Txi thor côngz hmôngr-Nênhs Poz Ziz đơưz Lai Châu txux chi vênhx huôv jông

Ndax hnuz xiêz 10 luz 3 hlik hli ntux, chênhr zos hnuz tsôngv box Poz Ziz đơưz nhoz Mường So, huyện Phong Thổ (Lai Châu) uô têx txux chi, cxênhx cxênhv txi thor côngz hmôngr. Co zos hnuz nhôngs jông, sơưr đơưk qir uô têx liêx têz jov jơưk, lar heik zos chos blêx-nênhs Poz Ziz iz hâux lưv zov chênhr. Têx txux chi co tâu nthuôr uô chiê thor muôx ntux yar ntux nas jông, sơưr đơưk uô tâu kôngz lôngk, cxuô chuôz zis tsi muôx moz gênhk, jêx jok truôx tuk. Zơưv Điêu Văn Thuyển, lênhx pâuz thôngz lok têx txux chi heik sâuv nhoz huyện Phong Thổ heik pâuz, trơưk li nênhs Poz Ziz xar, Then zos ntux, zos sâuz por hưv por zơưv trâu lênhx nênhs ntiêx têz uô tâu nox tâu hâuk, tsi muôx moz gênhk. Txos cheix, txos hnuz nhôngs jông, tsôngv box Poz Ziz đơưz tsưr tsix txi uô têx chei li heik sâuv, thor pox sâuz zơưv sâuz paz por hưv por zơưv trâu sơưr đơưk nhoz khax kha, uô kôngz lôngk sâu tâu nju, tu tsiêx cxu trơưk têk. Têx chei, cxênhx cxênhv txi khênhr tâu uô trâu ntơưv qơư txi côngv thor côngz hmôngr, muôx chor tsar jok thiêz têx lênhx txir ndâux txir luk hâur côngv thôngx đros uô: “Têx txux chi, chei uô li heik sâuv muôx thâuv nzor lok lơưv, no zos chei, cxênhx cxênhv chor txir nênhz txi uô chiê thor côngz hmôngr, uô tsâus ntâu ntux, pox sâuz zơưv sâuz paz por hưv por zơưv trâu sơưr đơưk iz shông uô tâu nox tâu hâuk, muôx luz nênhx tsâu sor. Thôngz đhâu co chiê kriê trâu tsôngv pêx xênhv, cưr tix nênhx tsa pâuz tsênhz đuô lok zuk heir nênhs Poz Ziz txux chi vênhx huôv jông, sơưr đơưk tsuv sik đros tuôr tsês, txi uô hâur luz nênhx chiê por hưv por zơưv trâu zuk”.

Txux chi txi thor côngz hmôngr shông no tâu nthuôr uô lox đuô  hâur cấp tỉnh, muôx têx cxênhx cxênhv, chei txi li: Txi thor côngz hmôngr, nthuôr uô têx txux chi cêr lov jêv đros trâu nênhs Poz Ziz cêr nênhx vênhx huôv jông. Trôngx jâuz mor txi côngv tâu bax muôx cxix cxuô zav li: Shaz ntơưr, chơưr, grêix buô, moz trax, pax, txir ntông thiêz iz cxiê têx uz no txơưr đuô cik txos. Tsôngv box txi zos chiê uô tsâus ntux, pox sâuz zơưv sâuz, têx đaz xênhz têz xênhz qơư, car đêx car ar....tưz paz por hưv por zơưv trâu sơưr đơưk; iz chas ntơư cux zos heik lol nênhs Poz Ziz cêr seiz hloz txos têx đêx nas, nôngz kôngz nôngz tsa... ntux muôz puz. Tix lâus Trần Văn Kiểm, nhoz đrôngs Hà Nội tuôx heik pâuz: “Tsôngv box nhoz no shir phaz lus siz zâuv tuôx đros côngv lok six chôngz, lar heik zos tsôngv box Poz Ziz đơưz, têx lênhx nxeik Poz Ziz nhoz no lơưr lok six jông gâux, tas nro sơưr đơưk lênhx tưs cux jông siêz, shir phaz lus hâur hnuz hội. Kror uô trâu cur pov jông đuô hur si zos tas nro sơưr đơưk, têx lênhx pêx xênhv, tsôngv kruô puôr lênhx siz zâuv muk hơưv qơư txi côngv chiê thor côngz hmôngr jông trâu iz shông muôx đas jos, tsi muôx moz gênhk, uô tâu nox tâu hnar. Iz chas ntơư, sơưr đơưk tsênhv tâu seiz txos têx muôx jông li: tsâus plâuz hâu, cxov njêl đêx thiêz đros côngv uô têx cêr lov jêv hur si”.

Lơưr pos Mai Thị Hồng Sim, Phưv Chủ tịch Ủy ban huyện Phong Thổ, tỉnh Lai Châu: Ntênhs hội txi thor côngz hmôngr heik sâuv tưz paz cxơưz ju lix côngv thôngx ntơưv qơư huôv tsar. Tsôngv kruô tuôx ndis shuôs ntux trâu Phong Thổ tsi tiêk tâu seiz njiê pov tox trôngz hâur pêk muôx ntâu tsar zav jông, tsênhv tâu pâuz txos côngv thôngx cxuô heir nênhs têx txux chi vênhx huôv thiêz, lar heik zos nênhs Poz Ziz đơưz txux chi txi thor côngz hmôngr: “Iz hâur têx uô jông ntơưv ntênhs hội, co chênhr zos ntor đêx. Lơưr xar tiêk, ntor đêx zos gra lok têx hmôngr jông, đas jos, cêr truôx tuk trâu pêx xênhv thiêz têx lênhx kruô tuôx đros côngv cêr lov jêv. Shông no, pêx xênhv thiêz tsôngv kruô siz zâuv tuôx côngv lov jêv chôngz đuô. Têx li heik co khav tinhv, ntênhs hội tưz uô tâu jông, huv đros sơưr đơưk siêz nhiêv”.

