Fuô kriê chei têz qơưk txos trâu thax tsav tox siêz Điện Biên

            Jiês yax kriê chei têz qơưk nhiv kruôr đhâu ntơưv jok Nậm Nhừ 2, xã Nà Khoa, huyện ntus đriv Nậm Pồ, tỉnh Điện Biên tâu fuô uô jông thiêz shir phaz lus nhoz chor canr bôv tư pháp thiêz pêx xênhv hâur jok. Co zos thax tsav txov nhêv, tsi tiêk tsôngv box phiv liv muk lol, tsênhv tsi tâu pâuz cxuô lok têz qơưk têx chei fuô kriê li: Siz zuôr, nhuôs zâu têx chei tâu sơưv thâuv muôx ntơưr krêz xênhz. Têx lênhx nênhs cxaz chuôz puôr lênhx hnar têx chêr tsôngk yo đax iz zav, heik lok sơưr đơưk cêr sik thôngx siêz thiêz chos luk gra siêz txux chi tsưr ziv jênhv pâuz têz qơưk têx chei fuô kriê trâu côngv thôngx. Niêv lâul Làng Xênhv Zax, nhoz jok Nậm Nhừ 2, xã Nà Khoa heik: “Đhâu thâuv tâu yax kriê mak cur thiêz tsôngv cưr tix nênhx tsa sơưr đơưk tưz pâuz tsênhz lok têx cui tinhv li: Tsi chiê chor tuz nhuôs siz zuôr nzor, nhuôv nxeik txưv 18 shông, nhuôv tuz tsuv txưv 20 shông thiêx tâu siz zuôr trơưk chei têz qơưk”.

            Yuôr zơưv Shôngx Seo Hà, nhoz đros iz jok Nậm Nhừ 2 cux heik li no, đhâu jiês yax kriê: “Đhâu thâuv mnôngs canr bôv Tư pháp xã tuôx fuô kriê lok siz zuôr nzor thiêz siz zuôr cxênhz jê mak pêz tsôngv pêx xênhv cux pâuz tsênhz, tsi tâu siz zuôr cxênhz jê”.

             Niêv lâul Lò Thị Thích, uô hâux lưv Tư pháp hâur xã Nà Khoa, huyện Nậm Pồ heik pâuz, jiês yax kriê co zuôr fuô uô cê đros ntâu tsênhv njiêz nhiêk txơưr nhiêk tsi siz thôngx li: Pox niêv, nhuôv zâu têx chei tâu sơưv; phax tar ntâuk tsiv chuôz zis.....chiê paz pêx xênhv pâuz đuô lok zuk têx chei, vax huôv tâu sơưv. Đhâu iz jiês yax kriê, tsôngv pêx xênhv jux juk hlôngr yiêz tsưr ziv jênhv pâuz, bax zok nriêr têx chei têz qơưk thiêz uô lơưr đreiv têz qơưk têx cui tinhv. “Shông tưs pêz cux cxiv tsa tsưr ziv chiê yax kriê trâu cxuô jêx jok. Xã Nà Khoa muôx 7 jok thiêz iz paz tu zus tsiêx cxu, đhâu luôs hâux lưv yax mông cux xar fuô kriê txos trâu pêx xênhv tsênhv njiêz txo grêk tsơưs têx gơưv niêv txir siz zuôr nzor thiêz siz zuôr cxênhz jê”.

              Khov têx sir jos no, chor gơưv niêv txir đas cir siz zuôr thiêz tsi tâu uô ntơưr krêz xênhz trâu mê nhuôv, ntâu phôngz cxưx pôngz kaz txơưr đuô nhoz huyện Nậm Pồ tưz txo grêk tsơưs. Cxuô chuôz zis jux juk pâuz tâu đas cir krêz xênhz zos lok six zov chênhr, taz por têx chei tâu sơưv trâu zuk têx tuz nhuôs cux li trâu zuk. Zơưv Phạm Đình Quế, Giám đốc Sở Tư pháp tỉnh Điện Biên heik. “Muôx têx seiz pov tsôngv pêx xênhv txux chi jênhv pâuz tâu gra siêz. Pêx xênhv pâuz tâu dưv anr têx jông thiêz muôx liv thâuv pâuz thôngz têz qơưk têx chei, đhâu co lơưr muk tsêr lơưr shir phaz, lar heik zos têx lênhx pox niêv, pâuz tâu têx chei tsi ntâuk tsiv chuôz zis, txir nênhx pox niêv vax huôv siz luôs, pâuz tsênhz zos têx chei li: Chei ar têz, chei siz pênhr, chei tsêr nhoz, kôngz nuv, chei cheix yêz muk lol tâus cêr”.

                 Paz fuô kriê chei têz qơưk trâu pêx xênhv tsi tiêk zos Đảng thiêz têz qơưk tsênhv chei zov chênhr chiê por hưv nênhs pluôs thiêz chor nênhs txov nhêv, tsênhv paz pêx xênhv tâu pâuz cxix cxuô lok Đảng, têz qơưk chei fuô kriê, chiê sơưr đơưk njênhs njôngr thiêz uô trơưk chei têz qơưk. Khov fuô uô têx luôs hâux lưv yax kriê, pêx xênhv tox siêz tỉnh Điện Biên tưz tâu pâuz txos chei têz qơưk, paz tsôngv pêx xênhv thiêz chuôz zis por hưv tâu têx muôx liv trâu zuk./.

