Yên Bình muôz hax huv njêl Thác Bà chox muk muôssâuv ciêz đrôngs

Tsik tâu muôx 10 shông tror uô ntêx, suôz njêl, khâux khâuv đros ntâu zav, lox zâu sik txơưr tâu muôs huv trâu sơưr đơưk siêz nhiêv. Viv li, cux zôngx ziv pâuz tâu thâuv muôx đros iz zav hax huv, lox zâu siz xưk taz sik gri muôs ho sik txơưr; tưz tsik zos li xưz gri muôs tsênhv sik txơưr lơưr yênhx hnuz; têx thâuv tsênhv trơưk têx jiês kriz uô ciêz thiêz. Taz sik nhiv no, tsiêx đêx pak đêx Thác Bà tưz muôx ntâu hlôngr yiêz, chor njêl hâur pak đêx tưz tâu muôs ntơưv têx siêu thị, qơư muôs nhoz têx tỉnh thành thiêz tâu chôngz lênhx nênhs sir zôngv txêik tok. Zơưv Lã Tuấn Hưng, Phưv Chủ tịch Ủy ban huyện Yên Bình puz pâuz:“Hâur ntu đhâu huyện tưz tsêx trung khov trâu têx pênhr nhiêx chiê kriz uô truôx jông têx tsênhv chêi paz huôv tsar tsiêx đêx tỉnh Yên Bái. Iz chas co, chiê sêiz car tâu truôx jông côngz xưv tu zus tsiêx đêx, huyện  tưz chox kriê têx xar, thị trấn, chor HTX, chor chuôz zis thâuv đăngk cir yiêz têx thax tsav qơư tu zus suôz njêl tsuv taz por huv đros trâu tỉnh li cêv kuôk”.

Công ty cổ phần nhênhz chơưv thiêz sir zôngv dịch vụ khoa học T&T nhoz thị trấn Thác Bà zos iz hâur oz công ty tu zus njêl hâur vax thêir nhoz huyện Yên Bình. Nhiv no công ty muôx 100 ntâu luz vax zus njêl li: njêl lăng, njêl nox jâuz đuz, rô phi lox… đros sâu  tâu muôx 1.000 tấn iz shông, phênhv sâu tâu muôx 20 tiv đêiv ntâu. Chiê gra siêz đuô tsơưr lươngv hax huv, công ty tưz kriz uô tsưr ziv tu zus lơưr ploz tsênhr VietGAP, cê taz por tsơưr lươngv cê cxiv tsa côngz bê trâu chor hax huv njêl hâur pak đêx Thác Bà. Zơưv Nguyễn Khắc Tuấn, Giám đốc công ty puz pâuz:“Nhiv no công ty têx hax huv tưz tâu muôs hâur têx siêu thị li Vinmart, Aeon lok sik xưk li Lotte nhoz Hà Nội, cux khav tênhv tâu tsơưr lươngv. Ndar txos ntu nênhx tov ntêx no mak công ty zuôr kriz uô lox đar đuô nhoz têx tỉnh, tsik zos ntơưv Hà Nội xưz”.

Truôx tuk txix cxuô zav muôx tâu cux tưz paz thơưz chor doanh nghiệp nhoz huyện Yên Bình yưv pênhr trâu hâux lưv uô têx hax huv cov jông đuô txix njêl Thác Bà. Công ty TNHH uô tsiêx đêx hur Hải Hà, xar Hán Đà, huyện Yên Bình zos taz viv xuz thơưx ciês hâur uô têx suôz njêl Thác Bà yênhx têx hax huv li grêix njêl jov mok, grêix njêl kruôr… Lok six sêi, công ty tưz cxiv tsa tâu côngz bê thiêz muôz têx hax huv no muôs hâur cxiv luôs têx siêu thị lox, qơư muôs hax huv OCOP nhoz ntâu tỉnh thành li Hà Nội, Lào Cai, Tuyên Quang, Phú Thọ. Zơưv Nguyễn Quyết, Giám đốc Công ty hêik pâuz:“Thâuv ntêx no njêl muôs trâu chor nênhs uô lax luôv mak tsik so trâus nhov gri, thâuv zuk tưz uô tâu lơưv mak zuôr paz gra siêz tâu tsiv gri hax huv thiêz cux paz muôx nzir phênhv sâu trâu têx taz viv”.

