Pêx xênhv Yên Bái sir jos uô chiv kôngz yiêz đhâu Tsiêz

             Đhâu ciês hâur têx hnuz so tsiêz, niêv tix Bàn Thị Mến cux li chôngz pox nhuôs nhoz jok Bó Mi, xar Tân Phượng, huyện Lục Yên (Yên Bái) tưz grêk uô liêx chiê piz chos chiv yiêz.

             Niêv tix Mến puz pâuz, chuôz zis muôx 4 sào liêx, phênhv ntâu puôr lênhx tsik muôx đêx chiê uô chiv no, viv li, chiê uô tâu chiv ntux yiêz mak shông tưs chuôz zis cux zôngv mêir chiê gruk đêx txix hâur cưx hax lok trâu hâur liêx. “Tiv chor liêx nhoz ntơưv no tsik muôx cưx đêx liv tok đêx lok thiêz chor liêx nhoz siêz đuô tuk đêx viv li shông tưs cur chuôz zis cux tsuv gruk đêx txix hâur cưx ha, hâur pak đêx lok trâu hâur liêx chiê uô liêx thiêz chos blêx. Uô li no hâur shông no đhâu shông tor mak cux uô sưv lơưv”.

             Chiv ntux yiêz shông no, huyện Lục Yên, tỉnh Yên Bái muôx tsưr ziv tsêz chos 3.400 héc ta blêx liêx, đros chos chor blêx txuôv 60%, chor nôngz blêx ntơưv thax tsav qơư 40%. Huyện cux sir jos cov tax tâu muôx 5 puô 80 cir iz héc ta; tas nro chiv sâu cov tâu muôx 19.600 ntâu tấn.

               Chiê uô cov tâu chiv ntux yiêz trơưk tsưr ziv tưz tso tơưv, nganhx kôngz nuv huyện tưz sik côngv đros cxuô thax tsav qơư tso đêx lok trâu hâur têx liêx, yax kriê, hêik pêx xênhv sir jos uô zuz, uô ar thiêz chos cov huv zos lơưr tsưr ziv, huv zos chêix chiv, cov tsik njiz trâus ntux no thâuv blêx cxơưr, tsik trâus đêx ngaz ntâu thâuv sâu blêx. Đros co, paz uô tâu nzor chiv sor lax thiêz kriz uô chiv ntux tsâus yiêz 2025. Tsênhv tsênhz, six hơưv chos blêx txuôv zos txix 2-10/2; chor blêx ntơưv thax tsav qơư txix 5-20/2.

             Pos Nguyễn Thị Hà, Phưv Chủ tịch Ủy ban xar Minh Xuân, huyện Lục Yên puz pâuz: chiv no xar tưz tsêz chos tâu muôx 210 héc ta blêx chiv yiêz, xav txos hnuz 6/2, tưz uô tâu xar muôx 80% thax tsav liêx: “Xar tưz tsêx trung chox kriê chor jêx jok sir jos uô liêx cov huv zos chêix chiv, tiv zix zos thax tsav trâus ar cxuz tas hâur coz chuôz sôr 3, xar tưz hêik pox nhuôs khơưz đuô liêx chiê tror uô chiv ntux tsâus yiêz no. xar cux tưz paz mzuz nôngz blêx, qir zuôv trâu chor chuôz zis trâus coz chuô sôr 3 ruôr hiêv, chuôz zis pluôs, chuôz zis muôx luz nênhx txov nhêv chiê uô chiv ntux yiêz. Txos nhiv no qênhx shênhx uô ntơưv chor jêx jok puôr lênhx kriz uô tâu huv tsưr ziv tưz tso tơưv”.

           Chiv blêx ntux tsâus yiêz shông 2024-2025, tỉnh Yên Bái muôx tsưr ziv tsêz chos 19 cxênhz ntâu héc ta, txos nhiv no muôx zuôr xar 70% ntâu thax tsav tưz tâu chos tiêr. Đros chox kriê, hêik pox nhuôs tsêx trung uô chiv ntux yiêz cov huv zos lơưr chêix chiv, nganhx kôngz nuv thiêz cxuô thax tsav qơư cux tsik so sik côngv qênhz yuôx, nriêr pâuz, kriê trâu pêx xênhv sir zôngv qir zuôv, cxuô zav txơưr li yuôx tuô caz, tuô đrox, por vêv zuz nôngz tsik tâu tsêz chos uô ntêx muôx ntux no chênhr, no njiv…. Chiê uô blêx chiv ntux yiêz cov tax tâu siêz tiv zix./.

