Tsôngv px Yên Bái shir phaz lus muk khưr uô kôngz-huôv tsar uô nox hâur shôngk shông yiêz

            Đhâu plơưk so tsiêz tas, nhoz chor thax tsav công nghiệp thiêz qơư uô hâux lưv, uô lax luôv hâur tỉnh Yên Bái, phênhv ntâu nênhs lox tôngv tưz tror tuôx uô hâux lưv tas. Niêv lâul Nguyễn Thị Linh, nhoz xã Y Can, huyện Trấn Yên tror muk uô hâux lưv đrav công ty ntơưv Cụm Công nghiệp faz Nam txix hnuz xiêz 04 tsiêz shir phaz heik pâuz: “Shông no pov chor niêv lâul, tix lâus sơưr đơưk cux tuôx uô hâux lưv cxix cxuô txix ciês hâur shôngk shông. Heik cxuô, sơưr đơưk lênhx tưs cux shir phaz, xar cov iz shông công ty uô tâu ntâu luôs hâux lưv jông, nênhs lox tôngv muôx phênhv sâu siêz thiêz tâu sơưv cxix cxuô têx chei paz. Hâur shông yiêz tâu chor hloz công ty muôz huv puz viv li lok six shir phaz hênhr, zuôr sir jos thiêz tso siêz uô hâux lưv”.

             Zơưv Bùi Đăng Toàn, Phưv Giám đốc Công ty trox yêz Yên Bái heik pâuz, ntơưv tas nro têx qơư muôs trox nhoz hâur công ty, têx hnuz so tsiêz puôr lênhx uô hâux lưv zuôr muôs trox phưx vưv tsôngv pêx xênhv muk lol, uô nox, zuôr muôs hax huv. Shông 2024, đros thiêz têx luôs hâux lưv uô tâu jông thiêz trơưk têk, xav hur si công ty li phênhv sâu tâu muôx iz cxênhz ntâu tyv đeiv. Shông 2025 txơưv xav tinhv tsênhv yuôr ntâu txov nhêv thiêz phiv liv tiv coz nas chuô sôr 03 uô ruôr hiêv txos pêx xênhv luz nênhx thiêz zoz qơưx muk lol, taz sik công ty cux tso tơưv hâux lưv chuôz tsar 10% ntâu. Chiê uô tâu têx li heik co, Công ty tưz cxiv tsa tsưr ziv fuô uô têx hâux lưv huv đros tsênhv tsênhz txix ciês hâur shôngk shông. “Njuôk xav shông 2025, công ty zuôr muôs tâu nhos 60 cxênhz m3, nộp trâu têz qơưk muôx 104 tyv. Chiê uô qơư chuôz jos fuô uô têx hâux lưv tso tơưv hâur shông 2025, txix ciês hâur shôngk shông công ty tưz fuô uô cxuô faz tsưr ziv, txix taz por têx trox, zuôr muôs txos trâu phênhz lênhx nênhs uô hâux lưv phưx vưv pêx xênhv hâur thax tsav”.

             Zos iz hâur têx tsêr nhiêx lox nhoz hâur tsêr nhiêx Kôngz nuv Bắc Yên Bái, shông 2024 txơưv muôx ntâu lênhx pêx xênhv trâus coz nas chuô sôr 03 uô ruôr hiêv hnhar, taz sik tsêr nhiêx kôngz nuv huyện Lục Yên cux tsênhv uô tiêr tâu jông cxuô luôs hâux lưv zok muôz, xav hur si têx nhiêx txiêx muôz trâu pêx xênhv kêr txeik muôx 1.420 tyv đeiv, tsar ndê 14% pir li shông 2023; xav hur si têx pênhr hu zâuv tâu zos 1.015 tyv đeiv……Zơưv Hoàng Ngọc Thắng, Phưv Giám đốc tsêr nhiêx kôngz nuv huyện Lục Yên heik pâuz, nzênh shông 2025, taz viv tưz fuô uô ntâu tsaz yênhx muôz nhiêx txiêx trâu pêx xênhv kêr txeik huôv tsar uô nox, zuôr nhiêx nju tsơưs, iz chas ntơư sir jos hlôngr yiêz sôr, uô trơưk têx tsưr ziv uô hâux lưv yiêz…. “Xav hur si têx pênhr thiêz chor nhiêx muôz trâu pêx xênhv kêr txeik mak tsêr nhiêx Kôngz nuv Lục Yên sir jos cov tsar ndê tsơưs tsơưs 7% tror zar sâuv; Tiv 2 zos chor nhiêx muôz kêr txeik mak txix ciês hâur shôngk shông muôx têx tsaz yênhx muôz nhiêx txiêx trâu pêx xênhv kêr txeik huôv tsar uô nox zuôr nhiêx nju tsơưs”.

