kriê têz qơưk têx chei txos trâu pêx xênhv. Khov li ntơư, tsưx phưv tâu truôx tuk thax tsav, paz uô tâu jông luôs hâux lưv huôv tsar kinh tế-xã hội ntơưv qơư./.

VOV4-Riê Lâux cxeik, nhênhv

Cxaz nzir phênhv paz so lâuk xã hôiv txix zuôr BHXH

          Lơưr co, BHXH muôx ntâu zav li: paz txưv so lâuk xã hội; BHXH zuôr trâus zuôr thiêz BHXH txưv zênhv; BH so lâuk cxaz nzir chiê ndar txos tas nro tsôngv box zuôr BHXH. Paz so lâuk lơưr Chei BHXH shông 2024 li cui tênhv (Grê 21, grê 22) zos zav BHXH muôx nhiêx txiêx têz qơưk taz por, tâu cxiv tsa sâuv tsưr ziv huôv tsar iz phênhv txix cui tênhv lok  paz txưv xã hội yênhx hli đros nênhs muôx hnuz nhôngs siêz, hâur co cui tênhv:

          1)Hov hnuz nhôngs tâu sơưv phênhv paz so lâuk xã hội kis đuô 5 shông pir đros hnuz nhôngs sơưv paz txưv xã hội yênhx hli đros nênhs muôx hnuz nhôngs siêz nhiv no, tsênhz mênhx: Tsôngv box VN txix txâuk 75 shông ndê muk mak tsi tâu sơưv nhiêx so lâuk lok sik paz txưv BHXH yênhx hli mak tâu sơưv phênhv paz txưv so lâuk xã hội. Tsôngv box VN txix txâuk 70 shông txos kis đuô 75 shông zos chuôz zis pluôk, chuôz zis zuôr xar pluôk thiêz tuôv zênhv txâuk têx tâu sơưv paz txưv so lâuk xã hội.

           2)Phênhv paz txưv so lâuk xã hội yênhx hli zos Chính phuv cui tênhv huv đros têx theox chênhv huôv tsar KTXH thiêz zênhx hangx têz qơưk li nhiêx txiêx yênhx ntu. Six hơưv 3 shông, Chính phuv uô, seiz shuôk hâux lưv hlôngr yiêz phênhv so lâuk xã hội.

           3)Nênhs txâuk theox chênhv sơưv phênhv paz so lâuk xã hội cê zos lênhx nênhs tâu sơưv phênhv paz xã hội yênhx hli mak tâu sơưv chế độ paz cấp siêz đuô

           4)Tâu nhiêx txiêx têz qơưk gôngr BHYT thâuv tsênhv sơưv paz txưv so lâuk xã hội, thâuv tâu tas siv nênhx mak tsưr tsix, lênhx nênhs bax uô đaz kruô tâu jênhv paz txưv lơưr pháp luật li cui tênhv lok nênhs muôx hnuz nhôngs siêz.

       5)Seiz shuôk hlôngr yiêz txu grês hov hnuz nhôngs sơưv paz txưv so lâuk xã hội: UB thường vụ côx hôiv cuiz tênhv hlôngr yiêz txu grês hov hnuz nhôngs sơưv paz txưv so lâuk xã hội sâuv chính phuv li thix ziv đros theox chênhv huôv tsar KTXH thiêz nhiêx txiêx têz qơưk hâur yênhx ntu.

Nhạc cắt

          Cxaz nzir cui tênhv chiê chuôz tsar sik côngv hâur têx cxênhx az txưv ho lâuk xã hội thiêz BHXH cơ bản:

          Chei BHXH shông 2024 (Grê 23) cxaz nzir chế độ yênhx hli đros nênhs lox tôngv tsi txâuk theox chênhv sơưv nhiêx so lâuk thiêz tsi txâuk hnuz nhôngs sơưv paz txưv so lâuk xã hội, tsênhz mênhx:

          1)Tsôngv box VN txâuk hnuz nhôngs so lâuk muôx six hơưv gôngr BHXH taz sik tsi txâuk theox chênhv sơưv nhiêx so lâuk lơưr pháp luật li cui tênhv thiêz tsi txâuk theox chênhv sơưv nhiêx paz so lâuk xã hội zos tsi sơưv BHXH iz jiês mak muôx zoz qơưx tâu sơưv phênhv paz yênhx hli txix zuk li phênhv gôngr.

         2)Phênhv paz yênhx hli tâu hlôngr yiêz thâuv chính phuv hlôngr yiêz nhiêx so lâuk, phênhv paz BHXH yênhx hli.

           3)Hâur ntu sơưv phênhv paz yênhx hli mak tâu nhiêx txiêx têz qơưk paz gôngr BHYT; thâuv tâu tas siv nênhx mak nênhs cxênhz jê tâu sơưv phênhv paz iz jiês trâu têx hli tsi tâu jênhv thiêz tâu sơưv phênhv paz uô đaz kruô zos muôx txâuk theox chênhv lơưr cui tênhv./.

Thanh Thủy-Txâur Vax cxeik nhênhv