Đros ntâu tsưr ziv tưz kriz uô, txos nhiv no, huyện Yên Bình tưz cxiv tsa tâu 6 hax huv OCOP txix chor njêl Thác Bà, hâur co muôx têx hax huv tưz tâu muôs ntơưv têx ciêz đrôngs, têx siêu thị lox. Pos Đồng Thị Hiền, Giám đốc HTX uô kôngz nuv Tây Bắc Hiền Vinh shir phaz hêik:“Tỉnh, huyện thiêz têx taz viv paz trâu pêz tưz cxaz chuôz tsaz yênhx paz thơưz thương mại chiê piêr pâuz lok hax huv. Đuô li mak paz trâu pez cxaz chuôz trâu chor tsaz yênhx piêr pâuz ciês trâu têx qơư muôs hax huv, siêu thị ntơưv têx tỉnh…”

Huyện Yên Bình, tỉnh Yên Bái sir jos uô tsưr ziv txos shông 2025, têx suôz njêl ntâuk muôz tâu muôx 9.200 ntâu tấn, hâur co muôx 50% tâu uô chiê muôs tơưv saz đrâuv têz qơưk, paz trâu phênhv sâu iz héc ta tu zus suôz njêl tax tâu muôx 300 triệu đêiv iz hsông. Đhâu co, paz thơưz hlôngr yiêz đuô kinh têr, uô lơưr têx tsưr ziv huôv tsar cxuô ntơưv thax tsav qơư./.

                                                                 Đinh Tuấn-Lik Thox cxêik nhênhv

Đăk Lăk: Pox niêv hlôngr yiêz siêz xar, tsưr ziv huôv tsar kinh têr, txu grês cêr pluôk truôx vênhs

Têx hnuz hâur hlik hli 2/2023, niêv lâuk H Búi Ayun, nhoz jos Drai Si, xã Ea Tar, huyện Cư Mgar, tỉnh Đăk Lăk tsênhv huôv tsar tu zus tsiêx cxu. Yênhx puô tuk keiz ok, buô, luôr, yik thiêz nhux đas tâu nox cxuô zav jâuz, krâur cxix cxuô thiêz têx guôx tu zus tâu qêz suô tsik trâus vuôz tsuôz kiêk nênhs. Niêv lâuk H'Búi heik, khov chor tsiêx cxu no hâur shôngk shông no, niêv lâuk chuôz zis tưz zuôr tâu ntâu chuôz zênhx sir zôngv, thêv tâu iz đraz nux grê trâu tsêr nhiêx têz qơưs. Niêv lâuk H Búi heik: Txix thâuv đros uô hâur Chi hội pox niêv jos, tâu đros cơưv cxuô lớp kriê lok tsưr ziv huôv tsar uô nox, zos xã, huyện kriz cơưv. Shông 2019, niêv lâuk H Búi txeik 70 tsov đeiv txix tsêr nhiêx tsênhv chêi xã hội huyện, zuôr nhiêx nju kik. Muôx pênhr, niêv lâuk oz niêv txir tưz sir jos huôv tsar cêr uô nox, chos cxuô zav tsoz chos, tu zus ntâu zav tsiêx cxu chiê muôx phênhv sâu tâu nhiêx txiêx. Niêv lâuk H Búi Ayun heik:"Khov xênhz huôx đros hội pox niêv, tâu têx pox niêv vir ndâuk heik kriê zuk cơưv shâuv uô lơưr. Khov co zuk txơưx tu zus, tsêz chos, hlôngr yiêz tsoz chos, tsiêx tu zus cov huv đros"

