Sir jos gra siêz tsơưr lươngv chor cà phê Sơn La

Têx hnuz no, niêv tix Hà Thị Khẩn nhoz tiểu khu 11, thị trấn Hát Lót, huyện Mai Sơn, tỉnh Sơn La tsênhv sêi đrơưv uô chor zuz cà phê.

Niêv tix Khẩn hêik: Đros thax tsav đar muôx 2.000 ntâu thiêr ndis, chiv uô zuz cà phê shông no, chuôz zis uô muôx 300 vạn tsoz zuz zav nông Arabica; đhâu muôx nhos 6 luz hli, thâuv chor zuz siêz muôx iz đok txos iz đok ntâu, zuôr tâu sơưr đơưk tuôx zuôr ciês ntơưv vax, đhâu co tâu muôs muk trâu têx tỉnh Điện Biên, Lai Châu… Ciês chiv nhiv kruôr đhâu, chuôz zis sâu tâu liv muôx 300 triệu đêiv txix muôs chor zuz cà phê nôngz: “Nhiv no tsênhv txos trâu chêix chos chor zuz cà phê, pêz tsênhv uô chor zuz cov siêz txix iz đok txos iz đok ntâu chiê muôs trâu sơưr đơưk chox muk chos zuôr jông đuô, li co zuk cux muôs tâu gri siêz đuô”.

Lơưr tix lâus Lê Đức Hà - lênhx nênhs uô zuz cà phê ntơưv thị trấn Hát Lót, huyện Mai Sơn, hâux lưv uô zuz cà phê zos ntu xuz thơưx kriz uô nox, taz sik zos ntu zov chênhr cuêz tênhv txos tas nro tsơưr lươngv hâur ntu zuôr txos. Chênhr viv li, tas nro chuôz zis li tsưr ziv uô 20 vạn tsoz zuz cà phê, txix xêir tsov nôngz txos tsoz phưz thiêz muôs puôr lênhx tâu chuôz zis thiêz canr bôv cxơưz cxiz uô kôngz sêiz car truôx jông, uô huv zos tsơưr lươngv chor zuz cov jông tiv zix, phưx vưv trâu pêx xênhv li uô nox, cux li paz muôx jông côngz bê trâu chor cà phê Arabica Sơn La: “Chuôz zis tsênhv uô chor zuz cà phê, vav tiêk zuôr uô tâu jông trâu sơưr đơưk, paz trâu sơưr đơưk tsik yuô txov nhêv; zuk cux muôx nzir phênhv sâu, txoz cxơưx trâu luz nênhx”.

Đhâu chos tâu muôx 70 ntâu shông, txix paz txo grêk yêiz pluôs, txos nhiv no Sơn La tưz muôx 21.000 héc ta cà phê, tsêx trung ntơưv chor huyện Mai Sơn, Thuận Châu thiêz thành phố Sơn La, njuôk xav sâu tâu 35.000-45.000 tấn nôngz cà phê iz shông, tâu ciêz đrôngs hâur thiêz đrâuv têz qơưk nhiêv zuôr. Txix chos cà phê, ntâu ziv chuôz zis tưz tơưv đhâu yêiz pluôs, zos yênhx chor nênhs bluô nux.

Chiê gra siêz tsơưr lươngv, tsiv gri cà phê sâuv iz thax tsav ar têz, Chi cục Chos kôngz lôngk thiêz por vêv đrox tsuôs tỉnh Sơn La tưz sir jos uô côngz xưv yax kriê, gra siêz pêx xênhv li jênhv pâuz lok hâux lưv uô zuz li kror zov chênhr hâur uô nox, gra siêz tsơưr lươngv, huv đros trâu qiv hơưv txơưr txar; sir jos sir zôngv khoa học kỹ thuật hâur chos, tsoz phưz lơưr sik côngvuô cà phê truôx đrênhk, ngaz tul.

Zơưv Hà Trung Kiên, Chi cục trưởng Chi cục chos kôngz lôngk thiêz por vêv đrox tsuôs tỉnh Sơn La puz pâuz: Txos nhiv no, Sơn La tưz côngz jênhv trâu 5.000 tsoz sơưr thơưx chor zav cà phê, cxuô zav uô zuz nôngz tax tâu xar muôx 5.000 cir iz shông; 3 luz vax zuôr nôngz uô zuz tax tâu muôx 10.000 ntâu tsoz, sâu tâu 4.000 cir nôngz iz shông: “Chi cục cux kriê trâu qơư uô zuz nôngz tsoz chos sik côngv đros chor tsênhv qơư nhênhz chơưv, chor viện nhênhz chơưv chiê nriêr pâuz, uô siv, ntâuk gri thiêz muôz lok uô chor zuz cà phê yiêz muôx tsơưr lươngv siêz thiêz jông đuô, tir tar tâu têx caz hmoz ruôr hiêv, huv đros trâu qiv hơưv txơưr txar thiêz đêx ar, cxuô thax tsav chos cà phê ntơưv tỉnh Sơn La, li chor zav nôngz THA1, TN1, TN2 muôz lok chos mak jông đuô”.