Thừa Xuân-Lik Thox cxêik nhênhv

Tsôngv pêx xênhv tox siêz Lào Cai bax phax tar no njiv trâu tsiêx cxu thiêz tsoz chos

            Đhâu jiês no njiv, lok đâuk tê nhiv kruôr đhâu nhoz têx thax tsav tox siêz li: Y Tý, ngênhx kôngz nuv huyện Bát Xát, tỉnh Lào Cai tưz sir jos uô luôs hâux lưv yax kriê txos trâu pêx xênhv chiê por hưv jông đas jos trâu 21 cxênhz ntâu tus tsiêx lox hâur thax tsav qơư. Zơưv Lý Khánh Lâm, Tsar Phongx kôngz nuv thiêz huôv tsar tox siêz huyện Bát Xát heik pâuz: “Pêz tưz hux jos đros Chi cục tu zus, kho moz tsiêx cxu tỉnh Lào Cai qênhz yuôx iz cxiê xã tox siêz khênhr muôx no njiv li: Y Tý, Sàng Ma Sáo, A Lù, A Mú Sung. Đhâu qênhz yuôx ntâuk grê, tsôngv pêx xênhv phênhv ntâu cux bax tâu tsês têx jâuz krâur cux li phax tar no trâu chor tsiêx cxu tâu nox hâur têx hnuz no njiv”.

             Iz chas bax xor thêir qơư tu zus cov chuô txiêk tsi yâu, nhiv no tsênhv zos cheix tsêz chos zuôr xar iz cxênhz ha blêx chiv châux yiêz viv li ngênhx kôngz nuv huyện Bát Xát cux chox kriê, heik tsôngv pêx xênhv tsi tsêz chos kôngz hâur têx hnuz no njiv, cxiz sơưr đơưk muôz ntâuz tax xor thêir thiêz vor chor zuz liês đros trâu phax tar no, zuôv qir cxaz nzir trâu têx zuz liês.

            Ciês chor thax tsav uô blêx Séng Cù hâur huyện, kriê sơưr đơưk tsêz zuz, huôv tsar uô huv đros, tsuv tuôr xav uô ntêx thâuv chor blêx gôngr car, uô plaz naz, zuôr cxơưr ntơư chiê tsi trâus uô ruôr hiêv.

              Iz chas Bát Xát, têx thax tsav qơư tox siêz txơưr đuô hâur Lào Cai, lar heik zos Sa Pa, Bắc Hà, Mường Khương, Si Ma Cai cux tưz bax fuô uô cxuô faz tsưr ziv phax tar no trâu kôngz lôngk thiêz tsưx phưv truôx tuk đas jos trâu pêx xênhv. Ntơưv cxuô luz tsêr cơưv, tsêr kho moz puôr lênhx bax phax tir thêir ntov jông tsi chiê chuô txiêk yâu, muôx hur si meir tê sor thiêz đêx sor. Bác sĩ Hoàng Thị Huế, Khoa kho moz nhuôs zâu-Tsêr kho moz Đa khoa thị xã Sa Pa heik pâuz: “Pêz tưz bax cxix cxuô têx chuôz zênhx seiz njuôk shuôs, kho moz uz no chiê muôx txâuk phưx vưv seiz njuôk, kho moz trâu pêx xênhv hâur ntu no njiv nor. Iz chas co, zos lênhx nênhs moz tưs xar kêr nzir pav sor, lok tsêr kho moz cux muôz hur si”.

               Trơưk li cơ quan njuôk ntux yar ntux nas tỉnh Lào Cai, tsênhv muôx iz nthưr chuô txiêk txix faz Bắc lok. Njuôk xav hâur 2, 3 hnuz zuôr txos cxuô thax tsav qơư hâur tỉnh Lào Cai zuôr no njiv; tox siêz tror muôx đâuk tê, lok nas uô ruôr hiêv./.

An Kiên-Riê Lâux cxeik, nhênhv