Yên Bái sir jos muôz têz qơưs têx pênhr nhiêx uô cxuô dự án

Txix ciês têx hnuz hâur shôngk shông 2024, Sở tsưr ziv thiêz yưv pênhr tỉnh Yên Bái tưz hêik trâu Ủy ban tỉnh tso tơưv tsưr ziv tsênhv tsênhz thiêz muôz pênhr uô têx dưv anr, hâur co tso tơưv têx hâux lưv tsênhz mênhx trâu yênhx taz viv. Iz chas ntơư, yênhx lix Tổ côngz xưv cxơưz cxiz muôz têx pênhr nhiêx uô hâur shông 2024, lar heikzos pênhr nhiêx uô têx dưv anr zov chênhr hâur tỉnh.

Zơưv Đoàn Hữu Phung, Giám  đốc Sở yưv pênhr tỉnh Yên Bái heik pâuz, chiê muôz tâu têx pênhr uô trơưk tsưr ziv, ngênhx cux tsi so heik, bax đros đơưk kho têx phiv liv zos zuk vax huôv, hâux lưv thiêz tso tơưv ntâuz ntơưr heik, fuô kriê uô trơưk, tiv zix zos têz qơưk têx tsaz yênhx; thôngz sâu, heik cấp muôx vax huôv đros đơưk kho têx phiv liv tsi zos zuk vax huôv: “Pêz cux tsi so qênhz shuôs têx pênhr dưv anr fuô uô kênhz chiê cxaz nzir trâu chor dưv anr uô tâu truôx jông, dưv anr nzir pênhr chiê cxơưz cxiz uô sei têx luôs hâux lưv tso tơưv; cxaz nzir phênhv sâu tâu, cxênhx txuôs nhiêx txiêx uô têx dưv anr, lar heik zos têx dưv anr, hâux lưv zov chênhr”.

Txos tas hli 6/2024, tas nro tỉnh Yên Bái tưz muôz têz qơưs têx pênhr uô cxuô dự án zos tas 1.611 tyv đeiv. Trơưk li Bộ Nhiêx txiêx thôngz sâu, tỉnh Yên Bái muôz têz qơưs têx pênhr nhiêx uô cxuô dự án tax tâu 40% ntâu pir li Thủ tướng Chính phủ luôs hâux lưv choz, xav tas nro têz qơưk, sơưr tiv 15 hâur 63 tỉnh thiêz tiv 4 hâur thax tsav Trung du, tox siêz faz Bắc.

Iz chas têx luôs hâux lưv uô tâu heik sâuv, hâur ntu tsưr tsix fuô uô, tỉnh Yên Bái cux njiz iz cxiê phiv liv li: Ntâuz ntơưr lok phax cuz tuô cuz; ntâuk grê tênhx qơư têx uô ruôr hiêv, iz cxiê taz viv fuô uô muôx tsik txâuk tsưr ziv, txux chi lês uô hâux lưv  hâur thax tsav tỉnh. Lar heik zos ntux txơưr txar uô ruôr hiêv txos, tiv zix zos têx côngz trênhx nhoz chor xã tox siêz đêz đrôngs khênhr trâul xưz poz, đêx nas cuôr yôngz uô tuôr thênhv txos six hơưv, hnuz nhôngs fuô uô têx dưv anr.

 Zơưv Đoàn Hữu Phung, Giám đốc Sở yưv pênhr tỉnh Yên Bái heik, hâur ntu zuôr txos, chiê taz por uô tiêr têx luôs hâux lưv zok muôz, taz viv tror hêik trâu Ủy ban tỉnh Yên Bái fuô uô ntâu faz tsưr ziv, sir jos muôz têz qơưs têx pênhr nhiêx uô cov tax tâu 75% trâu 3 luz hlik txix hli 7-9thiêz tas 3 luz hlik txix hli 10-12 cov tax tâu 95%, tas hnuz 31/01/2025 uô cov tâu tax 100%: “Sir jos qênhz yuôx, seiz kaz; xưv bluô cov txos qơư têx lênhx tsưr uô cxâuv cui tinhv hux thôngx tưz cir ntơưr chos luk. Cxiv kho, hlôngr nênhs yưv pênhr uô lok sik cxaz nzir nênhs yưv pênhr paz têx lênhx nênhs yưv pênhr muôx tsi txâuk txux chi, pênhr xưv lês uô hâux lưv zok muôz, uô tsi jông, tuôr thênhv txos  six hơưv, hnuz nhôngs fuô uô thiêz muôz nhiêx txiêx”.

Tỉnh Yên Bái cux zuôr tsi so qênhz shuôs têx phênhv sâu nzir, cxênhx txuôs sir zôngv, zênhx max tso trâu têz qơưs pênhr chiê phênhz pênhr trâu têx dưv anr uô tâu truôx; sir jos muôz têx pênhr lok uô cê chiê cxơưz cxiz sei têx dưv anr, nzor uô tâu tiêr chox lok sir zôngv./.

VOVTB-Riê Lâux cxeik, nhênhv