Chêi têz qơưk truôx khor, thax tsav qơư co huôv tsar jông

           Jok Nà Khau, xar Đồng Tâm, huyện Bình Liêu, Quảng Ninh zênhx zos luz jok txov nhêv tiv zix, pêx xênhv jênhv pâuz lok cêr chêi têz qơưk tsênhv tsơưs. Iz cxiê phongx cxưx tsênhv pôngz kaz. Viv li, hâur qênhx shênhx yax kriê nhoz têx jêx jok tox siêz njiz tsik tsơưs têx phiv liv. Lơưr niêv tix Nguyễn Thị Kim Oanh, côngz chức tư pháp xar Đồng Tâm: “Tiv iz zos pêx xênhv hâur xar txux chi tsênhv kik. Tiv oz thiêz zos iz cxiê pêx xênhv tsik pâuz luk tsoz tsiz, thâuv chor nênhs yax kriê muk yax kriê txos têx jêx jok mak tsuv khov trâu chor hâu nov hâur jêx jok paz cxêik trâu lơưr mnôngs mak lơưr thiêx pâuz tâu”.

           Têx shông jê lok no, côngz xưv hêik kriê cêr chêi têz qơưk trâu pêx xênhv pâuz tsik so tâu cấp ủy Đảng, chinhr quyền ntơưv thax tsav qơư xar Đồng Tâm sir jos uô, sêiz co zos jênhv vưv tsênhv njiêz, tsuv tâu uô tsik so. Tsuôk xav 6 luz hli hâur shôngk shông no, chor xar, thị trấn sâuv thax tsav huyện tưz tsưr tsix 141 jiês yax kriê, piêr kriê têz qơưk têx cêr chêi trâu 11.000 ntâu lênhx nênhs đros pâuz. Zơưv Chíu Thanh Sáng, nhoz jok Nà Khau, xar Đồng Tâm tưz muôz ar chiê uô cêr, hêik pâuz: “Khov muôx canr bôv yax kriê, pêz pâuz tâu tsưr ziv têz qơưk thiêz pêx xênhv sik đros uô. Pêz muôx tâu cêr bê tông muk lok zôngx ziv đuô, muôs têx shôngz ntông, kôngz lông, hax huv cux tâu gri siêz thiêz zôngx ziv đuô”.

           Sir jos uô côngz xưv yax kriê, hêik kriê têz qơưk têx chêi sâuv thax tsav, tiv zix zos ntơưv têx qơư nhoz đêz, tox siêz, Ban Mênhx cxưx tỉnh Lào Cai tưz sir jos sik côngv đros cxuô cấp, cxuô nganhx muôx ntâu tsưr ziv uô tsênhv tsênhz. Txix co paz trâu tsôngv box hâur thax tsav mênhx cxưx tsơưs nênhs gra siêz đuô jênhv pâuz thiêz sir jos uô truôx jông trơưk têx cêr chêi têz qơưk.

           Pos Thền Mây Phấn ziv chuôz zis, nhoz Đôiv 2 đros yênhx puô ziv chuôz zis tsôngv box Nùng nhoz xar Nàn Sán, huyện Si Ma Cai tsik so tâu chor nganhx muôx vax huôv yax kriê lok Chêi Phax tar zax zênhz, Chêi siz zuôr hâur chuôz zis, tsênhv chêi paz đơưk kho ar nhoz, ar uô nox trâu tsôngv box mênhx cxưx tsơưs nênhs thiêz têx tsênhv chêi paz trâu huôv tsar kinh têr. Thôngz đhâu chor tsưr ziv uô kinh têr, tsôngv box luz nênhx ziv hnuz ziv huôv tsar, têx tuz nhuôs tâu cơưv ntơưr cxix cxuô thiêz tu zus jông đuô: “Zuk luz nênhx nhiv no cux hlôngr yiêz jông đuô thâuv ntêx lơưv, chor mê nhuôv tâu muk cơưv ntơưr tas hur si, muôx hâux lưv uô mak  thiêx khênhr zuôr pox niêv, zuôr txir”.