Vũ lợi-Riê Lâux cxeik, nhênhv

Tsưr ziv huôv tsar kôngz nuv truôx vênhs nhoz tox siêz Than Uyên

          Zơưv Lò Văn Gương chuôz zis nhoz jos Nậm Ngùa, xã Phúc Than, huyện Than Uyên, tỉnh Lai Châu nhiv no muôx 6 tul nhux tưv nhux đas. Shông tưs cux li ntơư, qir hla trâu cheix tnux no, zơưv chuôz zis ho uô têx tsưr ziv phax tar yeiz thiêz no trâu tsiêx cxu. Khov co txos nhiv no chuôz zis li paz tsiêx cxu tâu por vêv taz por. “Txos cheix ntux no cur khênhr seiz njuôs pov qiv hơưv sâuv tivi chiê pâuz tâu xor mông chiê chuv tôngv their guôx cơư, tơưk tênhz paz uô cov sor li chas hâur yênhx ntu. Tiv 2 zos bax yuôx thiêz yax six qênhz yuôx nhux tưv nhux đas li đas jos. Zos ntux no mak zuk zuôr their guôx thiêz tơưk cxaz tênhv tênhz chiê cov sor si”

          Zos xưk li zơưv Gương chuôz zis thâuv tưs cux chuv tôngv chiê por vêv tsiêx cxu uô ntêx thâuv ntux no njiv lơưr chuôz zis li tsưr ziv, mak chiê taz por zuz blês chos trâu 5 cxênhz yiv ndis chiv tsâux yiêz no, têx hnuz no, têx hnuz no zơưv Lường Văn Đanh chuôz zis nhoz jos Nà Dắt, xã Phúc Than yax six muk seiz liêx. Đrâuv sir zôngv hnaz tax, chuôz zis tsênhv sir zôngv hnhaz blês chiê their iz ndis, taz por tsi trâus chuô njơưx. “Chiv no cur chuôz zis cux li pox nhuôk hâur jos tưz zôngv hnaz tax their zuz blês chiê zuz tuôx jông đuô. Njênhs njôngr qiv hơưv shông no zuôr jông đuô chiê pox nhuôk sâu tâu chiv kôngz”.

          Qir tiv paz tsiêx cxu thiêz tsoz chos tâu taz por zos txix ciês hâur cheix ntux no txos nhiv no tâu lênhs tov xã Phúc Than heik tơưv lik zơưx zos viv chính quyênx thiêz têx ziv chuôz zis nôngx mênhx li chuv tôngv. Zơưv Lê Văn Dũng, Chủ tịch UB xã Phúc Than, huyện Than Uyên, tỉnh Lai Châu puz pâuz: “Đảng uỷ, chính quyênx tiv phaz yax six chox kriê MTTQ thiêz têx ban, nganhx, đoanx thêv yax mông txos têx jêx jos, vênhv tôngv pox nhuôk kho đuô guôx cơư chiê taz por their tâu chuô. Đrâuv co, pêz cux yax mông, vênhv tôngv pox nhuôk sâu hnhaz blês txix ciês hâur cheix ntux no cxênhx tsês uô jâuz trâu nhux nox. Hâur chiv tsâux yiêz, qiv hơưv cux txơưr txar, pox nhuôk cux tưz chuv tôngv bax hnaz tax chiê tir tar ntux no trâu zuz blês”.

          Huyện Than Uyên, tỉnh Lai Châu nhiv no muôx zuôr xar 60 cxênhz tul tsiêx cxu, hâur co nhux tưv nhux đas zos zuôr xar 23 cxênhz tul. Chiê taz por phax tar no trâu tsiêx cxu thâuv ntux no njiv, chính quyênx têx tiv phaz tưz yax mông, heik kriê têx ziv chuôz zis tu zus chaz nhux lok cơư hâur guôx thiêz their cov jông. Đros co zos cxênhx tsês jâuz tâux trâu nhux nox, hâur têx hnuz ntux no njiv tsi tso nhux muk nox jâuz. Zơưv Đỗ Ngọc Tú, giám đốc tsênhv qơư jix vuv kôngz nuv huyện Than Uyên puz pâuz: “Tsênhv qơư jix vuv kôngz nuv cux tưz sik côngv đros UB têx xã, thị trấn chuv tôngv seiz shuôk qiv hơưv chiê muôx tsưr ziv phax tar ntux no trâu tsoz chos, tsiêx tu zus. Tiv zix, đros tsiêx cxu mak their guôx cov jông, cxênhx tsês jâuz tâux trâu nhux nox. Đros tsoz chos mak chuv tôngv uô têx tsưr ziv their cov jông trâu zuz blês hâur ntu huôv tsar…”

          Khov chuv tôngv krêz uô têx tsưr ziv phax tar ntux no trâu tsoz chos thiêz tsiêx tu zus, têx shôngk đhâu, huyện Than Uyên tưz txu grês tâu têx trâus ruôr hiêv hâur tsiv uô kôngz nuv. No tsi taz zos jênhv vưv zuor trâus mak tsênhv zos jênhv vưv, tsưr ziv coaz tsôngv hâur huôv tsar kôngz nuv truôx tul nhoz tiv phaz, gôngr phênhv taz por txiv ngaz kôngz krâur sâuv thax tsav./.

K.Kiên-Txâur Vax cxeik nhênhv