Tsôngv box Poz Ziz đơưz Mường Chiên lov jêv ntưk tsiêz 14/7 hli ntux

Zơưv Điêu Văn Hịm nhoz jok Quyền, xã Mường Chiên heik: Trơưk li chei phôngz cxưx thâuv ntêx, tsiêz 14 tâu tsưr tsix lok hnuz 14/7 hli ntux niêx shông. Luz tsiêz co qir txix tsôngv box tox siêz luz nênhx xênhz huôx đros trâu cêr huôv tsar uô têx blêx liêx. Đhâu chos tas têx blêx liêx, txos hnuz 14 zuôr hu plis tưv, uô tsâus tưv tưz paz lênhx nênhs lêix uô tas têx liêx têz, tsêz chos kôngz; thor cov đaz xênhz têz xênhz qơư, pos zơưs, chor lâul tâu tas siv nênhx paz por hưv por zơưv cov kôngz hloz lox jông, sâu tâu nju.

Nhoz Mường Chiên, nhiv no nox tsiêz 14 cux tsênhv tuôr tsês tâu têx cxênhx cxênhv txux chi vênhx huôv jông tsi chiê pôngz plox. Têx shông jê lok no, tsiêz 14 tâu Ủy ban xã Mường Chiên uô yênhx txux chi vênhx huôv cấp xã, chiê tsôngv cưr tix lax pêx xênhv cxuô jêx jok siz zâuv tuôx côngv cêr lov jêv thiêz zos six hơưv chiê têx tuz nhuôs muk uô hâux lưv, uô nox đêz tror lok seiz vax tsêr, chuôs njiz chor nênhs hâur tsêr thâuv txos hli 7.

Shông no, tsaz yênhx uô si lov jêv tsiêz 14 tâu Ủy ban xã Mường Chiên tsưr tsix nzor đuô. Têx cxênhx cxênhv chei đaz kruôs tâu uô trâu ntơưv qơư txi côngv lênhx nxeik muôx côngz nto bê thâuv ntêx cxiv kho jêx jok nhoz jok Bon, co zos qơư txi têx đaz xênhz têz xênhz qơư, car đêx car ar thiêz nênhs Poz Ziz lênhx nxeik muôx suôz đor bê thâuv ntêx cxiv tsa têz qơưk, thax tsav qơư nhoz. Đhâu têx cxênhx cxênhv heik sâuv zos nthuôr uô ntâu txux chi lov jêv li: Hu gâux then, đhiê uô si đros têx suôz trax đror lov jêv ntưk, hu zâuv chôngz lênhx ntâu tus kruô đros côngv cêr lov jêv uô si hnuz tsiêz hli 7.

Tuôx côngv cêr lov jêv tsiêz 14, pêx xênhv thiêz tsôngv kruô tsênhv tâu đros nthuôr uô têx txux chi uô si li: Sik tưr lêiv poz, cheix chuôv shôngz tâus cêr, seiz keiz siz ndơưk.....Lar heik zos sik tưr uô zav nox kaz txi côngv tsiêz 14. Têx paz cxaz chuôz sik tưr ntơư, lơưr zuôr bax uô têx jâuz mor kaz chiê gra tuôx sik tưr hâur hnuz tsiêz co. Niêv lâul Hoàng Thị Loan, nhoz jok Quyền sik tưr uô jâuz mor kaz heik: Trôngx jâuz mor txi hnuz tsiêz 14 thâuv tưs tưz zuôr tsuv muôx grêix ok hâu, mor blâuv, njêl cxiêz.... Iz chas ntơư, pêz tsênhv uô nzir ntâu zav nox kaz txơưr đuô pir li lok sâuv luz nênhx xênhz huôx, cêr siz hluz siz paz, luz nênhx tsâu sor, vav mênhx chiê piêr kriê trâu tsôngv fôngx zưs, têx lênhx kruô tuôx đros nox tsiêz côngv cêr lov jêv pâuz txos nênhs Poz Ziz nhoz Mường Chiên têx txux chi, zav nox kaz.

Zơưv Điêu Chính Thuận, Chủ tịch Ủy ban xã Mường Chiên heik pâuz: Mường Chiên 100% zos heir nênhs Poz Ziz đơưz, uô nênhx nhoz hâur 3 jok. Viv li, tsiêz 14 cux zos tas nro xã li luz tsiêz chiê tsôngv box sơưr đơưk tâu siz chuôs njiz, côngv cêr lov jêv, muôx nzir cêr thôngx siêz. Iz chas ntơư, co cux zos hâux lưv chiê piêr kriê Mường Chiên têx txux chi ju lix côngv thôngx, ju lix vênhx huôv trâu chôngz lênhx ntâu tus pâuz txos, ziv hnuz ziv hu zâuv tâu ntâu lênhx kruô tuôx ndis seiz têz qơưk uô si txos thax tsav no.