Thôngz đhâu chei, cxênhx cxênhv txi côngv, têx suôz gâux Then thiêz côngv thôngx têx hâux lưv uô, txux chi txi thor côngz hmôngr tưz paz uô sơưr đơưk muôx cêr thôngx siêz truôx jông đuô, sik đros por hưv thiêz tuôr tsês têx txux chi vênhx huôv jông tsi chiê pôngz plox. Hâur ntu têz qơưk hlôngr yiêz thiêz huôv tsar, têx txux chi cêr nênhx co cux tsênhv lok six jông, paz cxuô heir nênhs Việt Nam muôx nzir ntâu zav txux chi vênhx huôv đuô./.   

Khắc Kiên-Riê Lâux cxeik, nhênhv 

Huôv tsar truôx qơư di tích lịch sử txuôk đros uô qơư ndis shuôk têz qơưs hâur thax tsav Sơn La

Qơư di tích lịch sử Trung đoanx 52 Tây Tiến zos iz hâur têx qơư di tích nto bê hâur thax tsav Mộc Châu, tâu cxiv uô zos đrêiv li zơưv Quang Dũng, zos iz lênhx tuz lênhv nhoz Trung đoanx li jax pax huôv Tây Tiến, qơư cxiv uô đar 5 cxênhzz thiêr.

          Qơư di tích no, zos iz qơư muôx njiêz luk hêik lok cxiv kho têz qơưs, tir ntâuk tros châuz Pháp hâur ntu đrav ntêx. Zơưv Đinh Hồng Phúc, Tsar ban sêiz car qơư di tích Trung đoanx 52 Tây Tiến shir phaz lul hêik pâuz: “Qơư di tích tâu cxiv uô zos đrêiv zơưv Quang Dũng, lênhx tuz lênhv nhoz Trung đoanx jax pax huôv Tây Tiến. Haur cxuô njiêz luk pax huôv co, hêik cxix cxuô hâur cxuô ntu tir ntâuk tros châuz, cxiv kho têz qơưs truôx tuk”

          Pos Nguyễn Thị Hoa, phưv chủ tịch Ủy ban Thị Xã Mộc Châu cux hêik pâuz tiêk, cxuô qơư di tích tâu cxiv tsa ban sêiz car, txuôk đros huôv tsar uô cxuô qơư ndis shuôk têz qơưs, tâu cxuô công ty sêiz car qơư ndis uô si sâu trâu hâur ntâuz ntơưr, cxơưz cxiz tâu chôngz lênhx kruô tuôx sêiz shuôk txos Mộc Châu, tsôngv px muôx phênhv sâu tâu yênhxx tỷ nhiêx nhiêx chox lok cxiv kho chuôz zis, ziv hnuz ziv muôx luz nênhx truôx tuk, tsâu sor: “Pêz cux xar tiêk, luôs hâux lưv uô txuôk đros cxuô qơư ndis uô si, sêiz shuôk têz qơưs hâur thax tsav huyện, uô ntêx pêz tsuv muôz pênhr nhiêx cxiv uô cov huv đros tsôngv kruô siêz nhiêv”

          Trơưk li Tiến sĩ Tống Thanh Bình, phưv tsar bộ lịch sử, khoa xã hội, tsêr cơưv Đại học Tây Bắc, chiê khơưk tsês thiêz huôv tsar uô cov tâu truôx têx qơư di tích vênhx huôv txuôk đros cxiv uô cxuô qơư ndis uô si, iz chas muôz pênhr nhiêx cxiv uô, tsuv zok nriêr cov tqqu cxuô qơư uô huv đros têx tsiv grê hâur thax tsav qơư co: “Đhâu sik thav, pêz tsuv moz siêz txos chor chox kruô ndis uô si, sêiz shuôk têz qơưs, tsênhz mênhx chor nênhs chox kruô co tsuv pâuz tsênhz lok têx vênhx huôv lịch sử tsiv grê hâur thax tsav qơư nhoz no. Đros co, tsuv sir zôngv ntâu faz tsưr ziv yax kriê cov muox chôngz lênhx kruô pâuz txos. Cur xar, hur si chor sêiz car qơư ndis uô si thiêz tsôngv px cux li hâu nov ntơưv qơư, chor nênhs nhênhz chơưv…tsuv pâuz tsênhz lok têx muôx liv tsiv grê lok vênhx huôv lịch sử txos trâu côngv thôngx”

          Mộc Châu iz chas muôx tox trôngz câuv har jông jav thiêz muôx chuô lax nziês hâur yênhx shông, cux tsênhv zos qơư tuôr tsês tâu cxuô vênhx huôv di tích lịch sử tsiv grê. Co cux chênhr zos zos thax tsav qơư, cxơưz cxiz hâu nov Thị Xã Mộc Châu huôv tsar truôx têx vênhx huôv di tích lịch sử txuôk đros huôv tsar qơư ndis uô si, sêiz shuôk têz qơưs, paz phênhv trâu Việt Nam ziv hnuz ziv muôx ntâu vênhx huôv tsiv grê, cxơưz cxiz tâu chôngz lênhx kruô haur têz qơưs thiêz kruô oz chas têz qơưs tuôx sêiz shuôk./.

                                                  Tsu cxêik nhênhv-Trấn Long