              Shông 2025, chor doanh nghiệp nhoz Yên Bái puôr lênhx xav tinhv, zuôr tror njiz trâus ntâu phiv liv. Taz sik, txix têx pov thiêz pâuz tâu sir jos hla đhâu phiv liv, cêr txov, ciês hâur shôngk shông, ntâu doanh nghiệp tưz sir jos cxiv kho têx tsi jông, huôv tsar tênhx qơư, uô tâu truôx cxuô luôs hâux lưv zok muôz . Ntơưv ntâu công ty tưz phuôx tôngv phôngz yaox sik tưr uô hâux lưv jông txos yênhx lênhx nênhs, yênhx paz, sir jos uô tiêr têx hâux lưv tâu trơưk tsưr ziv tso tơưv, muôx ntâu xiv huv jông. Zơưv Cao Huy Điều, Giám đốc Công ty tsiv uô têx hax huv muôv muôs Đạt Phương, huyện Trấn Yên heik pâuz: “Pêz njênhs njôngr shông 2025, đhâu thâuv sơưr đơưk tưz tror tuôx uô hâux lưv cxix cxuô mak cxuô luôs hâux lưv zuôr uô tâu jông đuô. Ciêz đrôngs sâu zuôr xiv huv, lar heik zos hax huv kôngz nuv, têx shôngz ntông mak zuôr ntâu đuô, tiv zix zos ciêz đrôngs châu Âu thiêz Mỹ”.

           Đros trâu sơưr đơưk têx sir jos uô hâux lưv txix ciês hâur shôngk shông yiêz, cxuô doanh nghiệp, taz viv uô lax luôv nhoz Yên Bái tsênhv sir jos chiê uô tâu truôx jông cxuô luôs hâux lưv, đros paz cxơưz tỉnh Yên Bái uô tiêr têx hâux lưv tso tơưv lok huôv tsar kinh tế xã hội./.

Đinh Tuấn-Riê Lâux cxeik, nhênhv

Cuôv Xênhv Hav tuôr tsês chiê têx vênhx huôv mênhx cxưx đhâu tsưr ziv du lịch côngv thôngx

            Tuôx trâu homestay A Của, kror tsôngv kruô njiê pov xuz thơưx zos muôx têx luz tsêr zâu nhoz plox pliês hâur chor har ntông đros muôx ntâu têx đrox tsuôs chiv xênhz thiêz têx qơư jông jav; đuô thiêz, tsôngv kruô tsênhv tâu nhoz so, ndis sêiz txos tsôngv box mênhx cxưx Hmôngz têx trôngz têz yuôx zêx thiêz chor jêx jok.

          Lênhx kruô Lea Auerbach, txix Ô-xtrây-li-a tuôx hêik pâuz, xuz thơưx, đoanx du lịch njuôk xav zuôr nhoz ntơưv no iz oz hnuz xưz, taz sik đhâu co ho cuêz tênhv nhoz ntơưv no muôx iz ciêz chiê sêiz thiêz nriêr pâuz txos tsôngv box mênhx cxưx Hmôngz li têx cêr nênhx vênhx huôv jông cxôngx nzor: “Têx đros tsuôs chiv xênhz thiêz lênhx nênhs nhoz ntơưv no lok six jông, txơưv nhiv kruôr nhoz ntơưv no muôx 2 hnuz taz sik cur pov lok six nhiêv, chor nhuôv nxêik hnar têx tsôngk yo mênhx cxưx thâuv pov pêz mak puôr lênhx tsa têk trâu pêz hur si. Chor nênhs nhoz no têx zav nox cux muôx ntâu zav thiêz lok six kaz. Tsênhv tsênhz, Mộc Châu tưz uô trâu pêz pov muôx ntâu kror lok six jông txơưr đuô têx têz qơưk pêz tưz muk đhâu”.