Suôx câuv hnuz tsiêz, uô pêx xênhv, tsôngv kruô ndo njôngr hâur đruôz siêz tsi plox lok têx txux chi vênhx huôv, cêr lov jêv tsênhv tâu sơưr đơưk tuôr tsês, uô đreiv chiê. No zos hâux lưv uô muôx liv, cxơưz cxiz tsôngv box heir nênhs tsơưs, têx lênhx pâuz thôngz pâuz cxuô tror đros por hưv, tuôr tsês tsi chiê pôngz plox, tôngv zênhx tsôngv cưr tix nênhx tsa sơưr đơưk uô nênhx sik thôngx siêz, sir jos siz tưr huôv tsar uô nox uô hnar, cxiv tsa têz qơưk, thax tsav qơư nhoz ziv hnuz ziv vav mênhx, jông đuô./.

Báo Sơn La-Riê Lâux cxeik, nhênhv

Yênhx cxênhz lênhx tuôx trâu ntênhk hội "Pay Tái" nhoz Yên Bái

Txix ciês thâuv têis cik sơưr nzor,yênhx cxênhz lênhx px thiêz tsôngv kruô tưz shir phaz lul tuôx trâu tsênhv qơư xã Lâm Thượng, huyện Lục Yên, tỉnh Yên Bái chiê sêiz ntênhk hội "muk sêiz shuôk niêv têik, zơưv txir" shông 2024.

Ntênhk hội "muk sêiz shuôk niêv têik, zơưv txir" shông no tâu kriz uô hâur oz hnuz txix hnuz xiêz 7 txos xiêz 8 hli 7 hli ntux thiêz kriz nthuôr uô hêir nênhs Tày têx cêr lov jêv cxôngx nzor li: Tưr phiêz tơưz ntiv njêk, tso yik siz đrâuk, tso kêiz ok siz ndơưk, tuôr nduôr blêx, muôz fuôv bos kror muôs ntêk cxov njêk hâur đêx, muk đhâu qox shôngz đê pax, ndơưk bóng. Đros co, cux kriz nthuôr uô cêr lov jêv đhiê pax vuôs, hêik cưr cxiêx thiêz hêik kriê tsôngv px hâur thax tsav cxuô zav nox cux li têx tsôngk tiêz, tsôngk yo cxôngx nzor trâu tsôngv kruô pâuz txos.Pos Nguyễn Phương Thảo nhoz đrôngl Yên Bái shir phaz lul hêik pâuz: “Cur sêiz pov hêir nênhs Tày têx tsôngk tiêz, tsôngk yo jông jav hênhr thiêz tso yik siz đrâuk, tso kêiz ok siz ndơưk, tuôr nduôr blêx, muôz fuôv bos kror muôs ntêk cxov njêk hâur đêx. Đhâu ntênhk hội no, pêz cur tưz pâuz tâu hêir nênhs Tày têx txux chi, vênhx huôv jông cxôngx nzor”

Tsôngv px hêir nênhs Tày cux xar tiêk, đhâu thâuv têx nxêik muk zuôr txir cxiv kho chuôz zis, tsuôk zos tsês six hơưv hnuz nhôngs đros tus txir uô cxuô luôs hâux lưv cxơưx trâu tos pox zơưv; iz shông tsuôk tâu tuôx sêiz shuôk niêv têik zơưv txir oz jiês, co zos ndax trâu hâur shôngk shông yiêz thiêz hli 7 hli ntux đra; tâu tuôx sêiz shuôk niêv têik, zơưv txir zos chiê hlơưr shaz trâu pox côngz zơưv côngz thiêz zos jiês tâu njiz têx nênhs cxênhz jê tos nênhx tsa. Trơưk li zơưv Lý Thông Dung, hêir nênhs Tày, Nùng xêir tsov hâur shôngk shông yiêz thiêz hli 7 hli ntux đra chiê muk sêiz shuôk niêv têik, zơưv txir, cux zos ndax trâu ntu sâu kôngz lôngk tas, muk sêiz shuôk nênhx tsa, zuôr muôx ntâu zav nox kaz chiê txi côngv pox côngz zơưv côngz thiêz puz trâu niêv têik, zơưv txir: “Njiêz lukmuk sêiz shuôk niêv têik, zơưv txir zos hêir nênhs Tày, Nùng iz vênhx huôv jông, muôx liv trâu luz nênhx lês uô đhâu ntâu tiêv txos trâu nhiv no tsênhv muôx đros đrêiv hâur luz nênhx tsik chiê pôngz plox”

Hâur têx shông đhâu, xã Lâm Thượng, huyện Lục Yên, tỉnh Yên Bái  tưz muôz hêir nênhs Tày, Nùng chax chêk, nxêik vâur muk sêiz shuôk niêv têik, zơưv txir chiê kriz uô yênhx iz ntênhk hội. Ntênhk hội muk sêiz shuôk niêv têik zơưv txir shông no kriz nthuôr uô ntâu cêr lov jêv, hêik cưr cxiêx, đhiê pax vuôs, sênhr chêr…muôx chôngz px thiêz tsôngv kruô tuôx sêiz shuôk, đros côngv cêr lov jêv. Co cux zos paz cxơưz cxiz huôv tsar truôx sđ têx txux chi, vênhx huôv jông txuôk đros cxiv uô qơư ndis uô si, sêiz shuôk têz qơưs./.             

Tsu cxêik nhênhv-Thừa Xuân