           Zơưv Lồ Xuân Chô, trưởng phòng Mênhx cxưx huyện Si Ma Cai puz pâuz, khov uô truôx jông lơưr têz qơưk têx cêr chêi, pêx xênhv tưz sir jos kriz uô têx tsênhv chêi trâu hâur luz nênhx: “Đảng, Têz qơưk têx tsênhv chêi kriz uô ntơưv têx xar cux li thax tsav ntus đriv mak muôx têz qơưk tsaz yênhx huôv tsar kinh têr xar hôiv thax tsav tsôngv box mênhx cxưx tsơưs nênhs cux tưz tâu kriz uô paz đơưk kho tâu iz cxiê kror, li đêx xênhz huôx trâu tsôngv box, kriz đar chor cêr muk lok hâur jêx jok, paz zôngx ziv trâu muk lok thiêz zuôr muôs hax huv”.

          Xav jênhv yax kriê têz qơưk têx cêr chêi hâur tsôngv box zos jênhv vưv zov chênhr tsuv tâu kriz uô tsik so, đros piêr pâuz chêi têz qơưk đhâu chor jiês cơưv thiêz sâuv têx chuôz zênhx thôngz xor mông, qênhx shênhx yax kriê têz qơưk têx cêr chêi thôngz đhâu chor jiês thik tưr nriêr pâuz chêi têz qơưk trâu tsôngv box mênhx cxưx tsơưs nênhs tâu Ban Mênhx cxưx tỉnh tsưr tsix tưz paz uô tâu ntâu kror jông, paz trâu tsôngv box phêiz kênh, pâuz tâu nzir ntâu txux chi lok chêi têz qơưk. Niêv tix Sung Xênhv Vưx, jok Kin Sáng Hồ, xar Pa Cheo, huyện Bát Xát hêik pâuz: “Tror kriz uô yax kriê thôngz xor mông mak pêz xar xa tuôx hâur jiês thik tưr hnuz no zos nriêr pâuz, cơưv shâuv thiêz uô trơưk chêi têz qơưk zos cxuô lênhx nênhs li qênhx liv thiêz txơưx jênhv”.

           Xav txos nhiv no, tas nro tỉnh Lào Cai tưz tsưr tsix tâu muôx 1.000 jiês yax kriê, piêr pâuz, hêik kriê chêi têz qơưk, têx xor mông; tsưr tsix tâu jông Hôiv sik tưr nriêr pâuz cêr chêi têz qơưk trâu tsôngv box mênhx cxưx tsơưs nênhs. Txix co paz trâu tsôngv box mênhx cxưx tsơưs nênhs gra siêz đuô jênhv pâuz thiêz sir jos uô jông trơưk chêi têz qơưk, cxiv tsa jêx jok truôx tuk thiêz huôv tsar. Lơưr zơưv Trần Phùng, Phưv Trưởng Ban Mênhx cxưx tỉnh Lào Cai: “Côngz xưv yax kriê tâu kriz uô ntâu li co hâur ntu đhâu pêz puôr lênhx pâuz, co zos pêx xênhv uô cxâuv chêi têz qơưk tưz tâu txo grêk tsơưs ntâu, xar hôiv ziv hnuz ziv jông đuô thiêz têx xor mông cik txos chêi têz qơưk, kriz uô têx tsênhv chêi mak sơưr đơưk puôr lênhx pâuz hur si”.

           Tsôngv box mênhx cxưx tsơưs nênhs phênhv ntâu uô nênhx nhoz ntơưv têx qơư tox siêz đêz đrôngs, qơư pêx xênhv txux chi tsênhv kik, kinh têr-xar hôiv txov nhêv, cxuô zav chiê nriêr pâuz xor mông tsênhv muôx tsik tâu cxix cxuô. Hâux lưv yax kriê chêi têz qơưk trâu tsôngv box pâuz tâu Đảng, Têz qơưk sir jos kriz uô taz sik nhiv no cux tsênhv yuôr ntâu kror njiz ntâu phiv liv. Viv li, sir jos gra siêz tsơưr lươngv yax kriê, piêr pâuz chêi têz qơưk trâu tsôngv box cxuô mênhx cxưx tsơưs nênhs zos iz kror tsuv tâu kriz uô hâur cxiv tsa, huôv tsar kinh têr-xar hôiv truôx đrênhk hâur ntu hôiv nhập nhiv no./.

VOV4-Lik Thox cxêik nhênhv