             Homestay A Của nhiv no txâuk trâu 30 lênhx kruô nhoz so iz hnuz, chor qơư nhoz so, qar pư tâu uô jông xưk li cxôngx nzor txix têx zav sưv jê đros tênhv qơư; hâur qơư nhoz mak tâu uô lok six jông thiêz muôx cxix cxuô zav trâu tsôngv kruô tuôx nhoz so sỉ zôngv.

           Txos thâuv tsâuk ntux, ntơưv no muôx ntâu kror dịch vuv jông, paz trâu tsôngv kruô tâu sêiz pov thiêz nriêr pâuz tâu txos tsôngv box mênhx cxưx Hmôngz têx vênhx huôv jông li: đhiê kênhx, uô ntâuz trâus lâus… đros muôx têx zav nox txix buô hmôngz, kêiz đuz grêis, chơưr poz cưk…

           Đhâu 6 shông ntâu huôx tôngv, homestay A Của iz shông tok muôx 1.000 ntâu lênhx kruô du lịch hâur thiêz đrâuv têz qơưk tuôx nhoz so, ndis shuôk, uô si, paz trâu chuôz zis muôx tâu phênhv sâu truôx. Tix lâus Cuôv Xênhv Hav, tsưr homestay A Của hêik pâuz: “Txix thâuv hlôngr chos ntông nox txir chiê uô dịch vuv du lịch côngv thôngx, cur thiêz chuôz zis tưz muôx nzir phênhv sâu. Ủy ban thị trấn, huyện cux paz hâur hâux lưv maketing, piêr txos trâu tsôngv kruô, têx fôngx zưs hâur thiêz đrâuv têz qơưk pâuz txos lok six ntâu”.

           Lơưr pos Nguyễn Thị Hoa, Phưv Chủ tịch Ủy ban thị xar Mộc Châu, tỉnh Sơn La, chiê paz trâu chor hluôk nênhs li Cuôv Xênhv Hav thiêz chor chuôz zis kinh doanh du lịch côngv thôngx, thax tsav qơư tưz thiêz tsênhv sir jos kriz uô têz qơưk chor tsaz yênhx, tiv zix zos têz qơưk tsaz yênhx paz huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz, txix co paz trâu chor ziv chuôz zis tâu cơưv shâuv nzir têx tsưr ziv chênhz zênhv, tâu buôs ti têx pênhr txêik nhiêx liv kik, tâu paz yax mông, piêr kriê têx vênhx huôv jông txos trâu têx fôngx zưs, tsôngv kruô nhoz đêz jê pâuz txos: “Iz chas co têx tsêr cxôngx nzor, lok sik têx tsôngk yo cxôngx nzor tâu phuôx huiz siêz tiv zix; đros co pêz tsưr tsix lok six ntâu lớp kriê, txix tsưr ziv tok kruô, txos uô jâuz mor nox phưx vưv trâu tsôngv kruô cov pox nhuôs muôx cxix cxuô têx tsưr ziv, txux chi; pêz cux kriz ntâu lớp kriê hêik luk Anh hâur têx jêx jok, viv li nhiv no pox nhuôs cux tưz thav tâu đros chor kruô saz đrâuv têz qơưk, cux li sâuv chor trang mạng xar hôiv pox nhuôs cux tưz zaz zâuv tâu tsôngv kruô tuôx ndis shuôk, uô si ntơưv zuk jêx jok”.

           Đros muôx siêz nhiêv, sir jos thiêz txơưx xar tơưv, Cuôv Xênhv Hav tưz tâu huyện Mộc Châu khơưk muôz ntơưr kruôk zos đoàn viên uô tâu jông hâur phongz yaox uô nox thiêz huôv tsar kinh têr. Tix lâus li tsưr ziv du lịch côngv thôngx tưz tsik zos paz huôv tsar kinh têr chuôz zis, paz muôx tâu iz kror qơư ndis shuôk, uô si, nriêr pâuz jông mak tsênhv zos paz piêr lok lênhx nênhs nhoz Mộc Châu li têx cêr nênhx vênhx huôv jông txos trâu têx fôngx zưs hâur thiêz đrâuv têz qơưk pâuz txos./.

Trấn Long-Lik Thox cxêik nhênhv