          Pos H Blên Ayun, Chủ tịch Hội pox niêv xã Ea Tar, huyện Cư Mgar ntâuk grê, niêv lâuk H Búi Ayun zos lênhx nênhs gruôs cơưv shâuv, sir jos đros xênhz huôx chiê siz paz lok mhuôv tsar cêr uô nox. Niêv lâuk H Búi chuôz zis hâux lưv huôv tsar kinh tế tưz yênhx iz luôs hâux lưv jông, tâu chôngz lênhx pox niêv txơưr tuôx seiz shuôk, cơưv shâuv uô lơưr. Lơưr pos H Blên Ayun, chiê paz têx hội viên huôv tsar kinh têr, ngaz tul luz nênhx, Hội pox niêv xã Ea Tar tưz yax kriê tsôngv pox niêv vir ndâuk sik côngv paz chor chuôz zis pluôs cov iz thênhv jux juk muôx luz nênhx truôx tuk, tsâu sor. Tsênhz mênhx, 10 lênhx pox niêv paz 1 lênhx pox niêv nhoz têx chi hội jos 1, jos 2, jos 3, thax tsav Ea Tar… Đros ntơư, Hội cux tưz cxiv tsa tâu 7 kror qơư tsês nhiêx  chiê kir txeik pênhr thiêz sơưr txeik pênhr nhiêx têz qơưs huyện Cư Mgar trâu 300 ntâu lênhx hội viên pluôk txeik đros tas nro zos zuôr xar 6 tỷ đeiv: "Hội cux yax mông trâu pox niêv cơưv shâuv, uô lơưr têx tsưr ziv huôv tsar uô nox jông, huv đros thax tsav qơư nhoz. Tiv 2 zos cơưv shâuv, tsưr ziv huôv tsar uô lơưr saz truôx tul".

          Trơưk li pos Lê Thị Thu Hiền, Chủ tịch Hội liên hiệp pox niêv huyện Cư Mgar, hâur  ntu đhâu, têx cấp hội pox niêv huyện Cư Mgar tưz krêz uô ntâu luôs hâux lưv huôv tsar uô nox "Hlôngr yiêz vax chos"; "Txar têx guôx cơư tsiêx cxu muk đêz tsêr nhoz";  Pox niêv sik paz huôv tsar uô nox, txo grêk yêiz pluôs"….Tiv zix, txix shông 2020, cxiv vênhv tôngv "Hlôngr yiêz chuôz zis pox niêv mênhx cxưx tsơưs nênhs li siêz xar, tsưr ziv uô hâur huôv tsar uô nox" tưz tâu krêz uô đêz đar txos cxuô thax tsav qơư. Đhâu co, tưz muôx 14 luôs hâux lưv huôv tsar  uô nox, zos chor chuôz zis pox niêv mênhx cxưx tsơus nênhs krêz uô. Pos Lê Thị Thu Hiền heik:"Ntu zuôr txos no, Hội pox niêv huyện zuôr tror yax mông, vênhv tôngv, krêz uô đêz đar têx hâux lưv yiêz, tsưr ziv uô jông hâur cán bộ, hội viên pox niêv, tiv zix zos hlôngr yiêz siêz xar, tsưr ziv uô hâur huôv tsar uô nox hâur ziv chuôz zis tsôngv box mênhx cxưx tsơưs nênhs"

          Huyện Cư Mgar, tỉnh Đăk Lăk nhiv no muôx 72 jêx jos, jos muôx chôngz tsôngv box mênhx cxưx tsơưs nênhs tiv zix tsav 45 phênhv puô ntâu tas nro jênh số huyện. Txix ntơư, tsôngv box mênhx cxưx hâur thax tsav tưz tso tsês têx cêr nênhx pôngz kaz, tsik tok txos têz qơưs têx nhiêx muôz paz thiêz truôx siêz hlôngr yiêz tsoz chos, tsiêx tu zus, muôx phênhv sâu tâu ntâu kôngz lôngk.

Hâur co, muôx ntâu ziv chuôz zis hội viên pox niêv tưz hla đhâu cêr pluôs truôx vênhs, muôx luz nênhx truôx tuk, tsâu sor./.

                                                             H Xíu-Txâur Vax cxeik nhênhv