Gra siêz tsơưr lươngv cà phê txix ciês thâuv piz uô zuz, uô cov tâu jông ciês txix nzor, pêx xênhv nhoz Sơn La tsênhv jux juk hlôngr yiêz siêz xar, tsưr ziv uô nox, paz muôx tâu têx hax huv cà phê kaz jông, paz tuôr truôx tâu jông thiêz khav tênhv tâu côngz bê cà phê Sơn La đros chos cà phê sâuv ntiêx têz./.

Trần Long-Lik Thox cxêik nhênhv

Taz por zav nox viv côngv thôngx li đas jos

Niêx shông, luz hli huôx tôngv viv taz por zav nox zos jiês chiê tas nro xã hội sik côngv tês muôz siêz jênhv pâuz, txơưx jênhv hâur hâux lưv taz por vêv xênhz zav nox, gôngr phênhv por vêv côngv thôngx li đas jos. Shông 2025, đros njiêz luv “Taz por zav nox, hâur co tsov cưv taz por qơư uô jâuz mor tập thể, jix vuv nox hâuk thiêz muôv muôs zav nox tov têx cêr”, pêz tsuv sik đros huôx tôngv txos qơư chiê phax tar zav nox kiês nênhs, zav nox tsi txâuk tsơưr lươngv, ndar txos iz luz nênhx taz por thiêz tsơưr lươngv jông đuô.

          Taz por zav nox li kror zov chênhr

          Taz por zav nox tsi taz zos vênhv thix lênhx nênhs li đas jos mak tsênhv uô zênhr shar txos huôv tsar KTXH. Zav nox tsi taz por uô trâus tưx, moz gênhs, muôx têx uô tuôs lênhx nênhs, thôngx cxix uô txu grês nênhs sir zôngv li siêz njênhs. Viv li, hâux lưv taz por zav nox zos tas nro xã hôiv li txơưx jênhv, txix nênhs tsiv uô, nênhs muôv muôs hax huv txos lênhx nênhs sir zôngv.

          Têx hâux lưv uô tsênhv tsênhz

          Đros nênhs tsiv uô, muôv muôs

          Tsi zôngv têx tsơưr trâus txưr, hóa chất muôx tưx, têx zav maux tsi pâuz tsênhz qơư tsiv uô.

          Uô trơưk tsưr ziv tsiv uô hur jông, sâu tsênhz mênhx qơư tsiv uô, six hơưv sir zôngv sâuv têx xiv huv uô tâu.

          Yax six uô vêv xênhz chuôz zênhx, qơư por coar chiê taz por vêv xênhz.

           Đros nênhs sir zôngv:

          Tsuôk zuôr zav nox muôx ntâuz ntơưr cxix cxuô ntơưv têx qơư muôv muôs.

          Uô trơưk tsưr ziv “Nox siêr hâuk bâu”, nzuôr tês hur si uô ntêx thâuv tsiv uô zav nox.

          Khơưk tsês zav nox trơưk tsưr ziv, tsi uô zav nox trâus liêv.

          Heik kriê têx qơư tsiv uô, muôv muôs zav nox tsi huv vêv xênhz trâu chiz coaz muôx txơưx jênhv pâuz.

          Têx cấp chính quyênx, đoanx thêv tsuv cxơưz tiês côngz xưv yax mông, qênhz yuôx thiêz yưr lir txos qơư têx hâux lưv uô cxâuv lok taz por zav nox. Cxuô lênhx nênhs tsuv zos lênhx nênhs sir zôngv txơưx njê, xeir têx xiv huv taz por chiê por vêv chuôz zis thiêz xã hội li đas jos.

          Hu lơưs “Viv iz luz nênhx muôx jông đas jos, pêz sik đros uô jông têx cui tênhv lok taz por zav nox. Txơưv zos iz hâux lưv uô mê cux zuôr gôngr phênhv cxiv tsa iz côngv thôngx vav mênhx, taz por thiêz huôv tsar truôx đrênhk”./.

          Hồng Việt-Txâur Vax cxeik nhênhv